Connect with us

Aktuale

Komuna e Ferizajt, e dëmtoi buxhetin me mbi gjysmë milionë euro

Published

on

Zyra Kombëtare e Auditimit (ZKA), ka gjetur shumë parregullsi financiare në Komunën e Ferizajt e udhëhequr nga kryetari Agim Aliu.

Si pasoj e vonesës në pagesën e detyrimeve financiare komuna ishte detyruar të paguante shpenzime shtesë prej në vlerën prej 596,032 euro në emër të procedurës kontestimore/përmbarimore apo interesit për pagesë të vonuar.

Po ashtu në dhjetë raste komuna kishte bërë ndryshime të kontratave duke tejkaluar limitin e lejuar ligjor prej 10%. Gjetje tjera janë konstatuar se  si komuna kishte filluar procedurat të prokurimit pa një projekt detal të ndërtimit, gjatë vitit 2022 nuk kishte arritur që ti regjistroj edhe 18 të punësuar në listën e pagave të cilët kishin kontrata të rregullta të punës.

Në projektin ndërtimi i rrugës Varosh-Gërlicë përgjatë hekurudhës dhe ndërtimi i mbikalimeve për këmbësorë kishte vendosur kritere diskriminuese dhe po ashtu ka shpërblyer me kontratë operatorin ekonomik i cili nuk i kishte plotësuar të gjitha kriteret e përcaktuara me dosjen e tenderit, raporton IndeksOnline.

ZKA-ja ka identifikuar po ashtu parregullsi në pranimin e punëve apo furnizimeve të pa përfunduara për të cilat janë bërë pagesat te kontrata , asfaltimi dhe zgjerimi i rrugës në fshatin Rakaj, projekt dy vjeçar me vlerë të kontratës 279,818 euro , ZKA-ja ka vërejtur se Komuna kishte ekzekutuar pagesën prej 54,120 mijë euro për punë që sipas situacionit ishin të përfunduara në situacion. Mirëpo, punimet nuk ishin realizuar siç ishin përshkruar në situacion. Pozicionet e përshkuara në situacion për pagesën 6,224 euro nuk ishin kryer.

Përkrahja dhe ndërtimi i infrastrukturës në zonën turistike, me vlerë të kontratës 15, 600 euro, ky projekt ishte paguar në tërësi, por që punimet nuk ishin realizuar siç ishin përshkruar në situacionin në bazë të të cilit është faturuar edhe paguar. Nga ekzaminimi , kemi vërejtur se pozicionet e përshkruara në situacion për pagesën në vlerë 4, 751 euro nuk ishin realizuar.

Furnizimi dhe montimi i pajisjeve të ngrohjes qendrore në tri shkolla të Komunë së Ferizajt, është realizuar pagesa prej 46,248 euro. Mirëpo punimet nuk ishin realizuar siç ishin përshkruar në situacion, disa pozicione të paraqitura në situacion në vlerë11, 958 euro nuk ishin realizuar.

Komuna ka filluar procedura të prokurimit dhe kishte lidhur kontratë për asfaltimi i rrugës kryesore në fshatin Suriqinë, rrugëve dhe trotuarit në Prelez të Jerlive dhe rrugëve në fshatin Muhovc , me vlerë prej 306,610 euro pa hartuar paraprakisht projektin ekzekutiv të ndërtimit.

Më poshtë janë të paraqitura ndryshimet e identifikuara nga ZKA-ja e sasive nëpër pozicionet të kontratat si në vijim:

“Ndërtimi i trotuareve në rrugën kryesore të fshatit dhe rrugicave të mbetura në Komogllavë në vlerë 759,636C, ishin bëre ndryshime të sasive nëpër pozicione në vlerë prej 232,830 euro  apo 30% të vlerës së kontratës.

Asfaltimi i rrugëve në fshatin Rakaj në vlerë 279,818 euro, ishin bërë ndryshim të sasive nëpër pozicione në vlerë prej 30,415 euro apo 11% të vlerës së kontratës.

“Ndërtimin e mureve mbrojtëse në Grema Gaçk e Mirosal në vlerë 126,641 euro, ishin bërë ndryshim të sasive nëpër pozicione në vlerë prej 33,210 euro apo 26% të vlerës së kontratës./Media Ndërtimi

Aktuale

Banka Botërore me projekt për avancimin e të drejtave pronësore në Kosovë

Published

on

Nisma për të Drejtën e Pronës është projekti i radhës që ka përfituar Kosova nga Banka Botërore, përkatësisht nga Fondi për Paqe dhe Shtet-Ndërtim që zbatohet nga ATRC. Ky projekt i cili ka filluar të implementohet nga viti i kaluar ka për qëllim që përmes avokimit publik t’i njoftojë qytetarët me të drejtat e tyre pronësore që u takojnë, e po ashtu edhe të reduktojë pabarazitë ekzistuese mes grupe të ndryshme, përfshirë pjesëtarët e komuniteteve, gratë dhe të rinjtë. Kështu bënë të ditur për KosovaPress, zyrtarja për Komunikim dhe Informim Publik në Projektin PIAKOS, të Bankës Botërore në Kosovë, Adelina Nitaj.

