Webuild ka përfunduar punimet e gërmimit në tunelin natyror Roseto 1, pjesë e Megalot 3 të rrugës së trungut Jon (SS 106) në Itali, me vlerë rreth 1 miliardë euro (1.1 miliardë dollarë).

Tani që ka përfunduar gërmimi në tunelin binjak 1.2 km të gjatë, Webuild do të punojë për të përfunduar rreshtimin e tunelit duke përdorur seksione betoni dhe betoni të para-derdhur në një proces që pritet të zgjasë deri në fund të vitit.

Megalot 3 është ndërhyrja kryesore përgjatë seksionit të Kalabrisë të rrugës së trungut Jonica. Është strategjik për lidhjen e brigjeve të detit Jon të Kalabrisë, Bazilikatës dhe Pulias. Kur të përfundojë, do të lidhë aksin e autostradës A14 dhe A2.

Megaloti 3 i rrugës së trungut Jon (SS 106) përfshin ndërtimin e një seksioni të rrugës me dy korsi, 38 km në gjatësi. Ai përfshin 5 km tunele “natyrale”, 5 km tunele artificiale dhe 7 km viadukte.

Projekti filloi në maj të vitit 2020 dhe pritet të përfundojë në gusht 2026./Media Ndërtimi

Zgjerimi i magjistrales Prishtinë-Podujevë po zhvillohet sipas projektit. Ata që e frekuentojnë këtë rrugë kanë kritika për punime të ngadalta, por nga Ministria e Infrastrukturës thonë se punimet po kryhen në të gjitha segmentet.

Projekti për ndërtimin e rrugës regjionale Prishtinë-Podujevë po vazhdon, por ky proces po mirëpritet dhe kritikohet nga ata që aktualisht e frekuentojnë këtë rrugë.

“Proceset e punës nuk janë tu shku mirë si përpara, para 3 ose 4 muajve kanë shkuar shumë shpejtë tash kanë stagnu sepse nuk po kanë punëtorë”, deklaroi një qytetarë.

“Sa i përket kompanisë nuk ka vërejtje. Kompania e cila është duke punuar është me një kapacitet të duhur”, deklaroi një banor.

Njëri nga inxhinierët e një kompanie që po punon në njërin segment të rrugës, thotë se punimet po vazhdojnë sipas planit.

”Ne tash jemi në segmentin 1 kilometër e 300, anën e djathtë të rrugës Prishtinë-Podujevë, duke rinovuar për të asfaltuar sa më parë. Për momentin jemi shumë të kënaqur përveç kushteve atmosferike  që ndonjëherë na pengojmë. Ne mendojmë që dy shirita me i asfaltu deri në ardhjen e mërgimtarëve”, deklaroi  Izet Jetullahu, inxhinier i Kompanisë 2A Group.

Ministra e Infrastrukturës hodhi poshtë informacionet për zvarritje të punimeve në një segment të rrugës.

”Në të gjitha Lotet per zgjerimin e rrugës Nacionale N25, është duke u punuar. Ndërsa në Lotin 5 ku punët ndërtimore te rrethrrotullimi “Qershitë e Llapashticis” kanë përfunduar dhe ka mbet të vendoset sinjalizimi vertikal dhe ndriçimi. Punët në të gjitha lotet janë duke u zhvilluar konform kushteve të kontratës dhe me dinamikën e paraparë”, thuhet në njoftimin e ministrisë.

38 milionë euro janë ndarë për përfundimin e kësaj rruge nacionale, punimet e të cilës kanë rinisur para 10 muajve./Media Ndërtimi

Po vazhdojnë punimet në ndërtimin e shtegut të ri, me gurë, që shpie për në Kalanë e Prizrenit, dizajni i të cilit është ideuar në harmoni me atmosferën e ambientit përreth, që është një përpjekje për ta ruajtur trashëgiminë kulturore dhe historike të këtij lokaliteti të rëndësishëm turistik të qytetit.

“Përveçse do të sjellë një përvojë të veçantë për vizitorët vendës dhe të huaj, një shteg i bukur dhe i përshtatshëm do të nxisë edhe zhvillimin e aktiviteteve turistike dhe kulturore në gjithë zonën e kalasë dhe të nën kalasë.”, deklaroi kryetari i Komunës së Prizrenit, Shaqir Totaj./Media Ndërtimi