Connect with us

Aktuale

Çmimi për Urbanizëm “Rexhep Luci”, afati i fundit për aplikim 1 shkurt

Published

on

Ka mbërritur edicioni i dytë i konkursit të dizajnit “Ide për Prishtinën”!

Mirëpresim ide që fokusohen tek përmirësimi i pamjes dhe funksionalitetit të qytetit të Prishtinës, shfrytëzueshmërisë dhe veçanërisht jetueshmërisë së tij. Prishtina ka mjaft parregullsi dhe probleme në kontekstin urban, që njëkohësisht përmban shumë potencial, ndaj ndani mendimet dhe propozimet tuaja me mundësinë për të bërë një ndryshim të shumëpritur në qytet.

Komuna e Prishtinës dhe Fondacioni Kosovar i Arkitekturës (KAF) kanë për qëllim të inkurajojnë pjesëmarrjen e komunitetit lokal në proceset e planifikimit dhe zbatimit të qytetit. Ideja themelore është se si mund të përmirësojmë ose transformojmë hapësirat publike dhe rrethinat e tyre. Këto propozime mund të jenë nga më të ndryshmet, duke filluar nga trotuaret, udhëkryqet, drita të qytetit, tabelat, fasadat e ndërtesave, vitrinat, çatitë, kalimet, tunelet, parqet dhe zona të tjera të gjelbruara, shatërvanët, sheshet, tregjet, pikat e informacionit, pavionet, ndërtesat e reja publike, apo edhe zgjidhje urbane utopike. Nuk ka ide shumë të madhe ose shumë të vogël, ndaj mos ngurroni të shpreheni plotësisht.

Të gjithë, qoftë banorë të përkushtuar apo thjesht vizitorë në Prishtinë, të çdo moshe, kombësie apo mbrapavije profesionale, janë të ftuar të ndajnë idetë e tyre. Ju mund të merrni pjesë në këtë konkurs qoftë individualisht apo në grup me miqtë, kolegët, fqinjët ose anëtarët e familjes tuaj. Jeni të mirëpritur të përdorni çfarëdo mediumi që ju nevojitet, si dizajne arkitekturore dhe urbane, vepra arti, foto, video, tekste, etj. Gjithçka që duhet të bëni në projektet tuaja është të specifikoni vendndodhjen e saktë të ndërhyrjes suaj të propozuar dhe të shpjegoni se si vizioni juaj do të përmirësonte qytetin dhe do të ndihmonte qytetarët.

Komuna e Prishtinës për propozimin më të mire do të shpërblejë çmimin “Rexhep Luci” që përfshin shpërblime monetare si: vendi i parë 5000€, vendi i dytë 1000€ dhe vendi i tretë 500€.

Projektet e zbatueshme mund të realizohen nga Komuna.

TERMET DHE KUSHTET E KONKURSIT

  1. Organizatorët dhe përkrahësit e konkursit

“Ide për Prishtinën” organizohet nga Komuna e Prishtinës  dhe Fondacioni Kosovar i Arkitekturës (KAF).

  1. Qëllimi i konkursit

Qëllimi i konkursit është stimulimi i qytetarëve në shprehjen e dëshirave dhe ideve të tyre për përmirësimin e qytetit të Prishtinës. Ky është konkurs ideor i hapur. Idetë e propozuara do të ekspozohen gjatë Festivalit të Arkitekturës së Kosovës në Prishtinë, ndërsa më vonë do të mbeten pronë e Komunës së Prishtinës për zhvillime të mëtutjeshme.

  1. Kushtet për aplikim

Ky konkurs është i hapur për të gjithë, qytetarë lokal apo të huaj, studentë apo profesionistë, të interesuar në përmirësimin e kualitetit të Prishtinës. Aplikuesit mund të marrin pjesë individualisht apo në grupe të përziera.

  1. Orari

Afati i fundit për aplikim    01.02.2024

Shpallja e fituesve                20.02.2024

  1. Si të dorëzohet propozimi?

Propozimin duhet ta dërgoni tek email adresa: Information.kaf@gmail.com në format PDF, e preferuar që dimenzioni maksimal i letrës të jetë A1 dhe volumi maksimal max. 10 mb. Nëse file është më i madh se 10 mb, atëherë të dorëzohet me anë të një linku i cili duhet të jetë i qasshëm së paku deri me 1 mars 2024.

  1. Juria dhe procesi i vlerësimit

Vlerësimi dhe përzgjedhja e dizajneve më të mira do të bëhet nga një juri e përbërë nga anëtarë vendorë dhe ndërkombëtarë.

  1. Çmimet

Dizajnet më të mira do të shpërblehen me një vlerë monetare, çmimi i pare është 5000 €, çmimi i dytë është 1000€ dhe çmimi i tretë është 500€, ndërsa dhjetë propozimet tjera më të mira do të marrin mirënjohje.

