Connect with us

Aktuale

Inaugurohet Oda Ekonomike Zvicërano-Kosovare për forcimin e marrëdhënieve ekonomike Kosovë -Zvicër

Published

3 years ago

on

President i kësaj ode u zgjodh Fikret Murati, zëvëndëspresident, Granit Vokshi dhe për Thesar, Armend Osaj. Ndërsa në kuvendin tjetër pritet të zgjidhen edhe katër anëtarë të tjerë të bordit drejtues të Odës Ekonomike Zvicërano-Kosovare.

Zëvëndës ambasadorja Zvicërane, Pauline Menthonnexi, e cila e hapi këtë promovim, tha se deri më tani nuk ka pasur një inicitivë të tillë, pranaj ajo pret që kjo odë do t’i mbështet edhe kompanitë kosovare dhe zvicërane në formësimin e raporteve të ardhme ekonomike.

Menthonnexi tha po ashtu se bizneset kanë nevojë për stabilitet në aspektin politik, për sundim të ligjit dhe për një ambinet konkurrues. Teksa shtoi se përveç diasporës së Kosovës, Qeveria e Zvicrës, së bashku me investitorët zvcëran ka qenë shumë aktive në Kosovë, pranaj, në vitin e kaluar Zvicra ka qenë investuesi i dytë më i madh në Kosovë pas Gjermanisë dhe para Turqisë.

“Mbesim me shpresë për një të ardhme të mirë dhe tani jemi duke kaluar nga kjo pjesa të cilën mund ta quajmë si teorike në realitetin aktual dhe me ngjarjen e sotme. Iu dëshiroj mirësardhje me këtë iniciativë, e cila është nga sektori privat dhe ka për qëllim që të shtoj angazhimin bilateral të bizneseve duke mbrotur më mirë interesat e komopanive si atyre kosovare gjithashtu edhe atyre zvicerane që kanë interes në këtë tregti bilaterale. Ne besojme se Oda Ekonomike Zvicërane-Kosovare, e cila do të vendoset në Kosovë, do të punoj së bashku me iniciativat tjera të cilat kanë për qëllim mbështetjen në bashkëpunimin blietarel që për momentin janë të vendosura në Zvicër. Deri më tani nuk kemi pasur një shoqatë ose odë të tillë që do t’i mbështetëte kompanitë kosovare që do t’i ndihmonte në formësimin e raporteve të ardhme ekonomike”, theksoi Menthonnex.

Presidenti i Odës Ekonomike Zvicërano-Kosovare, i zgjedhur unanimisht sot, Fikret Murati para afaristëve kosovarë, foli për mënyrën e organizimit, funksionimit dhe objektivat që ka Oda Ekonomike Zvicërano-Kosovare.

Presidenti Murati tha se oda do të krijojë mundësi të reja dhe siç theksoi ai sinergjitë mes Kosovës dhe Zvicrës janë të mëdha për investime dhe zhvillim ekonomik.

“Jam shumë optimist që ne të gjithë së bashku do të krijojmë mundësi të reja, rrjetizim të ri dhe një bazamentin thelbësor ta ndërtojmë së bashku. Sinergjitë mes të dy republikave, atë të Kosovës dhe Zvicrës janë të mëdha, prandaj, mund të them se na pret një rrugëtim i ndritur dhe i mbarë”, theksoi Murati.

Edhe nga Qeveria e Kosovës morën pjesë në këtë promovim. Fëllanza Podrimja nga kabineti qeveritar i Qeverisë Kurti, tha se e mirëpresin themelimin e kësaj ode dhe janë të gatshëm që ta ndihmojnë në aspektin politik.

“Ju përgëzoi për themelimin e odës, sigurisht që ne si Qeveri nga ana e politikbërjes jemi jo vetëm të gatshëm dhe e shohm si të domosdoshëm angazhimin e juaj dhe natyrisht që është shumë me rëndësi, prandaj, ne ju mbështesim në aspektin politik”, tha Podrimja.

Ndërsa, konsulent për menaxhim në OEZK, Vigan Disha theksoi se në këtë odë të gjithë anëtarët janë nga sektorë të ndryshëm që kanë potencial në rritjen e këmbimeve tregtare mes Kosovës dhe Zvicrës.

