Drejtori i Drejtorisë së Inspekcionit, Florian Dushi ka raportuar para Kuvendit Komunal të Prishtinës rreth vlerësimit dhe analizimit i organizimit të brendshëm të
“Në periudhën e parë të marrjes së mandatit është bërë vlerësimi i organizimit të brendshëm i Drejtorisë së Inspekcionit, përkatësisht mënyra e ndarjes së sektorëve brenda kësaj Drejtorie.
Drejtoria e Inspekcionit aktualisht është e ndarë në tri sektorë: Sektorin e Ndërtimit; Sektorin e Rendit Komunal dhe Sektorin e Pyjeve. Mendohet që në të ardhmen të ndërtohen edhe Sektorë të tjerë dhe në këtë formë ndarja e detyrave dhe e përgjegjësive të bëhet më e qartë sikur edhe adresimi i problemeve të ndryshme.
Sektori i Ndërtimit gjatë përmbushjes së detyrave dhe përgjegjësive si më sipër ka nxjerrë:
- Aktvendime për rrënim…..shtatë (7), prej tyre të ekzekutuara katër (4)
- Aktvendime për ndërprerje të punëve…..njëzet e nëntë (29)
- Gjoba mandatorë të shqiptuara….njëzet e shtatë (27) në vlerë prej 13.200 Euro
- Ankesa dhe kërkesa të ndryshme të qytetarëve të pranuara (dhjetor, janar, shkurt)….245
- Ankesa dhe kërkesa të shqyrtuara, duke përfshirë edhe ato të vitit 2021, gjithsejtë 397.
Sektori i ndërtimit:
– Incizimi i gjendjes në terren dhe ndryshimet në Sektorin e Ndërtimit;
- Në fazën e parë të punës në DI, që në fillim të mandatit, Inspektorëve të ndërtimit (të zonave përkatëse) iu është kërkuar nga një raport detaj mbi gjendjen në terren. Secili inspektor (katër inspektorë) ka pasur për detyrë që të përgatisë një raport të detajuar mbi gjendjen e ndërtimeve në terrenin e tij (Prishtina ka qenë e ndarë në katër terrene).
Raportet janë hartuar dhe i janë drejtuar Drejtorit të DI në fund të muajit janar. Në këtë formë, përveç aspektit informues, këto raporte kanë për qëllim që të bëjnë një “prerje” të gjendjes në të cilën është pranuar Prishtina në këtë mandat në sektorin e ndërtimit.
Me vendim të Drejtorit, është rritur numri i terreneve (zonave) inspektuese nga katër (4) në shtatë (7), rrjedhimisht, janë rritur dhe ndryshuar edhe ekipet inspektuese, nga katër (4) në shtatë (7). Ndarja e terreneve sikur edhe përbërja e ekipeve inspektuese në të ardhmen do t’i nënshtrohen një rrotacioni të paracaktuar nga ana e Drejtorit të DI.
Përveç kësaj, me vendim të Drejtorit të DI, është themeluar një Komision në përbërje të udhëheqësit të Sektorit të Ndërtimit dhe dy inspektorëve të ndërtimit. Ky komision do të shërbejë dhe do të funksionojë si mekanizëm i mbikëqyrjes dhe kontrollit të punës së secilit inspektor në secilin terren.
Gjithashtu janë identifikuar gjithsejtë 41 kërkesa për inspektime finale të cilat kanë pritur me vite (2017-2022), ndërsa prej tyre janë vetëm tetë ( 8 ) të pranuara këtë vit.
Në konsultim me inspektorët përkatës dhe pas rishpërndarjes së këtyre lëndëve, është përcaktuar si afat përfundimtar muaji prill kur edhe duhet të përfundohen të gjitha rastet e inspektimeve finale për të proceduar tutje me pajisjen e tyre me certifikatën e përdorimit.
Vlen të theksohet në këtë drejtim se në një afat tejet të shkurtër dhe me një angazhim maksimal është përfunduar edhe procedura e inspektimit final të Spitalit të ri pediatrik në Prishtinë., thuhet në komuniaktën e Drejtorisë së Inspekcionit të Komunës së Prishtinës. /Media Ndërtimi.