Connect with us

Aktuale

Investimet e parealizuara nga Kelkos dhe gënjeshtra e dobisë ekonomike e sociale për banorët e Deçanit

Published

on

Investimet nuk janë realizuar siç janë planifikuar nga Kelkos Energy.

Sipas Adem Lushajt, banor i zonës dhe aktivist, premtimet për investime në rimëkëmbjen mjedisore dhe të projekteve tjera në dobi të komunitetit  nuk janë realizuar asnjëherë. Aty ishin premtuar se do të renovohet rruga, do të vendosen mbrojtëset që të parandalohet degradimi i shtratit të lumit, do të rregullohet shtrati i lumit, si dhe do të ndërtohet një park në komunën e Deçanit në shërbim të komunitetit.

Sipas një raporti të institutit për politika sociale “Musine Kokalari”, asnjë prej këtyre investimeve nuk janë realizuar ose janë realizuar pjesërisht dhe sipërfaqësisht (sikur rasti i parkut ku Kelkos Energy ka investuar në vendosjen e disa ulëseve duke e bërë të duket sikur park). Rruga nuk është renovuar asnjëherë.

Madje Kelkos Energy kishte penguar ndërtimin e rrugës me preteksin se kjo ia dëmton gypat e vendosur nën tokë për bartjen e ujit. Janë diku rreth 10 km gypa uji të vendosur nën tokë.

Shtoja këtu pastaj edhe premtimin për vende pune të cilën e kishin përdorur p ë r f a q ë s u e s i t e kompanisë në takimet publike.

Asnjë person nga komuniteti nuk është i punësuar në këto HEC, ndërkohë që numri i përgjithshëm i të punësuarëve aty është shumë i vogël për shkak të procesit të automatizuar të prodhimit.

Investimet dhe dobia ekonomike e sociale për banorët e zonës janë fryrë qëllimisht – kjo për ta marrë miratimin e banorëve të zonës për ndërtimin e HEC-eve, obligim ky kushtetues e ligjor./ Media Ndërtimi.

Kelkos Energy: Investimet dukshëm më të vogla nga studimi i parafizibilitetit Edhe fuqia instaluese, edhe potenciali energjetik, e veçanërisht investimet e nevojshme të llogaritura nga Kelkos Energy dallojnë dukshëm nga studimi i parafizibilitetit.

Sipas përllogaritjeve të Kelko Energy fuqia e instaluar mund të jetë 23.36 MW krahasuar me 13.5 MW, sa ishte vlerësuar me studimin e parafizibilitetit të vitit 2006. Kjo paraqet problem të madh mjedisor e social.

Vlerësimet e autoriteteve publike dhe ato të kompanisë investuese bazohen në të njëjtat parametra e burime të potencialit ujor të Lumbardhit.

Studimi i parafizibilitetit ka projektuar fuqi të instaluar hidroenergjetike në bazë të kritereve për shfrytëzimin e ujit, duke projektuar në të njëjtën kohë edhe sasinë e ujit që duhet të lihet në rrjedhën natyrore për ta mirëmbajtur minimumin ekologjik.

Ndërkohë që projektimet e Kelkos Energy kanë tjetër synim: maksimalizimin e profitit. Prandaj kalkulimet e tyre e rrisin potencialin e prodhimit të energjisë elektrike në dëm të mirëmbajtjes e ruajtjes së mjedisit. Të njëjtën shpërputhje të shifrave e gjejmë edhe te investimet.

Sipas Kelkos Energy investimet për ndërtimin e 3 HEC-eve arrijnë shumën prej 55 milionë euro gjithsej (këtu përfshihen edhe investimet në HEC ekzistuese ‘Lumbardhi 1’).

Ndërsa sipas studimit të parafizibilitetit investimet në kapacitetet e reja hidroenergjetike në Lumbardh (2 HEC në vend të 3 sa ka projektuar e ndërtuar Kelkos Energy) vlerësohen se duhet të jenë 11.3 milionë euro. Ndërsa investimi përfundimtar për 3 HEC të ndërtuara nga Kelkos Energy arrin vlerën prej 38,757,423 milionë euro.

Sipas KelKos Energy, në këtë vlerë nuk është përfshirë vlera e vendosjes së kabllos nëntokësore të tensionit të lartë 35 kV dhe ndërtimi i transformatorit 5/110 kV në nënstacionin Deçan të KOSTT. Dallimi në mes të vlerësimeve të studimit të parafizibilitetit dhe atyre të Kelkos Energy ka të bëjë me numrin dhe fuqinë instaluese të HEC-eve. Si dhe mbase dallimi eventual në çmimet e pajisjeve në kohë të ndryshme të projektimit (Studimi i fizibilitetit 2006 ndërsa Kelkos Energy 2011).