  1. Të drejtat autoriale

Të drejtat e dizajnit konceptual do të mbesin tek pjesëmarrësit e konkursit. Megjithatë, në rast se ndonjë nga propozimet zbatohet, KAF dhe Komuna e Prishtinës kanë të drejtën për modifikimin teknik të tyre pa kërkuar autorizime të tjera nga autorët. Gjithashtu ata mund të publikojnë, ekspozojnë dhe përdorin propozimet për aktivitete të marketingut pa ndonjë kompensim. KAF nuk mban përgjegjësi për asnjë plagjiaturë./Media Ndërtimi

Aktuale

Amerika dhe Turqia, partnerë kryesorë të Kosovës për eksport dhe import

Published

on

Kosova vazhdon të këtë deficitin e lartë tregtar. Në muajin janar 2024 deficiti ka shkuar në 319,7 milionë euro, krahasuar me deficitin prej 291,5 milionë euro në vitin 2023. Eksporti i mallrave në muajin janar ishe 60,3 milionë euro, ndërsa importi 380,0 milionë euro.

Shtetet e Bashkuara të Amerikës mbeten partneri më i rëndësishëm për raporte tregtare me Kosovën.

Amerika përveç si aleat strategjik është edhe partneri kryesor për eksport të mallrave të Kosovës, raporton Revista Monitor.

Në janar të këtij viti, vlera e mallrave të eksportuara me vendet e botës arritën në 20.1 milionë euro, ose 33.4 për qind.

Eksportet e mallrave me këto shtete kanë një shifër simbolike, mirëpo siç bën të ditur Agjencia e Statistikave të Kosovë, partnerë më të rëndësishëm me vendet e botës për eksport ishin SHBA-të me 14,6 për qind dhe Zvicra me 9,3 për qind në muajin janar 2024.

Të dhënat nga Tregtia e Jashtme të Mallrave në Kosovë tregojnë se eksportet e Kosovës në vendet e BE-së arritën në 18,4 milionë euro, ose rreth 30,5% e eksporteve të përgjithshme, me një rënie prej 6,9%.

“Partnerët kryesorë për eksportin e mallrave në BE ishin: Gjermania (8,8%), Italia (4,7%), Holanda (3,1%), etj”.

Ndërsa, importet e Kosovës nga vendet e BE-së ishin rreth 164,4 milionë euro, ose 43,3% e importeve të përgjithshme, me një rritje prej 10,1%.

“Importet me pjesëmarrje me të lartë ishin nga: Gjermania (12,8%), Greqia (7,2%), Italia (3,7%), etj.”.

Ndërsa, Turqia edhe këtë vit vazhdon të mbetet partner kryesor për import të mallrave.

Vetëm gjatë muajit janar 2024, importet e Kosovës me vendet e tjera të botës arritën në 158 milionë euro, ose 41.6 për qind.

“Vendet me pjesëmarrje më të lartë për import në këtë grup ishin: Turqia (15,4%) dhe Kina (11,3%)”, thuhet në raportin ASK-së për Tregti me jashtë.

Ndërsa, eksportet e Kosovës me vendet e CEFTA-s arritën në 21.8 milionë euro, ose 36,1 për qind të eksporteve të përgjithshme, me një rënie prej 16,2 për qind.

“Partnerë kryesorë për eksport nga vendet e CEFTA-s ishin: Maqedonia e Veriut (12,4%), Shqipëria (11,8%), Serbia (6,3%), Mali i Zi (3,9%)”, thuhet në raportin e ASK-së për muajin janar.

Ndërsa, importet nga vendet e CEFTA-s arritën në 57,7 milionë euro, ose 15,2% të importeve të përgjithshme, me një rënie prej 5,8 për qind.

“Vendet me pjesëmarrje më të lartë për import ishin: Shqipëria (7,6%), Maqedonia e Veriut (4,7%), Serbia (1,9%)”, thuhet në raport.

Ndërkaq, ajo që mbetët shqetësues është se edhe këtë vit ka nis një rënie e vlerës së mallrave të eksportuara në vend.

Eksporti i mallrave në muajin janar të këtij viti kishte vlerën 60.3 milionë euro, ndërsa importi 380 milionë euro, që është një rënie prej 3 për qind për eksport, si dhe një rritje prej 7.4 për qind për import, duke krahasuar me periudhën e njëjtë të vitit 2023.

Sipas të dhënave të grupeve kryesore të eksportit: 25,4% e përbëjnë metalet bazë dhe artikujt prej tyre; 19,3% e përbëjnë artikuj të ndryshëm të prodhuar; 13,1% e përbëjnë plastika, goma dhe artikujt prej tyre; 8,3% e përbëjnë ushqimet e përgatitura, pijet dhe duhani; 6,2% e përbëjnë makineria dhe pajisjet mekanike dhe elektrike, etj”, thuhet në raportin “Statistikat e Tregtisë së Jashtme (STJ), Janar 2024”.

Sipas raportit të Agjencisë së Statistikave të Kosovës, të dhënat nga Tregtia e Jashtme të Mallrave në Kosovë tregojnë për një deficit tregtar më të lartë për 9.9 për qind në muajin janar 2024, në raport me periudhën e njëjtët të vitit 2023, gjegjësisht në vlerë prej 319,7 milionë euro, krahasuar me deficitin prej 291,5 milionë euro në vitin 2023. Sipas ASK-së, eksporti mbulon importin me 15.9 për qind.

