Connect with us

Aktuale

Ekonomia më e madhe në botë rrezikon të shembet, Kina përballet me temperatura ekstreme dhe krizë energjetike

Published

on

Prej disa javësh, një krizë energjetike e shkaktuar nga i nxehti rekord dhe i përcjellur nga thatësira ka shkaktuar dëme të mëdha në provincën jugperëndimore Sichuan, në të cilën jetojnë 80 milionë banorë.

Kjo krizë ka shkaktuar mbylljen e fabrikave, ndaljen e energjisë në metro si dhe në shtëpi e zyre të qytetarëve, e po ashtu edhe ngordhjen e mijëra shpendëve dhe peshqve në fermat e goditura nga ndërprerja e energjisë elektrike.

Në vendin që krenohet për rritjen ekonomike dhe stabilitetin e krijuar, kriza me energji elektrike ka ardhur si shok për qytetarët të cilët në dekadat e fundit janë mësuar me kushte të mira jetese dhe infrastrukturore.

Por tani ndryshimet klimatike po rrezikojnë që kjo të ndryshojë.

Temperaturat e larta të cilat po shënohen në Kinë janë më të lartat në 60 vitet e fundit, ku prej 70 ditësh në qindra stacione meteorologjike po shënohen temperatura që nuk janë shënuar më parë.

Dhe kjo rrezikon Kinën, pasi numri i lartë i popullsisë dhe zhvillimi i hovshëm i ekonomisë mund të përballet me dëme dhe humbje të mëdha nëse vendi rrezikon të përballet me mungesë të energjisë elektrike.

“Këto të ashtuquajtura ngjarje ekstreme të motit do të kenë ndikim më të madh në jetën tonë dhe në furnizimin me energji elektrike” thotë Li Shuo, këshilltar për klimën në organizatën Greenpeace në Beijing.

Ai shton se” ne të gjithë duhet të rikonsiderojmë nëse këto ngjarje ekstreme do të bëhen normalja e re”

Ekspertët thonë se kriza energjetike në Sichuan është një shembull se sistemi energjetik i Kinës nuk është i fuqishëm sa duhet për të përballuar sfidat e krijuara nga ndryshimet klimatike.

E disa prej tyre besojnë se Kina është duke shkuar në rrugën e duhur të reformave, mirëpo disa të tjerë frikësohen se nëse Kina i kthehet ndërtimit të termocentraleve me qymyr për të siguruar energji, kjo do të rrezikojë premtimin e Kinës për të ulur emetimin e karbonit deri në vitet 2030 dhe 2060./Media Ndërtimi

Aktuale

Protestojnë studentët e Fakultetit të Bujqësisë, duan kyçjen e rrymës në objektin e ri mësimor

Published

on

Studentët dhe stafi akademik i Fakultetit të Bujqësisë dhe Veterinarisë përmes një proteste kanë pezulluar nisjen e procesit mësimor për vitin e ri akademik deri në marrjen e një vendimi nga ana e KOSTT për kyçje të energjisë elektrike në objektin ri.

Kallxo.com ka raportuar se ndërtimi i Objektit të ri të Fakultetit të Bujqësisë jashtë kushteve teknike të lëshuara nga Operatori i Sistemit, Transmisionit dhe Tregut të energjisë elektrike të Kosovës (KOSTT) ka bërë që studentët e këtij fakulteti të mbesin pa hapësira të veta edhe këtë vit.

Bedri Dragusha, dekan në Fakultetin e Bujqësisë tha se studentët e FBV-së nuk iu gëzuan nisjes së vitit akademik, për shkak se nuk arritën të hyjnë në objektin që u takon.

“Sot është dita e  parë e vitit  aksdemik dhe stafi me studentët nuk iu gëzuan pasi kanë vendos të pezullojmë mësimin pasi nuk arriten të transefrohen  në objetin e ri. Ndërtimi  ka nis nga viti 2013. Kur erdhi momenti i kyqjes së rrymës u vërtetuua se ka  shkelje të distancës. Kjo është linë ndërkombëtare dhe sipas tyre kjo duht të jetë 7 metra distancë”- tha ai.

Blenda Fazliu, kryetare e Këshillit të Studentëve tha se po protestojnë pasi nuk po arrijnë të nisin ligjëratat në objektin e ri.

Ajo shtoi se kanë mungesë të hapësirave për vijim të duhur të mësimit.

“Po protesojmë për objektin  e ri pasi është dashur të fillojmë këtu. Nuk kemi as kushtet minimale për studime. Nga sallat e leximit, e ushtrimeve. KOSTT le të veprojë pasi për shkak të kësaj trafoje jemi në këtë gjendje. Do protestojmë deri sa të merret vendim për  zhvendosje të kësaj trafo. Kemi përkrahjen e stafit akademik për këtë pezullim”-u shpreh ajo./Media Ndërtimi.

9 vjet për ndërtimin e 9 mijë m² për objektin e ri të Fakultetit të Bujqësisë, KOSTT-i refuzon kyçjen e energjisë

Continue Reading

Aktuale

“Nga Kosova po largohen punëtorët e zellshëm që punojnë 12-15 orë në ditë!”

Published

on

Menaxheri i Trajnimeve në Innovation Center Kosovo (ICK), Shpend Lila përmes rrjetit social facebook ka shpjeguar se cila kategori e punëtoreve është duke u larguar nga Kosova në drejtim të shteteve evropiane.

“Jon tu ike njerëzit prej Kosovës shumë. Njerëz me rroga t’mira ama. Me profesione t’mira. Ne Kosove nuk ka mungese te veneve te punes, ka mungese te rrogave tmira. Dhe dinjitetit.

Nga Kosova po largohen dy kategori:

  1. Punetori i zellshëm qe punon 12-15 ore ne dite, pa kontrate, pa sigurim, me gjyse rroge n’banke (sepse oligarku duhet me pagu taksa, nuk i konvenon)
  2. Njerez te kualifikuar, te cilet me shume e durojne nje ankese profesionale prej gjermanit, se sa “n’sa ke ardhe sot?” nga raptisha.

E ardhmja e tregut te punes ne Kosove NUK duket premtuese.”, shkruan Lila./Media Ndërtimi.

Continue Reading

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Trending