Infrastrukturë

I lexohet aktakuza Pal Lekajt dhe të akuzuarve tjerë në rastin e ’53 milionëshit’

Published

on

Ish-ministri i Infrastrukturës, Pal Lekaj është ulur sërish në bankën e të akuzuarit. Në fillim të seancës mbrojtësi i Pal Lekajt, avokati Musa Damati tha se mbrojtja nuk e ka pranuar aktakuzën e ngritur nga Prokuroria Speciale.

“Nuk e kemi pranuar aktakuzën e ngritur. Aktakuzën e ka pranuar avokati paraprak Arianit Koci”, tha Damati.

Gjithashtu, avokatët e të akuzuarve të tjerë  theksuan se nuk i kanë pranuar të gjitha shkresat e lëndës nga Prokuroria, raporton Kallxo.com.

Mbrojtja propozoi që seanca të shtyhet për një datë tjetër në mënyrë që të jenë të gatshëm rreth deklarimit të fajësisë.

Propozimi i mbrojtjes u kundërshtua nga prokuroria, pasi që sipas prokurorisë mbrojtja që nga fillimi është pajisur më të gjitha shkresat e lëndës.

“Prokuroria ka prova që të gjithë të pandehurit janë pajisur me prova. Sa i përket të akuzuarit Pal Lekaj, avokati paraprak Arianit Koci është pajisur me të gjitha shkresat e lëndës, dhe se i njëjti kur është pajisur ka pasur autorizim për t’a përfaqësuar Pal Lekajn. Nuk është faji tek prokuroria nëse të akuzuarit i ndërrojnë avokatët dhe nuk koordinohen mes veti”, tha prokurori special Valdet Gashi.

Gjykatësja Violeta Namani mori vendim që aktakuza të lexohet sot, dhe të mos shtyhet seanca për një datë tjetër.

Gjykatësja Violeta Namani mori vendim që aktakuza të lexohet sot, dhe të mos shtyhet seanca për një datë tjetër.

Sipas dosjes së Prokurorisë, Pal Lekaj në cilësinë e kryesuesit të Komitetit Ndërministror (KDNM) dhe ministrit në Ministrisë e Infrastrukturës, së bashku me sekretarin e kësaj Ministrie, Nebih Shatrin dhe drejtorin e Prokurimit Publik, Besim Tahirin, nënshkruajnë marrëveshje me kompaninë “Bechtel & Enka” për shtyrjen e afatit të përfundimit të punimeve për 347 ditë por pa përcaktuar koston financiare. Si pasojë e këtyre veprimeve të të pandehurve, sipas aktakuzës, buxhetit të Kosovës i është shkaktuar dëm në vlerë prej 38.321.346.00 euro./Media Ndërtimi.

Trending

Exit mobile version