Nitaj thotë se me aktivitete të ndryshme dhe në bashkëpunim edhe me institucionet vendore, projekti do të ketë shtrirje në 27 komuna të Kosovës, në të cilat qytetarët do të informohen në mënyra të ndryshme se si të mbrojnë dhe përfitojnë nga të drejtat pronësore.

Mes tjerash, me Nismën për të Drejtën e Pronës, synohet të rritet edhe përqindja e grave që janë pronare të pronës së paluajtshme.

“Nisma për të drejtën e pronës është në linjë me kornizën kombëtare për partneritet të Bankës Botërore me Republikën e Kosovës dhe si qëllim i projektit është avancimi i të drejtave pronësore. Këtë presim ta arrijmë përmes avokimit të drejtpërdrejtë për gratë, grupet e cenueshme dhe të rinjtë, dhe gjithashtu përmes kampanjave të ndryshme mediale, të cilat do të ngrisin vetëdijen qytetare për pronën dhe do të rrisin gjithashtu edhe numrin e pronarëve, titullarëve të pronës së paluajtshme. Bazuar në statistikat zyrtare, aktualisht vetëm 19.8 për qind të grave janë pronare të pronës së paluajtshme. Ne si projekt presim që deri në përfundim të aktiviteteve, kjo përqindje të rritet, dhe që të krijojmë pak a shumë një barazi mes regjistrimit të pronës, mes grupeve të ndryshme, mes gjinisë dhe të krijojmë një kohëzion social mbi të gjitha”, bënë të ditur Nitaj.

Continue Reading

Aktuale

Firmat më të mëdha të arkitekturës në Australi nuk arrijnë të përmbushin hendekun e pagave gjinore

Published

on

Të dhënat për herë të parë mbi boshllëqet e pagave gjinore në Australi kanë zbuluar se 22 firmat më të mëdha të arkitekturës në vend i paguajnë burrat midis 5 dhe 27 për qind më shumë se gratë, duke dështuar të përmbushin diapazonin e synuar të qeverisë për diferencën e pagave.

Të publikuara dje në një mjet online nga Agjencia për Barazi Gjinore në Vendin e Punës (WGEA), një agjenci federale e qeverisë, të dhënat përfshinin shifra nga të gjitha kompanitë private në Australi me njëqind punonjës ose më shumë. Ishte hera e parë që boshllëqet gjinore të pagave nga punëdhënësit individualë ishin publikuar në vend.

Nga një total prej rreth 5,000 kompanish, 22 ishin studio arkitekturore dhe arkitekturore peizazhi, duke përfshirë Grimshaw, Hassell dhe Woods Bagot.

Të 22 studiot kishin një hendek total mesatar të pagave gjinore në favor të burrave dhe nuk kishin diferenca pagash brenda kufirit të synuar prej plus ose minus pesë për qind, gjë që lejon “luhatjet normale të biznesit dhe lëvizjet e punonjësve”, sipas CEO të WGEA, Mary Wooldridge.

Shumica e kompanive raportuan boshllëqe në paga mbi pesë për qind

Në krahasim, 62 për qind e të gjitha kompanive në të dhëna kishin boshllëqe mesatare të pagave gjinore prej më shumë se pesë për qind në favor të burrave.

Nëntë nga studiot kishin diferencë pagash gjinore më të mëdha se mesatarja kombëtare prej 19 për qind.

Është hera e parë që publikohenn boshllëqet gjinore të pagave nga punëdhënësit individualë. Në 10 vitet e mëparshme, organizata publikoi boshllëqet mesatare të pagave gjinore në industri dhe profesione të ndryshme.

Continue Reading

Aktuale

Fakulteti i Inxhinierisë dhe Ndërtimit kujton konstruktorin e shquar shqiptar Gjovalin Gjadri

Published

on

Në ambientet e FIN do të organizohet një ngjarje e veçantë në kujtim të 50-vjetorit të ndarjes nga jeta të shkencëtarit dhe patriotit të shquar, Gjovalin Gjadri, i cili ishte profesor, inxhinier, konstruktor i shquar në projektimin dhe ndërtimin e urave.

Me nder dhe respekt, Fakulteti i Inxhinierise së Ndërtimit (FIN) dëshiron të njoftojë të gjithë stafin dhe bashkëpunëtorët se në datën 13 mars 2024, duke filluar nga ora 10:00, në ambientet tona do të organizohet një ngjarje të veçantë në kujtim të 50-vjetorit të ndarjes nga jeta të shkencëtarit dhe patriotit të shquar, Gjovalin Gjadrit.

“Ngjarja, e cila do të mbahet nën titullin “Dita e Kujtimit për Gjovalin Gjadri”, synon të nderojë trashëgiminë e shkëlqyer të Gjadrit, për historinë tonë. Këtë rast, do ta përdorim për të reflektuar në kontributin e tij të jashtëzakonshëm në fushën e shkencës dhe si një patriot i përkushtuar për zhvillimin e kombit tonë.

Ju lutemi të jeni të pranishëm në këtë ngjarje të veçantë për të përjetuar momente të rëndësishme të reflektimit dhe për të ndarë kujtime dhe përvoja për Gjovalin Gjadrin.

Ju ftojmë të merrni pjesë dhe të përfaqësoni një pjesë të rëndësishme të komunitetit tonë në këtë rast të veçantë.”, shkruan në njoftim./Media Ndërtimi

Continue Reading

Trending