Megjithatë problematike mbetet dallimi në investime mes projektimeve dhe realizimeve të vetë kompanisë Kelkos. Ky dallim kap shumën prej 14,242,577 euro. Kjo nuk është shumë e vogël, pasi që përbën mbi 26% të vlerës së gjithmbarshme të investimeve të projektuara./ Media Ndërtimi.

Aktuale

Amerika dhe Turqia, partnerë kryesorë të Kosovës për eksport dhe import

Published

on

Kosova vazhdon të këtë deficitin e lartë tregtar. Në muajin janar 2024 deficiti ka shkuar në 319,7 milionë euro, krahasuar me deficitin prej 291,5 milionë euro në vitin 2023. Eksporti i mallrave në muajin janar ishe 60,3 milionë euro, ndërsa importi 380,0 milionë euro.

Shtetet e Bashkuara të Amerikës mbeten partneri më i rëndësishëm për raporte tregtare me Kosovën.

Amerika përveç si aleat strategjik është edhe partneri kryesor për eksport të mallrave të Kosovës, raporton Revista Monitor.

Në janar të këtij viti, vlera e mallrave të eksportuara me vendet e botës arritën në 20.1 milionë euro, ose 33.4 për qind.

Eksportet e mallrave me këto shtete kanë një shifër simbolike, mirëpo siç bën të ditur Agjencia e Statistikave të Kosovë, partnerë më të rëndësishëm me vendet e botës për eksport ishin SHBA-të me 14,6 për qind dhe Zvicra me 9,3 për qind në muajin janar 2024.

Të dhënat nga Tregtia e Jashtme të Mallrave në Kosovë tregojnë se eksportet e Kosovës në vendet e BE-së arritën në 18,4 milionë euro, ose rreth 30,5% e eksporteve të përgjithshme, me një rënie prej 6,9%.

“Partnerët kryesorë për eksportin e mallrave në BE ishin: Gjermania (8,8%), Italia (4,7%), Holanda (3,1%), etj”.

Ndërsa, importet e Kosovës nga vendet e BE-së ishin rreth 164,4 milionë euro, ose 43,3% e importeve të përgjithshme, me një rritje prej 10,1%.

“Importet me pjesëmarrje me të lartë ishin nga: Gjermania (12,8%), Greqia (7,2%), Italia (3,7%), etj.”.

Ndërsa, Turqia edhe këtë vit vazhdon të mbetet partner kryesor për import të mallrave.

Vetëm gjatë muajit janar 2024, importet e Kosovës me vendet e tjera të botës arritën në 158 milionë euro, ose 41.6 për qind.

“Vendet me pjesëmarrje më të lartë për import në këtë grup ishin: Turqia (15,4%) dhe Kina (11,3%)”, thuhet në raportin ASK-së për Tregti me jashtë.

Ndërsa, eksportet e Kosovës me vendet e CEFTA-s arritën në 21.8 milionë euro, ose 36,1 për qind të eksporteve të përgjithshme, me një rënie prej 16,2 për qind.

“Partnerë kryesorë për eksport nga vendet e CEFTA-s ishin: Maqedonia e Veriut (12,4%), Shqipëria (11,8%), Serbia (6,3%), Mali i Zi (3,9%)”, thuhet në raportin e ASK-së për muajin janar.

Ndërsa, importet nga vendet e CEFTA-s arritën në 57,7 milionë euro, ose 15,2% të importeve të përgjithshme, me një rënie prej 5,8 për qind.

“Vendet me pjesëmarrje më të lartë për import ishin: Shqipëria (7,6%), Maqedonia e Veriut (4,7%), Serbia (1,9%)”, thuhet në raport.

Ndërkaq, ajo që mbetët shqetësues është se edhe këtë vit ka nis një rënie e vlerës së mallrave të eksportuara në vend.

Eksporti i mallrave në muajin janar të këtij viti kishte vlerën 60.3 milionë euro, ndërsa importi 380 milionë euro, që është një rënie prej 3 për qind për eksport, si dhe një rritje prej 7.4 për qind për import, duke krahasuar me periudhën e njëjtë të vitit 2023.

Sipas të dhënave të grupeve kryesore të eksportit: 25,4% e përbëjnë metalet bazë dhe artikujt prej tyre; 19,3% e përbëjnë artikuj të ndryshëm të prodhuar; 13,1% e përbëjnë plastika, goma dhe artikujt prej tyre; 8,3% e përbëjnë ushqimet e përgatitura, pijet dhe duhani; 6,2% e përbëjnë makineria dhe pajisjet mekanike dhe elektrike, etj”, thuhet në raportin “Statistikat e Tregtisë së Jashtme (STJ), Janar 2024”.

Sipas raportit të Agjencisë së Statistikave të Kosovës, të dhënat nga Tregtia e Jashtme të Mallrave në Kosovë tregojnë për një deficit tregtar më të lartë për 9.9 për qind në muajin janar 2024, në raport me periudhën e njëjtët të vitit 2023, gjegjësisht në vlerë prej 319,7 milionë euro, krahasuar me deficitin prej 291,5 milionë euro në vitin 2023. Sipas ASK-së, eksporti mbulon importin me 15.9 për qind.

