Connect with us

Aktuale

“Duan ta shesin për 1€ arin”, avokati denoncon AKP-në, Gjykatën e Komunën për tokën e vlefshme në Fushë Kosovë

Published

on

Është një copë toke mbi një hektar. I takon ndërmarrjes shoqërore “Slloga”. Para luftës ishte e destinuar për ndërtim, por dikush e shndërroi në tokë bujqësore. “Po duan që ta privatizojnë për një euro arin…e pastaj dikush ta shet 100 mijë një ari”, denoncon publikisht avokati që i përfaqëson ish-punëtorët e kësaj ndërmarrje. Insajderi sjell detaje nga zhvillimet për këtë ndërmarrje që sipas avokatit në këtë rast janë të përfshirë AKP-ja, Gjykata e Komuna e Fushë Kosovës.

Ish-kryesuesi i Bordit të Agjencisë Kosovare të Privatizimi (AKP), Blerim Rexha tri vite më parë ishte bërë lajm nacional me një deklaratë.

Pesë mijë ari tokë janë shitur nga një euro ari. E kam kundërshtuar këtë proces të privatizimit me këtë çmim mjaft të ulët. Ndërsa, në bord anëtarët me thoshin, ‘po të dhimbset toka e Kosovës?’. Andaj, kjo ka qenë një ndër arsyet e dorëheqjes”, pati deklaruar ai parak një komisioni hetimor të Kuvendit të Kosovës për privatizimet.

“Historia mund të përsëritet”, druan avokati Vehbi Halili i cili përfaqëson ish-punëtorët e ndërmarrjes shoqëror “Slloga”, me të cilët ka nisur një betejë ligjore, siç thotë ai, për të parandaluar një veprim të ngjashëm të AKP-së.

Toka për të cilën ai dhe ish-punonjësit e “Sllogës” po shtyhen nëpër gjykata me AKP-në gjendet në Fushë Kosovë, afër ndërtesës së kësaj komune.

Është një copë toke prej një hektarë e tetëmbëdhjetë ari. Siç thotë ai, tash iu ka mbetur vetëm përdorimi i atyre që quhen mjete të jashtëzakonshme në Gjykatën Supreme, që të mos lejohet që edhe kjo tokë të shitet lirë.

Nga tokë ndërtimore, në bujqësore – kush e bëri ndryshimin?

“Po duanë që ta shesin me një euro arin. Ndoshta edhe dy euro. Diçka që e kemi parë edhe më herët dhe pse gjykata po kërkon të provohet kjo, tashmë ky është fakt i njohur”, thotë avokati i ish-punonjësve të “Slloga”, Vehbi Halili në një prononcim për Gazetën Insajderi.

Ai ka treguar se kur u autorizua nga ish-punonjësit e kësaj ndërmarrje që të mbronte pronë e saj në Fushë Kosovë, gjeti që para luftës së fundit të vitit 1999, kjo tokë ishte e destinuar si tokë ndërtimore- që rrjedhimisht ia shton vlerën.

Me datë 6 shtator 2023, në Dhomën e Posaçme u deponua një propozim për caktimin e masës së përkohshme të sigurimit lidhur me ndalesën dhe shitjen e pasurisë së patundshme nga neni 297, 306 lidhur me nenin 304 të LPK-së.

“Në këtë propozim theksohet se asetet e ndërmarrjes “Slloga” në Fushë Kosovë janë definuar për shitje si tokë bujqësore nga AKP, vendim ky i cili është në kundërshtim me provat materiale, të cilat i posedojnë punëtorët e kësaj ndërmarrje p.sh., nga vendimi i ashtuquajturit (iratit) d.m.th. tokës nga Komuna e Prishtinës në OSH “Slloga”, në Fushë Kosovë, i datës 1 gusht 1989 e regjistruar me datë 17 nëntor 1989, Akti i quajtur “Spisak Promena” për vitet 1989-1996, Komuna Kadastrale në Fushë Kosovë, vendimi nr. 452 dhe shenja 16369/21 i datës 15 shkurt 2012 në të cilin vendim shihet se të gjitha parcelat e O.SH “Slloga” në Fushë Kosovë janë toka ndërtimore si dhe libri nga arkivi i vitit 1966”, thuhet në padi.

Këto parcela të cilat tashmë i disponon AKP, sipas padisë  “pas lufte ishin regjistruar si toka bujqësore e jo siç kanë qenë toka ndërtimore në bazë të provave të i posedonte Agjencioni Kadastral i Fushë Kosovës, e një pjesë e konsiderueshme i mban të uzurpuara Komuna e Fushë Kosovës e qëllimi i tyre dhe i AKP-së është ndërrimi i destinacionit nga toka ndërtimore në tokë bujqësore, pra shitja si tokë bujqësore”./Media Ndërtimi

Aktuale

Lendlease del nga tregjet ndërkombëtare të ndërtimit

Published

on

Kompania australiane e ndërtimit dhe e pasurive të paluajtshme Lendlease ka njoftuar se do të shesë disa nga bizneset e saj jashtë shtetit, duke përfshirë operacionet e saj të ndërtimit në SHBA, MB dhe Evropë.

