Connect with us

Prokurim Publik

Injorojnë procedurat e prokurimit, bllokohet ndërtimi i tregut të gjelbër në Gjilan   

Published

on

Komuna me datën 14.03.2019 kishte lidhë kontratë në vlerë 871,173€, për projektin “Ndërtimi i tregut të gjelbër në Komunën e Gjilanit”, projekt ky që sipas menaxherit të projektit nuk ka mund të finalizohet për shkak të mangësive të sasive si dhe mungesës së pozicioneve të veçanta në paramasë dhe parallogari në raport me projektin.

Ne këtë rast menaxheri i projektit e njofton zyrën e prokurimit për pengesat e hasura në realizimin e këtij projekti.

Zyra e prokurimit, marr parasysh këtë ka konsideruar si urgjente dhe të domosdoshme kryerjen e punëve shtesë në mënyrë që mos të rrezikohet investimi si dhe nevojën e edomosdoshme të tregtarëve për tregun, aplikon procedurën e negociuar pa publikim të njoftimit për kontratë duke ju dërguar ftesë për negociata tre Operatorëve Ekonomik (OE).

Vetëm operatori fitues i cili njëkohësisht kishte kontratën bazë, e dërgon ofertën financiare. Pas vlerësimit të ofertës komisioni i vlerësimit rekomandon zyrtarin përgjegjës të prokurimit dhënien e kontratës. Me datën 22.04.2021, lidhet kontrata në vlerë 509,177€.

Në këtë rast Zyra Kombëtare e Auditimit përpos që e konsideron këtë projekt si përdorim i gabuar i procedurës së prokurimit, në raport shkruan se marr parasysh kërkesat e rregullës dhe udhëzuesit duhej të përdorej procedura e hapur e prokurimit.

“Vlen të theksohet se ky projekt ende nuk ishte përfunduar deri sa ne ishim në terren (04.03.2022), pavarësisht që sipas planit dinamik ka pas të përfundoj brenda 90 ditëve.”, shkruan në Raportin e auditimit për pasqyrat financiare vjetore të komunës së Gjilanit për vitin 2021.

Sipas komunës kjo ka ndodh për shkak të nevojës emergjente lidhur me investimin për tregun.

Aplikimi i procedurës jo adekuate mund të ndikoj në dëmtimin e konkurrencës, lidhur me zhvillimin e procedurave të prokurimit.

Rekomandimi i Zyrës Kombëtare të Auditimit është se Kryetari duhet të sigurojë se aplikon procedurat e duhura të prokurimit ashtu siç parashihet me kërkesat ligjore, duke siguruar se procedura e negociuar pa publikim të njoftimit për kontratë të përdoret në rrethana të arsyeshme sipas LPP.

Ish-kryetari i Komunës së Gjilanit, Lutfi Haziri me bashkëpunëtorët, kanë inauguruar më 28 nëntor të vitit të kaluar Tregun e Gjelbër.

“Siç jemi dakorduar, sot po e inauguaruam projektin e madh të Tregut të Gjelbër, për t’ia bartur në duart e tregtarëve.“

“Tash Ndërmarrja Tregu është në duart tuaja, sikurse edhe Tregu i Gjelbër, Tregu i Plaçkave, Tregu i Rërës, Tregu i Drunjve, përfshirë edhe pesë tregjet mobile.“

“Në 3-4 ditët e ardhshme planiofikohet që të operacionalizohet pjesa kryesore. Meqë shumë shpejt e dorëzoj detyrën e kryetarit, dëshiroj t’ju falënderoj për bashkëpunim tetë vjeçar”, kishte thënë Haziri.

Ky projekt ende nuk është realizuar në tërësi edhe pas inaugurimit./Media Ndërtimi.

Prokurim Publik

Hapet tenderi për ndërtimin e 6 çerdheve të reja në Kosovë

Published

on

Gjashtë çerdhe të reja në komunat Prishtinë, Podujevë, Gjilan, Viti, Deçan, Gjakovë.

Me qëllim të realizimit të prioritetit qeveritar për zgjerimin e infrastrukturës për edukimin parashkollor, Ministria e Arsimit konform legjislacionit në fuqi, ka hapur tenderin me datë 23 maj 2022 për ndërtimin e gjashtë çerdheve, me projekte tipike me dizajn të njëjtë sipas normave dhe standardeve për këtë nivel.

MAShTi ka publikuar edhe tenderin për projektim të çerdhes së shtatë në Fushë Kosovë, ndërsa po punojmë edhe në adoptimin e objekteve shkollore për këtë qëllim, aty ku ka hapësirë.