“Pjesëmarrja juaj është prej sektorëve të ndryshëm që kanë potencial në rritjen e eksporteve në tregun e Zvicrës dhe anasjelltas. Bëni pjesë prej sektorëve të ndryshëm duke filluar prej edukimi, teknologjia e deri tek përprunimi i miellit ushqimor, metal përpunimi i drurit. Andaj,ë shtë një gamë e shërbimeve e sektorëve pjesëmarrës që paraqet një shpresë të mirë për zhvillimin ekonomik të Kosovës. Ashtu sic u cek nga znj, Paulin, qëllimi kryesor i kësaj inicitive është rritja e marrëdhniëve bilaterale ekonomike mes Republikës së Kosovës dhe asja të Republikës Federale të Zvicrës. Në aspektin praktik do të mundohmei që vlerat e eksportit zvicëran që në vitin 2020 ishin 52 milionë euro në Kosovë, dhe eksportet kosovare në Zvicër ishin rreth 32 milionë euro. Është një vlerë modeste, mirëpo me potencial shumë të madh…Konsumatori zvicëran është vigjilent, është i zgjuar dhe në mënyrë që të deportojnë produktet kosovare në këtë treg duhet një strategji, një plan konkret. E për këtë plan në bashkëpunim me poltikat tregtare të Qeverisë do të mundohet kjo odë që të hartoj plane zhvilimore”, tha Disha.

Presidenti i kësaj ode, Fikret Murati i cili është rritur në Zvicër, duke listuar sektorët me potencial të madh, ka thënë se synimet e tij janë për avokimin dhe lehtësimin e të bërit biznes pasi Kosova ka resurse të mëdha për zhvillimin ekonomik.

“Kemi synime të mëdha, mendoj se lidhja e këtyre dy shteteve është gjë elementare për vendin tonë, duhet të kontribuojmë, nuk do të kursejm mundin dhe kohën që t’iu lehtësojmë bizneseve shqiptare e kosovare, po ashtu edhe zvicërane që të kenë akses në vendet ku duan të bëjnë biznes si në Kosovë, po ashtu edhe në Zvicër…Mendoj se kemi resurse të mjaftueshme që të kontribuojmë në ekonomi, në sektorine ICT-së dhe në sektorin e prodhimit të gjërave ushqimore, si dhe në sektorin e përpunimit të drurit”, tha Murati.

Edhe zëvëndëspresidenti i zgjedhur, Granit Vokshi duke thënë se është përgjegjësi e madhe të jetë pjesë e bordit drejtues, duke shtuar se fokusi dhe përgjegjësia e tij do të jetë për konsolidimin dhe draftimin e dokumenteve të odës.

Themelimi dhe inaugurimi i odës nga të pranishmit u konsiderua si iniciativë e qëlluar për adresimin e shqetëisimeve të tyre, si dhe një angazhim i veçantë me rëndësi në forcimin e marrëdhënieve ekonomike në mes të Kosovës dhe Zvicrës ka shkruar Lajmi.net.

 

 

Related Topics:

Aktuale

Asociacioni i Arkitektëve të Kosovës organizon kuvendin zgjedhor

Published

21 hours ago

on

May 15, 2024

By

Të nderuar anëtarë të Asociacionit të Arkitektëve të Kosovës, duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 26, të Statutit të Asociacionit të Arkitektëve të Kosovës, të vitit 2022, shpallë Zgjedhjet e rregullta për Kryetarin e a-a-k.

KUVENDI ZGJEDHOR i a-a-k, do të mbahet:

Datë: 23.05.2024 (E Enjte)

Ora: 17:00 h

Vendi: MODELARIUMI në Fakultetin e Arkitekturës në UP-ë.

Ftohen, të gjithë anëtarët e Asociacionit të Arkitëktëve të Kosovës që të marrin pjesë në kuvendin zgjedhor, dhe në frymën e konkurencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 32, të Statutit./Media Ndërtimi

Continue Reading

Aktuale

“Reagim ndaj shkrimeve të pasakta dhe tendecioze rreth nënshkrimit të kontratës me Arkitektin e Qytetit”

Published

2 days ago

on

May 14, 2024

By

Komuna e Prishtinës ka reaguar ndaj shkrimeve rreth nënshkrimit të kontratës me Arkitektin e Qytetit”

Me datën 13 maj 2024 është publikuar një shkrim me titull “Tre muaj para se të regjistrohej në ARBK, kompania Shërbimi i Arkitektit të Kryeqytetit nënshkroi kontratën me Komunën e Prishtinës” nga një prej portaleve lokale, dhe po të njëjtat informata të pasakta e tendencioze janë shpërnda nga eksponentë politik të caktuar.