Njoftimi u bë si pjesë e një rishikimi të kompanisë pasi duket se do të lirojë deri në 4.5 miliardë dollarë AU (3 miliardë dollarë) kapital.

Në një deklaratë, kompania tha se ishte pjesë e planeve për të “thjeshtuar strukturën e saj organizative” dhe se do të “përqendrohej në biznesin e saj australian dhe platformën e investimeve ndërkombëtare lider në treg”.

Lëvizja, e një prej kompanive më të mëdha të ndërtimit të Australisë, krijon pasiguri rreth një sërë projektesh të papërfunduara në mbarë botën, duke përfshirë Malajzinë, Kinën, SHBA-në, Britaninë e Madhe dhe Italinë.

Është raportuar se ristrukturimi mund t’i kushtojë Lendlease deri në 1.48 miliardë dollarë AU (985,000 USD) në zhvlerësime dhe tarifa në lidhje me shitjet e projektit dhe pasi ajo shënon emrin e mirë të lidhur me bizneset e saj të ndërtimit në SHBA dhe MB.

Kompania tha se do të disponojë një palë projekte të mëdha në Azi gjatë vitit të ardhshëm, duke përfshirë projektin më të madh të zhvilluesit në rajon, zhvillimin e përdorimit të përzier Exchange TRX në Kuala Lumpur./Media Ndërtimi

Continue Reading

Aktuale

Shtëpia e filmit ikonik “Home Alone” shitet për 5.2 milionë dollarë

Published

on

Shitet shtëpia nga filmi ikonik “Home Alone”, e cila ndodhet në Winnetka afër Çikagos. Ndërtesa luksoze kushton 5.2 milionë dollarë.

Shtëpia është rinovuar tërësisht dhe është zgjeruar në vitin 2018 dhe pronarët aktualë kanë jetuar në të për 12 vjet.

Pronarët e rinj do të kenë në dispozicion pesë dhoma gjumi dhe gjashtë tualete. Përveç kësaj, shtëpia ka një kinema, si dhe një fushë sportive të brendshme.

Në momentin e xhirimeve të pjesës së parë të filmit “Home Alone”, kjo shtëpi luksoze i përkiste familjes Abendschien. Ata e zotëronin shtëpinë nga viti 1988 deri në vitin 2011, kur e shitën për 2.4 milionë dollarë.

Kjo familje jetoi në shtëpi vetëm një vit e gjysmë kur e kërkoi Chris Columbus, regjisori i një prej filmave më të njohur të Krishtlindjeve.

“Ai na tha se shtëpia jonë është ideale për xhirime. Nuk e kishim idenë se filmi do të kishte një sukses të tillë,” thanë pronarët më herët.

Gjatë xhirimeve të “Home Alone”, ata kanë qëndruar kryesisht në dhomën e gjumit për rreth gjashtë muaj, ndërsa në pjesën tjetër të shtëpisë janë filmuar skena të njohura nga komedia./Media Ndërtimi

Continue Reading

Aktuale

Rusia do të ndërtojë central bërthamor “jetik” në Uzbekistan

Published

on

Rusia dhe Uzbekistani e kanë nënshkruar një marrëveshje, sipas të cilës, Moska do ta ndërtojë një central të vogël bërthamor në vendin e Azisë Qendrore.Kjo marrëveshje ishte në mesin e disa marrëveshjeve të nënshkruara më 27 maj në Tashkent mes presidentit rus, Vladimir Putin, dhe homologut të tij uzbek, Shavkat Mirziyoev.

Lideri uzbek e lartësoi projektin si “jetik” në një komunikatë të publikuar nga zyra e tij për media pas bisedimeve me Putinin, në të cilët u theksua se Uzbekistani i ka “rezervat e veta të mëdha të uraniumit”.

Ndërkohë, Putini u zotua se do të bëjë “gjithçka për të punuar në mënyrë efikase” për tregun e energjisë bërthamore të Uzbekistanit.

Nëse kjo marrëveshje miratohet, centrali bërthamor do të jetë i pari në Azinë Qendrore, dhe do ta thellojë edhe më shumë ndikimin rus në rajon.Putini theksoi se Rusia do t’i derdhë 400 milionë dollarë në një fond të përbashkët investimi 500 milionë dollarësh për t’i financuar projektet në Uzbekistan.

Mirziyoev tha gjithashtu se Tashkenti është i interesuar të blejë më shumë naftë dhe gaz nga Rusia./Media Ndërtimi

Continue Reading

Trending