Connect with us

Infrastrukturë

Komuna e Prishtinës synon të nis ndërtimin e nënkalimit në rrugën “Agim Ramadani”

Published

on

Nënkalimin që lidh rrugën “Agim Ramadani” me lagjen e vjetër të qytetit, Komuna e Prishtinës synon ta realizojë sivjet. Projektet e tjera që komuna i konsideron të mëdha që do të financohen këtë vit, kapin shumën 20 milionë euro. Por, opozita është skeptike sa u përket projekteve  komunale.

Nënkalimi në rrugën “Agim Ramadani”, në afërsi të Kuvendit po konsiderohet si njëri nga projektet më të mëdha infrastrukturore në komunën e Prishtinës për vitin 2024, sipas drejtorit të Investimeve Kapitale, Krenar Xhaferi.

“Jemi në pjesën e nënkalimit në rrugën Agim Ramadani projekti më i madh infrastrukturor të cilin e kemi në vitin 2024 është nënkalimi nga teatri në drejtim të komunës dhe në drejtim të Gjimnazit Sami Frashëri, komunikacioni do të zhvendoset në pjesën e poshtme i papenguar prej këmbësorëve”, tha Xhaferi.

Xhaferi foli edhe për vazhdimin e rrugës A dhe për projekte të tjera.

“Projekti tjetër i rëndësishëm vazhdimi i rrugës A nga Kalabria në drejtim të Veternikut këtë segment do ta tenderojmë sivjet ndërsa kontrata të cilën do ta kemi aktive është rruga A do të përmbyllet 1.2 kilometra nga Veterniku në drejtim të rrugës B, segmenti i rrugës A do të ketë diku 2.5 kilometra realizim gjatë vitit 2024. Do të vazhdojmë më platformën ndërlidhëse, nga pallati i rinisë në drejtim të lagjes Arbëria dhe pallati i rinisë në drejtim të Grandit”, theksoi ai.

Opozitarët e kësaj komune pritjet se sivjet do të realizohet ndonjë projekt i madh i kanë minimale.

“Pritjet janë minimale, sepse vitin e kaluar kemi parë investime të pakta, kurse Prishtina ka nevojë për shumë invesimt”, tha Besart Krasniqi, asamblist i LVV-së në Prishtinë.

Edhe shef i asamblistëve të AAK-së në Prishtinë, Bahri Gashi ka shprehë mos besim ndaj qeverisjese komunale.

“Ka ngecje në këtë drejtim, sidomos në investimet kapitale ku prekën ma së shumti qytetari në aktivitetet ditore, i shohim rrugët që nuk janë nivel qysh duhet, ka do rrugë të reja po ato janë shumë pak, zgjasin shumë projektet arsyet e ndryshme” , tha ai.

Projektet që i ka planifikuar komuna për sivjet kapin shifrën rreth 20 milionë euro./Media Ndërtimi

Infrastrukturë

Skanska fillon punën për rinovimin e stadiumeve në SHBA për Kupën e Botës 2026

Published

on

Skanska ka filluar një projekt për të rinovuar tasin e poshtëm të stadiumit MetLife në East Rutherford, New Jersey, SHBA, në përgatitje për Kupën e Botës FIFA 2026.

Projekti përfshin prishjen e katër qosheve të ndenjëseve para-ekzistuese në të gjithë stadiumin dhe instalimin e një sistemi të ri modular të ndenjëseve prej çeliku.

Projekti gjithashtu përfshin rregullime mekanike, elektrike, audiovizive dhe hidraulike. Për më tepër, projekti përfshin heqjen e 1740 vendeve të përhershme për të zgjeruar dimensionet e fushës për ndeshjet e Kupës së Botës FIFA.

Skanska shton se modifikimet e stadiumit dhe të vendeve do ta bëjnë fushën e lojës më të madhe për të përmbushur kërkesat e nevojshme të madhësisë së FIFA-s, kështu që stadiumi mund të presë tetë ndeshje gjatë gjithë turneut, duke përfshirë finalen.

Për të siguruar ndërprerje minimale në aktivitetin ekzistues të stadiumit dhe oraret e ekipeve, Skanska thotë se ndërtimi do të kryhet në dy faza. Faza I filloi në janar të këtij viti dhe pritet të përfundojë në maj 2024. Faza II do të fillojë në janar 2025 dhe parashikohet të përfundojë deri në maj 2025.

Në vitin 2010, Skanska përfundoi ndërtimin e stadiumit MetLife prej 2.2 milionë metrash katrorë, i cili ishte objekti i parë i ndërtuar për të akomoduar dy ekipe të Ligës Kombëtare të Futbollit (NFL), New York Football Giants dhe New York Jets./Media Ndërtimi

Continue Reading

Infrastrukturë

Palestra e sportit në Gjilan në vlerë prej 2.3 milionë euro

Published

on

Palestra e sportit “Bashkim Selishta-Petriti” në Gjilan do të rinovohet dhe do të ofrojë kushte moderne për sportistët.