Sipas të dhënave të grupeve kryesore për import: 17,2% e përbëjnë produktet minerale; 11,6% e përbëjnë ushqimet e përgatitura, pijet dhe duhani; 11,6% e përbëjnë makineria dhe pajisjet mekanike dhe elektrike; 11,2% e përbëjnë mjetet e transportit; 9,3% e përbëjnë metalet bazë dhe artikujt prej tyre, etj./Media Ndërtimi

Continue Reading

Aktuale

Suedia interesohet për fushën e minierave të Kosovës

Published

on

Suedia interesohet për fushën e minierave të Kosovës

Ministrja e Ekonomisë, Artane Rizvanolli ka pritur sot në takim ambasadorin e Suedisë në Kosovë, Jonas Westerlund dhe zëvendësshefin e Misionit, Henrik Riby.

Gjatë takimit, Ministrja Rizvanolli dhe përfaqësuesit e ambasadës suedeze, kanë diskutuan për zhvillimin ekonomik të Kosovës dhe rritjen e bashkëpunimit ekonomik mes dy vendeve.

Me theks të veçantë diskutuan për potencialin ekonomik që ofron Kosova në fushën e minierave dhe forcimin e lidhjeve të Kosovës dhe Suedisë në këtë sektor.

Republika e Kosovës qysh nga kohët më të vjetra ka qenë e njohur për pasuritë e saj të nëntokës. Pasuritë minerale të Republikës së Kosovës janë te shumëllojshme në sasi dhe në cilësi dhe kanë rëndësi të madhe ekonomike.

Rezervat e resurseve minerale kryesore janë linjiti me 12.5 miliardë ton,plumbi dhe zinku 59 milionë ton, nikeli 13 milionë ton, boksitet 2.7 milionë ton, magnezitet 4.1 milion ton./Media Ndërtimi

Continue Reading

Aktuale

Asahi Glass Company, fabrika më e madhe në botë e qelqit, zgjedh Kosovën për samitin e saj në nivel ballkanik

Published

on

E njohur si AGC, prodhuesi kryesor i xhamit në botë, Asahi Glass Company rrallë zgjedh Kosovën si mikpritëse për Samitin e nivelit ballkanik. Selia evropiane e kompanisë është e vendosur në Belgjikë dhe është e njohur për projektet e rëndësishme globale që përfshijnë xhamin e saj, që shtrihen nga Nju Jorku në Tokio. Z. Ivan Zaykov, menaxher për tregjet ballkanike në AGC Flat Glass në Evropë, e thekson samitin si një nga takimet më të rëndësishme dhe më të vlefshme për fabrikën në lidhje me marrëdhëniet me klientët.

Ai thekson se Kosova tradicionalisht nuk është konsideruar si vend stabil për takime të tilla të nivelit të lartë. Duke marrë parasysh shitjet mbresëlënëse prej 12 miliardë dollarësh të AGC në treg, rëndësia e ngjarjes është parësore, duke inkurajuar pjesëmarrjen e të gjithë aktorëve në biznesin e ndërtimit. Z. Zaykov thekson se zgjedhja e vendit pritës luan një rol të rëndësishëm në suksesin e takimit. Duke e njohur këtë arritje, z. Zaykov ia atribuon suksesin bashkëpunimit efektiv ndërmjet AGC dhe partnerit të tyre GITOR LLC në Kosovë. Ai pranon rezultatet e paparashikuara të tregut të dy viteve të mëparshme, duke ia vlerësuar arritjen e përpjekjeve të përbashkëta me Bledianin, një sipërmarrës vizionar dhe një biznesmen shumë i aftë, si dhe motrën e tij Bleonën.

  1. Zaykov thekson, “Unë angazhohem shpesh në diskutime me Bledin, duke e njohur atë si një biznesmen të frikshëm në kuptimin më pozitiv të termit dhe një sipërmarrës vizionar,” ndërsa shton njohuri për pronarin e kompanisë me bazë në Kosovë. Z. Zaykov thotë se takimi i ardhshëm synon të kapërcejë ngjarjen e një viti më parë duke prezantuar teknologjinë më të fundit globale në ndërtim, veçanërisht në xhami. Fokusi do të shtrihet në diskutimin e politikave të gjelbra evropiane dhe mbarëbotërore, duke shfaqur prezantime mbi ndërtimin e shtëpive pasive dhe qytetet me energji pozitive.

Duke parashikuar mbi 200 të ftuar specialë nga Shqipëria, Maqedonia e Veriut, Bullgaria, Serbia dhe Mali i Zi, z. Zaykov përmend profilet e ndryshme, duke përfshirë biznesmenë, përpunues xhami, arkitektë, inxhinierë, përfaqësues të shtetit dhe stafin drejtues të AGC në Evropë.

 

Continue Reading

Trending