Tashmë është publikuar tenderi për renovimin dhe funksionalizimin e objektit shkollor në kopsht për fëmijë në Junik, ndërsa tri të tjera në Ferizaj, Malishevë dhe Kaçanik janë në procedura të përgatitjes së projekteve.

Do të vazhdojmë të zgjarojmë hapësirën, derisa të sigurohemi që secili fëmijë në Kosovë të ketë qasje në këto institicione të rëndësishme për zhvillimin në fëmijërinë e hershme./Media Ndërtimi.

Continue Reading

Prokurim Publik

Nafta ruse e Lukoil shpallet fitues në tenderin e Qeverisë në Kosovë

Published

on

Në kohën kur tërë bota perëndimore është mobilizuar që t’ia mbyllë dyert produkteve me origjinë ruse, Qeveria e Albin Kurtit ka bërë të kundërtën. Ka shpërblyer me 70 mijë euro një kompani vendore që furnizohet me naftë nga Rusia. Gazeta Insajderi sjell detajet.

Ministria që është përfshirë në këtë skandal është ajo që drejtohet nga Xhelal Sveçla, ministria e Punëve të Brendshme.

Kjo ministri ka shpallur fitues në tenderin për “Furnizimi me vaj, antifriz dhe glykol për ndërtesat Qeveritare dhe Pallatin e Drejtësisë”, një kompani private të Kosovës e cila furnizohet me naftë nga kompania ruse “Lukoil”.

Zyrtarët e prokurimit të kësaj ministrie janë vënë në dijeni për këtë skandal nga një operator ekonomik që ishte pjesë e tenderit.

Kompania që humbi tenderin ka njoftuar zyrtarisht zyrën e prokurimit të MPB-së për faktin që kompania ruse “Lukoil”, është e sanksionuar nga autoritetet kosovare dhe se në të kaluarën përjashtoheshin nga tenderët publik kompanitë që bashkëpunon me këtë firmë ruse të naftës.

Zyrtarët e MPB-së kanë shpërfillur këtë njoftim. Kanë proceduar tutje me shpalljen fitues të tenderit kompaninë “Inter Trading”, që furnizohet nga Lukoil.

E shpërfillur nga MPB-ja e Sveçlës, kompania që ka humbur tenderin ka dorëzuar ankesë në Organin Shqyrtues të Prokurimit.

Kjo ministri ka shpallur fitues në tenderin për “Furnizimi me vaj, antifriz dhe glykol për ndërtesat Qeveritare dhe Pallatin e Drejtësisë”, një kompani private të Kosovës e cila furnizohet me naftë nga kompania ruse “Lukoil”.

Zyrtarët e prokurimit të kësaj ministrie janë vënë në dijeni për këtë skandal nga një operator ekonomik që ishte pjesë e tenderit.

Kompania që humbi tenderin ka njoftuar zyrtarisht zyrën e prokurimit të MPB-së për faktin që kompania ruse “Lukoil”, është e sanksionuar nga autoritetet kosovare dhe se në të kaluarën përjashtoheshin nga tenderët publik kompanitë që bashkëpunon me këtë firmë ruse të naftës.

Zyrtarët e MPB-së kanë shpërfillur këtë njoftim. Kanë proceduar tutje me shpalljen fitues të tenderit kompaninë “Inter Trading”, që furnizohet nga Lukoil.

E shpërfillur nga MPB-ja e Sveçlës, kompania që ka humbur tenderin ka dorëzuar ankesë në Organin Shqyrtues të Prokurimit./Media Ndërtimi.

Continue Reading

Prokurim Publik

Komuna e Prishtinës shpërblen me tender njëburimor afër 90 mijë € kompaninë e sigurimeve

Published

on

Komuna e Prishtinës ka shpërblyer me tender në vlerë 84 mijë euroshe kompaninë “Roja e Nderit”.

E para e përzgjodhi të dytën si fituese përmes procedurës të negociuar pa publikim të njoftimit për kontratë, raporton “Front Online”.

Kompania “Roja e Nderit” u rekomandua për kontratë më datën 16 maj e gjithçka u finalizua dy ditë më pas, më 18 maj.

Ajo do të përkujdeset për dy muaj për sigurinë fizike te të gjitha objekteve komunale prishtinase.

“Roja e Nderit” është një kompani e themeluar në vitin 2006.

Ajo figuron se merret me rojtari, meqë në Agjencinë e Regjistrimit të Bizneseve i ka deklaruar si primare aktivitetet e rendit dhe të sigurisë publike.

Kjo nuk është hera e parë që biznesi “Roja e Nderit” shpërblehet me tender nga komuna e Prishtinës.

Ndryshe, tenderët njëburimor si ky kufizojnë konkurrencën, teksa rrisin mundësinë për çmime më të larta./Media Ndërtimi.

Continue Reading

Trending