Connect with us

Infrastrukturë

Kompania turke blen Ferronikelin për 70 milionë euro

Published

on

Grupi BALFIN ka transferuar zyrtarisht të gjitha aksionet dhe pronësinë e NewCo Ferronikeli tek YILDIRIM International Group. Burime nga grupi negociator i kanë thënë Albanian Post se çmimi i shitjes ka arritur mbi 70 milionë.

Të dy Grupet arritën një marrëveshje në fillim të qershorit 2022 dhe gjatë këtyre muajve kanë pasur një bashkëpunim të ngushtë për të garantuar një dorëzim të lehtë që nuk do të ndikojë tek punonjësit dhe prodhimi.

Në dokument thuhet se YILDIRIM ka një plan biznesi të mprehtë për të zgjeruar dhe rritur biznesin e tij të metaleve dhe minierave. Prandaj, YILDIRIM pret me padurim NewCo Ferronikeli, duke ndërtuar një nga kompanitë më të mira të nikelit në Evropë. Plani i propozuar i biznesit do ta transformojë NewCo Ferronikeli në një nga filialet më të vlefshme të YILDIRIM, thuhet ne marrëveshje.

NewCo Ferronikeli u bë pjesë e BALFIN Group në korrik 2018. I gjendur në gjendje të pezulluar aktiviteti me detyrime, si dhe paga të papaguara të punonjësve, BALFIN Group ndërhyri për përmirësimin e situatës financiare dhe filloi zbatimin e një programi investimesh në vlerë 30 milionë euro, që  të arrihet efikasiteti i përmirësuar i prodhimit.

YILMADEN punëson një fuqi punëtore prej mbi 6,500 punonjësish dhe është e pranishme në 8 vende: Turqi, Kosovë, Suedi, Kazakistan, Rusi, Shqipëri, Kolumbi dhe SHBA.

YILMADEN eksporton produktet e saj te klientët në më shumë se 80 vende nëpërmjet më shumë se 20 qendrave të shpërndarjes të vendosura mirë në të gjithë botën.

Me seli në Stamboll, Turqi, YILDIRIM Group është një nga grupet industriale dhe infrastrukturore evropiane me rritje më të shpejtë.

Ata janë një grup global industrial i diversifikuar mirë, i cili është aktiv në 9 sektorë globalisht: kryesisht në metale dhe miniera, operacione dhe menaxhim portual, plehra dhe kimikate, energji, transport dhe logjistikë, investime financiare dhe kapital privat, etj. YILDIRIM operon në  53 vende në 5 kontinente në sektorët e përmendur më sipër me më shumë se 17,000 punonjës./Media Ndërtimi.

Infrastrukturë

Qeveria miraton tre vendime rreth shpronësimeve për interes publik

Published

on

Qeveria e Republikës së Kosovës ka zhvilluar mbledhjen e rregullt në të cilën ka:

Miratuar vendimin preliminar për shpronësim për interes publik të pronës së paluajtshme ish shoqërore PSH “Progres” e cila preket nga realizimi i Projektit: “Ndërtimi i Qendrës së Paraburgimit dhe Institucionit Korrektues në Prizren”, për nevoja të Shërbimit Korrektues të Kosovës/Ministria e Drejtësisë, ZK Dushanovë, Komuna Prizren.

–          Miratuar vendimin për shqyrtimin e mëtejmë të kërkesës për shpronësim për interes publik të pronave të paluajtshme të pronarëve dhe zotëruesve të interesit të cilat preken nga realizimi i Projektit: Ndërtimi i Rrugës Rajonale R221 Cerkolez-Rakosh, Zonat Kadastrale: Cerkolez, Rakosh, Suhogërllë dhe Uçë, Komuna Istog.

–          Miratuar vendimin për shqyrtimin e mëtejmë të kërkesës për shpronësim për interes publik të pronave të paluajtshme të cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut:, ZK Reçak, Komuna e Shtimes.

Po ashtu, në këtë mbledhje qeveria ka Ndarë 200,000.00 € për Ministrinë e Mjedisit, Planifikimit Hapësinor dhe Infrastrukturës për realizimin e projektit përmes marrëveshjeve me trupat e Organizatës së Kombeve të Bashkuara./Media Ndërtimi

Continue Reading

Infrastrukturë

BKT po financon me kredi ndërtimin e Aeroportit të Vlorës

Published

on

Aeroporti Ndërkombëtar i Vlorës është projekti i radhës i partneritetit publik-privat që po mbështet me financim nga sektori bankar vendas.

Banka Kombëtare Tregtare (BKT) po financon me një kredi prej 56 milionë eurosh shoqërinë Vlora International Airport, me qëllim investimin për ngritjen e atij që pritet të jetë aeroporti i dytë funksional në vend.