Sipas të dhënave të grupeve kryesore për import: 17,2% e përbëjnë produktet minerale; 11,6% e përbëjnë ushqimet e përgatitura, pijet dhe duhani; 11,6% e përbëjnë makineria dhe pajisjet mekanike dhe elektrike; 11,2% e përbëjnë mjetet e transportit; 9,3% e përbëjnë metalet bazë dhe artikujt prej tyre, etj./Media Ndërtimi

Continue Reading

Aktuale

Suedia interesohet për fushën e minierave të Kosovës

Published

on

Suedia interesohet për fushën e minierave të Kosovës

Ministrja e Ekonomisë, Artane Rizvanolli ka pritur sot në takim ambasadorin e Suedisë në Kosovë, Jonas Westerlund dhe zëvendësshefin e Misionit, Henrik Riby.

Gjatë takimit, Ministrja Rizvanolli dhe përfaqësuesit e ambasadës suedeze, kanë diskutuan për zhvillimin ekonomik të Kosovës dhe rritjen e bashkëpunimit ekonomik mes dy vendeve.

Me theks të veçantë diskutuan për potencialin ekonomik që ofron Kosova në fushën e minierave dhe forcimin e lidhjeve të Kosovës dhe Suedisë në këtë sektor.

Republika e Kosovës qysh nga kohët më të vjetra ka qenë e njohur për pasuritë e saj të nëntokës. Pasuritë minerale të Republikës së Kosovës janë te shumëllojshme në sasi dhe në cilësi dhe kanë rëndësi të madhe ekonomike.

Rezervat e resurseve minerale kryesore janë linjiti me 12.5 miliardë ton,plumbi dhe zinku 59 milionë ton, nikeli 13 milionë ton, boksitet 2.7 milionë ton, magnezitet 4.1 milion ton./Media Ndërtimi

Continue Reading

Aktuale

Asahi Glass Company, fabrika më e madhe në botë e qelqit, zgjedh Kosovën për samitin e saj në nivel ballkanik

Published

on

E njohur si AGC, prodhuesi kryesor i xhamit në botë, Asahi Glass Company rrallë zgjedh Kosovën si mikpritëse për Samitin e nivelit ballkanik. Selia evropiane e kompanisë është e vendosur në Belgjikë dhe është e njohur për projektet e rëndësishme globale që përfshijnë xhamin e saj, që shtrihen nga Nju Jorku në Tokio. Z. Ivan Zaykov, menaxher për tregjet ballkanike në AGC Flat Glass në Evropë, e thekson samitin si një nga takimet më të rëndësishme dhe më të vlefshme për fabrikën në lidhje me marrëdhëniet me klientët.

Ai thekson se Kosova tradicionalisht nuk është konsideruar si vend stabil për takime të tilla të nivelit të lartë. Duke marrë parasysh shitjet mbresëlënëse prej 12 miliardë dollarësh të AGC në treg, rëndësia e ngjarjes është parësore, duke inkurajuar pjesëmarrjen e të gjithë aktorëve në biznesin e ndërtimit. Z. Zaykov thekson se zgjedhja e vendit pritës luan një rol të rëndësishëm në suksesin e takimit. Duke e njohur këtë arritje, z. Zaykov ia atribuon suksesin bashkëpunimit efektiv ndërmjet AGC dhe partnerit të tyre GITOR LLC në Kosovë. Ai pranon rezultatet e paparashikuara të tregut të dy viteve të mëparshme, duke ia vlerësuar arritjen e përpjekjeve të përbashkëta me Bledianin, një sipërmarrës vizionar dhe një biznesmen shumë i aftë, si dhe motrën e tij Bleonën.

  1. Zaykov thekson, “Unë angazhohem shpesh në diskutime me Bledin, duke e njohur atë si një biznesmen të frikshëm në kuptimin më pozitiv të termit dhe një sipërmarrës vizionar,” ndërsa shton njohuri për pronarin e kompanisë me bazë në Kosovë. Z. Zaykov thotë se takimi i ardhshëm synon të kapërcejë ngjarjen e një viti më parë duke prezantuar teknologjinë më të fundit globale në ndërtim, veçanërisht në xhami. Fokusi do të shtrihet në diskutimin e politikave të gjelbra evropiane dhe mbarëbotërore, duke shfaqur prezantime mbi ndërtimin e shtëpive pasive dhe qytetet me energji pozitive.

Duke parashikuar mbi 200 të ftuar specialë nga Shqipëria, Maqedonia e Veriut, Bullgaria, Serbia dhe Mali i Zi, z. Zaykov përmend profilet e ndryshme, duke përfshirë biznesmenë, përpunues xhami, arkitektë, inxhinierë, përfaqësues të shtetit dhe stafin drejtues të AGC në Evropë.

 

Continue Reading

Trending