Connect with us

Art

Inaugurohet vepra e artit “Never Say Never”

Published

on

Është bërë inaugurimi i veprës së artit në hapësira publike “Never Say Never” e artistit Alban Muja.

Ky i fundit është shprehur i lumtur që ka arritur ta përfundojë këtë vepër, e cila ka filluar rreth një viti. Muja ka treguar edhe idenë se si ka rrjedhur deri te realizimi i kësaj vepre.

Është kënaqësi dhe privilegj që po e prezantojmë një punë që kemi filluar qe një vit. Si ide rrjedh më shumë se 20 vjet kur kemi dëgjuar për herë të parë, pra si inspirim vjen nga diskutimi publik i Adem Demaçit që thërriste për lirinë që e gëzojmë sot. Dhe si ide kemi menduar që një vepër duhet dedikuar atij dhe gjithë të burgosurve politikë”, tha Muja.

Ministri i Kulturës, Rinisë dhe Sportit, Hajrulla Çeku, e ka vlerësuar veprimtarin Adem Demaçin si një nga figurat vendore të rezidencës kombëtare shqiptare.

Janë dy dobi të karakteristika të veçanta që shenjon kjo vepër, dhe që lidhet me figurën e Adem Demaçit, një nga figurat qendrore të rezidencës kombëtare shqiptare, dhe jo vetëm me emrin e tij, por edhe me të tjerët që kanë qenë pjesë e rezidencës. Sot po e shtojmë edhe një pikë në qytetin e Prishtinës për ta memoralizuar gjithë ekzistencë kombëtare që e ka udhëhequr Adem Demaçi. Hapësirat publike të jenë hapësira për më shumë art mes publikut dhe veprave të artit. Kjo praktikë do të jetë e rregullt edhe me sheshet dhe hapësirat e tjera”, tha Çeku.

Kryetari i Prishtinës, Përparim Rama tha se kjo vepër e përjetëson punën e kamotshme të Adem Demaçit dhe përmes kësaj kujtohen të gjithë të burgosurit politik që kanë besuar që vendi mund te jetë i lirë.

’Never say never’ përjetëson edhe fjalën e tij që e ka thënë në Beograd. Kurrë mos thuaj kurrë duhet të merret si një pikënisje e gjithë popullit tonë. Nëse ne besojmë mund të arrijmë çdo gjë, është fjalë që e ngrit vetëbesimin në popullin tonë dhe kujton të gjithë të burgosurit politikë që kanë besuar që mundemi të jemi të lirë, të barabartë e po ashtu mund të mbërrijmë çdo gjë që besojmë, tha Rama./Media Ndërtimi

Art

‘Autostrada Biennale’ renditet ndër 10 ekspozitat më të mira në Evropë për 2023

Published

on

Bienalja “Autostrada Biennale” është renditur në mesin e 10-të ekspozitave më të mira evropiane për 2023, nga magazine “Frieze”.

Përmes një njoftimi, “Autostrada Biennale” ka bërë të ditur se edicioni i katërt i kësaj bienale ‘Të gjitha imazhet do të zhduken, një ditë’  është vlerësuar nga magazina Frieze si njëra nga 10 ekspozitat më të mira në Evropë për vitin 2023.

“Jemi të lumtur ta ndajmë lajmin se edicioni i katërt i ‘Autostrada Biennale’, ‘Të gjitha imazhet do të zhduken, një ditë’ kuruar nga Joanna Warsza dhe Övul Ö. Durmusoglu, është përzgjedhur nga Frieze njëra nga 10 ekspozitat më të mira në Evropë për vitin 2023” – thuhet në njoftimin e tyre.

Renditja në mesin e dhjetë ekspozitave vjetore evropiane, për “Autostradën Bienale” është tregues për suksesin dhe vlerësimin për edicionin e 4-të të saj.