Është nëshkruar momorandum bashkëpunimi nga sekretari i MKRS-së, Xheladin Krasniqi dhe kryetari i Gjilanit, Alban Hyseni, në praninë e ministrit, Hajrulla Çeku dhe drejtorit të sportit në MKRS, Ibër Alaj.

Ky projekt është investim i përbashkët i ministrisë dhe komunës në vlerë 2.3 milionë euro.

Përmirësim i infrastrukturës sportive në gjithë vendin është njëri ndër prioritetet kryesore të Ministrisë së Sportit./Media Ndërtimi

Continue Reading

Infrastrukturë

Pse kaq pak gjermanë jetojnë në shtëpi apo banesa të blera?

Published

on

Më pak se gjysma e gjermanëve jetojnë në shtëpi apo banesa që i kanë blerë. Shumica jetojnë në banesa me qira. Situata është e ndryshme në jug dhe lindje të Evropës. Pse ka kaq shumë dallime?

Më shumë se 83 milionë vetë jetojnë në Gjermaninë një sipërfaqe prej 357.580 kilometra katrorë. Prej tyre, më pak se gjysma jetojnë në shtëpitë dhe banesat e tyre. Sipas të dhënave të zyrës evropiane të statistikave Eurostat, në vitin 2022, 47 për qind e familjeve gjermane jetonin në banesat e tyre, ndërsa pjesa tjetër prej rreth 53 për qind janë qiramarrës, gjë që e vendos Gjermaninë në fundin e vendeve në Evropë, nëse përjashtohet Zvicra. Rumania, Sllovakia, Kroacia, Hungaria dhe Mali i Zi kanë përqindjen më të lartë sa i përket pronësisë së pasurive të paluajtshme. Në këto vende më shumë se 90 për qind e popullsisë jeton në shtëpinë ose apartamentin e vet. Por pse dallimet janë kaq të mëdha?

“Kazerma rezidenciale”

Gjermania ka një përqindje kaq të vogël të pronësisë në krahasim me Evropën Jugore dhe Lindore, kryesisht për arsye historike. Ato datojnë në shekullin e 19-të, koha pas Luftës Franko-Prusiane dhe themelimit të Perandorisë Gjermane në 1871. Në atë kohë, Gjermania u zhvillua nga një vend bujqësor i vonë feudal në një komb industrial. E kjo do të thotë se njerëzit lëviznin nga fshatrat në qytete për të gjetur punë atje. Prandaj, shumë apartamente të lira duhej të ndërtoheshin shpejt.

Miliona pa vendbanime pas Luftës

Qeveria e re u përpoq të krijonte shpejt një hapësirë ​​të re jetese me ndihmën e një sërë masash dhe njëkohësisht u përpoq të parandalonte rritjen tepër të madhe të qirave për shkak të mungesës së hapësirave të banimit.

Për këtë arsye ndërtimi i banesave u shpall prioritet absolut. “Ndërtimi i banesave është kushti më i rëndësishëm që populli gjerman të drejtohet drejt rimëkëmbjes politike, ekonomike, por edhe etike dhe kulturore”, tha në shkurt 1950 kancelari i atëhershëm Konrad Adenauer, duke folur për krizën e strehimit.

“Një e katërta e banesave u shkatërrua në luftë,” thotë Konstantin Kolodilin nga Instituti Gjerman për Kërkime Ekonomike (DIW). Në disa qytete, shkalla e dëmtimit ishte dukshëm më e lartë. Strehimi është shpallur prioritet kombëtar.

Bumi i banesave në vitet pesëdhjetë

Në vitin 1950 u miratua i ashtuquajturi Ligji i parë për Strehimin. Si rezultat i këtyre masave, më shumë se pesë milionë apartamente të reja u ndërtuan në vitet e pasluftës. Mungesa e banesave ishte e madhe edhe në Gjermaninë Lindore. Në të njëjtën kohë me Ligjin e parë për ndërtimin e banesave në Perëndim, u miratua edhe i ashtuquajturi Akti i Rindërtimit për të nxitur ndërtimin e banesave. Në mesin e viteve 1950, ky ligj inkurajoi ndërtimin e blloqeve të apartamenteve të stilit sovjetik, tipike për Evropën Lindore.

“Në vitet 1950-1960 ndërtoheshin kryesisht apartamente me qira në pronësi të kooperativave të ndërtimit. Si rezultat, kishte një përqindje të lartë të qiramarrësve”, shpjegon profesori Günter Fornholz, i specializuar në historinë e ndërtimit. Që atëherë, norma e qiramarrësit ka ndryshuar pak. Disa ndërtesa u bënë pronë e kompanive të pasurive të paluajtshme, por qiramarrësit mbetën në apartamente.

Continue Reading

Trending