Kryeqyteti informon qytetarët se ky artikull dhe shkrimet pasuese janë të pasakta dhe se:

  • Konsorciumi i kompanive fituese kanë qenë të regjistruara pranë ARBK shumë kohë më parë
  • Procesi i tenderimit të Shërbimit të Arkitektit të Kryeqytetit është vlerësuar tri (3) herë nga OSHP, si proces i rregullt dhe në përputhje me ligjin.
  • Procesi i tenderimit është zhvillu përmes sistemit elektronik “EPROKURIMI” dhe të gjitha të dhënat digjitale janë në dispozicion për të vërtetuar rregullsinë e procesit

Më poshtë është shpjeguar në hollësi procesi.

Aktiviteti i prokurimit me titull “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës” me nr. të prokurimit 616-22-7431-3-1-2, është publikuar me datën 21.07.2022. Pra aktiviteti ka filluar në korrik të vitit 2022 dhe ka përfunduar rreth 1 vit më pas apo më 27.06.2023 kur është nënshkruar kontrata, ndërsa kontrata e nënshkruar si e tillë përmes kësaj procedure aktualisht është në zbatim e sipër. Procedura si e tillë është zhvilluar në dy faza, ku kanë marrë pjesë gjithsej 6 tenderues (operatorë ekonomik ose grupe të operatorëve ekonomik). Gjatë aktivitetit të prokurimit janë shtjerrë të gjitha procedurat sipas mjeteve juridike në dispozicion. Mbi të gjitha kjo lëndë është trajtuar tri (3) herë nga OSHP dhe nënshkrimi i kontratës është manifestuar vetëm pas rikonfirmimit përmes vendimit të tretë të Panelit Shqyrtues në OSHP.

Sa i përket pretendimit se është nënshkruar kontratë me një operator ekonomik që nuk ka qenë i regjistruar në ARBK, duhet theksuar faktin që kontrata është nënshkruar me datë 27.06.2023 nga të dy palët kontraktuese dhe jo me datë 27.03.2023 sikurse është pretenduar. Kontrata është nënshkruar në tri kopje origjinale, por në njërën kopje të kontratës me rastin e nënshkrimit të kontratës, operatori ekonomik ka bërë gabim teknik ku në vend të numrit 6 ka shënuar numrin 3. Megjithatë ky gabim menjëherë është reviduar ndërsa data e nënshkrimit është evidentuar saktë (27.06.2023). Pra data e nënshkrimit të kontratës është 27.06.2023 dhe ky fakt është i pakontestueshëm për cilëndo palës me interes juridik. Data e nënshkrimit 27.06.2023 mund të konfirmohet edhe nga sistemi elektronik EPROKURIMI. Vlen të shtohet po ashtu se njoftimi për dhënie të kontratës është publikuar me datë 27.06.2023 ndërsa njoftimi për nënshkrim të kontratës është publikuar me datë 29.06.2023. Pra thjesht ka qenë e pamundur që të nënshkruhet kontrata në muajin mars 2023 sikurse pretendohet. Me këtë rast duhet kuptuar faktin që procedura e prokurimit zhvillohet hap pas hapi në përputhje me dispozitat ligjore në fuqi. Pra nuk mund të kalohet në hapin e radhës pa përmbushur me sukeses hapi paraprak. Gjithashtu, siç u tha më sipër, ky aktivitet është trajtuar tri (3) herë nga OSHP ku vendimi i parë nga OSHP është marrë me datë 02.02.2023, vendimi i dytë me datë 22.05.2023 ndërsa vendimi i tretë dhe i fundit me datë 26.06.2023 me ç’rast është mundësuar edhe nënshkrimi i kontratës me datë 27.06.2023.