Kontratat e partneritetit publik privat mes qeverisë shqiptare dhe konsorciumit fitues për ndërtimin e Aeroportit të Vlorës u lidh në prill të vitit 2021 dhe vlera e investimit e parashikuar në kontratë është rreth 103 milionë euro (pa TVSH).

Por, kontrata parashikon garanci financiare në favor të investitorit nga qeveria shqiptare. Në rast se të ardhurat minimale të parashikuara në planin e biznesit të operimit të aeroportit nuk realizohen, kompania koncesionare do të përfitojë një shumë që mund të arrijë deri në 138 milionë euro përgjatë 10 viteve pas fillimit të operimit të aeroportit.

Koncesioni u fitua nga një konsorcium i përbërë nga kompania Mabco Constructions SA, YDA Insaat Sanayi ve Ticaret dhe 2A Group. Por, në dhjetor 2022, Mabco Constructions SA bleu edhe 40% të aksioneve nga ortaku turk YDA Insaat Sanayi ve Ticaret.

Pas blerjes së aksioneve që mbaheshin nga kompania turke, Mabco Constructions zotëron 98% të aksioneve në shoqëri.

Mabco Constructions është një shoqëri e regjistruar në Zvicër, në pronësi të biznesmenit Kosovar Behgjet Pacolli, ndërsa pjesa e mbetur prej 2% të aksioneve mbahet nga 2A Group, kompani ndërtimi nga Kosova, në pronësi të biznesmenit Valon Ademi.

Kontrata parashikon që aeroporti të përfundojë këtë vit dhe të nisë operimin vitin e ardhshëm. Aeroporti i Vlorës pritet të jetë më i madhi në Ballkan dhe pista e tij do të mundësojë operimin e avionëve të mëdhenj për fluturime ndërkontinentale./Media Ndërtimi

Continue Reading

Infrastrukturë

Sheshe, hapësira për këmbësorë dhe trafik i organizuar – disa nga efektet e ndërtimit të nënkalimit

Published

on

Agjenci këshillimore ‘Shërbimi i Arkitektit të Kryeqytetit’ (SHAK) ka treguar disa nga efektet e ndërtimit të nënkalimit në rrugën “Agim Ramadani” të Prishtinës.

Mbi 100 mijë makina hyjnë pothuaj çdo ditë në Prishtinë. Rreth 80 mijë të tjera janë makina të vetë prishtinasve. Rrjedhimisht, në një ditë të zakonshme, pothuaj 200 mijë makina ndodhen brenda kryeqendrës. Për pasojë, në kohë të pikut dhe në disa fyte të ngushta, trafiku rëndohet shumë.

Vetëm në nyjën e rrugëve “Agim Ramadani”, “Haxhi Zeka” dhe “Ibrahim Lutifu”, përskaj Xhamisë së Çarshisë, në një ditë të zakonshme kalojnë rreth 30 mijë makina. Në kohët e pikut, nëpër këtë nyjë kalojnë mbi 12 mijë makina. Pra, 40 për qind e trafikut ditor.

Këto shifra janë të mjaftueshme për të vënë në pah rëndësinë e zgjidhjes së problematikës së trafikut në këtë zonë. Sipas Planit të Mobilitetit të Qëndrueshëm Urban (PMQU), zhvillimi i një sistemi të integruar të transportit publik, që synon përmirësimin e qasjes në të gjithë qytetin dhe përmirësimin e lidhjes ndërmjet vendbanimeve të tjera urbane në partneritet me ofruesit e transportit publik, është zgjidhja e këtij problemi.

Projekti parasheh ndërtimin e nënkalimit ku do të bëhet zgjerimi i sheshit deri te Sahat Kulla, si dhe do të bëhet lidhja me sheshin ekzistues të njohur si Trekëndëshi. Ndërsa, automjetet do të qarkullojnë nën të.

Edhe sipas Planit Rregullues “Qendra 1” dhe , parashihet ndërtimi i një tuneli në këtë zonë, me qëllim të zgjerimit të shesheve qendrore të qytetit dhe lidhjes së tyre me zonën e vjetër historike.

Tuneli shtrihet në rrugën “Agim Ramadani”, kurse në drejtimin kah Gërmia, nuk do të jetë i mundur ndërtimi, për shkak të zonave të mbrojtura te Xhamia e Madhe dhe Akademia e Arteve. Për ta rregulluar qasjen në atë rrugë do të ofrohen alternativa që shkarkojnë ngarkesat e trafikut të cilat rëndoheshin në kryqëzimin me rrugën “Agim Ramadani”.

Tuneli parshihet të ketë tre shirita qarkullues, prej të cilëve njëri do të jetë vetëm për autobusë dhe dy të tjerët për automjete. Ai do të fillojë nga ndërtesa e Komunës së Prishtinës dhe deri tek ndërtesa e Teatrit Kombëtar, me gjatësi prej 240 metrash./Media Ndërtimi

Continue Reading

Trending