Edicioni i 4-të i ekspozitës ndërkombëtare të artit bashkëkohor, “Autostrada Biennale” është mbajtur prej 7 korrik deri me 9 shtator 2023 në Prizren, Prishtinë dhe Mitrovicë./Media Ndërtimi

Continue Reading

Art

Vepra e artistit kosovar mbulon krahët e aeroplanit gjigant Boeing 737

Published

on

Artisti i njohur nga Kosova, Petrit Halilaj, që jeton në Berlin, po vazhdon të prezantojë projektet e tij të suksesshme nëpër botë.

Mbishkrimi “Nga Runiku me dashni”, vepra e tij tani mbulon krahët e aeroplanit gjigant Boeing 737 të Aeromexico, dhe kështu fluturon nëpër shumë shtete.

Bëhet fjalë për pikturën e pulave nga fshati i artisti Runik, vepër kjo që është pjesë e ekspozitës së tij „Runik“‚ në Ameriken Latine, në Muzeun Tamayo te Meksikes, e cila është e hapur deri më 7 prill 2024, raporton Albinfo.ch.

Fotot e avionit me veprën e artistit kosovar Petrit Halilaj i ka ndarë në Instagram edhe kryeministri i Kosovës, Albin Kurti, i cili shkruan:

“Krahët e aeroplanit Boeing 737 të kompanisë ajrore Aeromexico u mbuluan me veprën e artistit nga Kosova, Petrit Halilaj. Aeroplani fluturoi mbi Meksikën, Brazilin dhe Shtetet e Bashkuara të Amerikes, duke i dhënë krahë veprë së Halilajt. Me mbishkrimin ‘Nga Runiku me dashni!’ pulat e fshatit të Runikut, Komuna e Skenderajt, fshatit të artistit, të cilat i trajton shpesh në veprën e tij, fluturuan të lira në tre shtete e dy kontinente, sfiduan ligjet e natyrës, rrethanat politike e pengesat geografike“, shkruan Kurti.

Përveç sukseseve të shumta që arriti në botë, para disa muajve Petriti Halilaj u zgjodh edhe anëtar i Akademisë së Artit Botëror në Koln të Gjermanisë./Media Ndërtimi

Continue Reading

Art

Asociacioni i Artistëve Vizual prezanton ekspozitën ‘Kujtimet e së Nesërmes’ në GKK

Published

on

Galeria Kombëtare e Kosovës prezanton ekspozitën kolektive të Asociacionit të Artistëve Vizual të Kosovës e titulluar “Kujtimet e së Nesërmes”, e kuruar nga James Walmsley. Hapja e ekspozitës bëhet të premten me 8 dhjetor nga ora 18:00.

Kjo ekspozitë trajton tranzicionin nga lufta dhe konflikti në Kosovë drejt një shoqërie më të. qëndrueshme, më optimiste dhe më të sigurt. Artistët pjesëmarrës trajtojnë tema të thella si humbja, rrënimi dhe rilindja, si dhe bukuria dhe cenueshmëria e botës natyrore, së bashku me ndikimin e teknologjive të reja në strukturën tonë delikate shoqërore.

Arti në Kosovë ka hyrë në një fazë të re, duke dalë guximshëm dhe me besim nga hijet e luftës.

Përpjekjet e rëndësishme të ngjarjeve dhe zhvillimet kulturore viteve të fundit kanë forcuar dhe vërtetuar komunitetin dinamik dhe të rëndësishëm të artit të Kosovës, si dhe ndikimin dhe rëndësinë e tij globale.

Deri sa Kosova po largohet nga lufta, fatkeqësisht luftërat aktuale dhe të tmerrshme në botë po shkaktojnë destabilitet të ri global. Këto konflikte na kujtojnë se sa e brishtë është jeta jonë e përditshme.

Kërcënimi dhe realiteti i luftës dhe padrejtësisë është ende gjithandej rreth nesh. Punimet e paraqitura i referohen natyrës ciklike të gjendjes njerëzore dhe se si historia, nëse nuk jemi të kujdesshëm dhe vigjilentë, mund të përsëritet./Media Ndërtimi

Continue Reading

Trending