Më tutje, grupi i operatorëve ekonomik të kontraktuar “Anarch Sh.P.K. & Ardi CC L.L.C.” kanë qenë të regjistruar kohë më parë. “Anarch” Sh.P.K. si anëtar i konsorciumit ekonomik është themeluar 17.10.2018 ndërsa anëtari tjetër i konsorciumit “Ardi CC” Sh.P.K. është themeluar me datë 29.04.2008. Pra, që të dy kompanitë kanë vite përvojë pune dhe nuk janë regjistruar tre muaj para nënshkrimit të kontratës siç pretendohet në shkrimet tendencioze. Pas shpalljes fitues në procesin e tenderimit, dy kompanitë kanë krijuar shoqërinë me përgjegjësi të kufizuar “Shërbimi i Arkitektit të Kryeqytetit” për zbatim të kontratës dhe këtë e kanë regjistruar në ARBK me 27.06.2023, si një subjekt i përbashkët për qëllime të zbatimit të kësaj kontrate. Edhe nga të dhënat publike të ARBK mund të konfirmohet se shoqëria e konsorciumit “Shërbimi i Arkitektit të Kryeqytetit” përbëhet nga dy operatorët ekonomik tenderues që janë “Anarch” Sh.P.K. dhe “Ardi CC” L.L.C.

Pra nuk qëndrojnë aspak pretendime sipas të cilave kinse është nënshkruar kontratë me një operator të paregjistruar në ARBK.

Bashkëngjitur do të gjeni disa kopje të dokumenteve që i faktojnë të dhënat e mësipërme, të cilat edhe janë në dispozicion publik në EPROKURIMI dhe në ARBK./Media Ndërtimi

Continue Reading

Aktuale

Inxhinierët në Shqipëri i kthehen protestave kundër krijimit të urdhrave profesional

Published

2 days ago

on

May 14, 2024

By

Një grup profesionistësh protestuan sot paradite para Kuvendit, kundër projektligjit për krijimit e urdhrave profesional të inxhinierit dhe të inxhinierit hidroteknik.

Ata përsëritën arsyet pse këta urdhra nuk i shërbejnë profesionit, madje synojnë të marrin atribute të cilat aktualisht janë të rregulluara me ligj.

“Ne tashmë operojmë nëpërmjet licencimit që marrim nga Ministria e Infrastrukturës dhe Energjisë ndërkohë që një grup njerëzish pretendojnë të marrin në dorë licencimin e inxhinierëve dhe ta kalojnë nga Ministria e Infrastrukturës dhe Energjisë në duart e një grupi individësh”,-shprehet Dëshira Mena, drejtuese e Unionit të Inxhinierëve Shqiptarë.

Ajo ngre pikëpyetje edhe për procesin e financimit.

“Ata kërkojnë që vitin e parë të punës të marrin 1.2 milionë euro nga buxheti i shtetit. Po vitet e tjera, si do të vazhdojë kjo histori?”

Sipas tyre, procesi i konsultimit me grupet e interesit nuk funksionoi siç duhet.

“Të gjitha shoqatat janë shoqata që të paktën grupi maksimal i tyre mund të arrijë në 30-40 individë. Ndërkohë që nuk kanë informuar asnjë nga grupi i interesit që të paktën nga një llogari që ne kemi bërë janë diku te 14 mijë deri në 15 mijë inxhinierë të të gjitha fushave. Të paktën rreth 4 mijë janë të licencuar, por asnjë nga këta nuk është informuar nga ata që duhet të informojnë, nga ata që duan të bëjnë një ligj të cilët duan të fusin duart si në profesion ashtu edhe në buxhet të shtetit’,-shprehet Gjergji Caca.

Sipas inxhinierëve, kjo fushë menaxhon 70% të ekonomisë, ndaj menaxhimi nga një ent i posaçëm do të sillte situatë shkatërruese.

“Të krijosh një ent dhe të gjithë strukturën e menaxhimit të 70% të ekonomisë së vendit t’ja lësh në dorë një enti që është një institucion pa emër. Është katastrofë dhe do të çonte në shkatërrimin total të vendit”,-argumenton Dëshira Mena.

Një prej inxhinierëve të pranishëm në protestë u shpreh se vetë dokumenti i projektligjeve është i shkruar keq./Media Ndërtimi

Continue Reading

Trending