Connect with us

Tech

Caterpillar prezanton dy modele të reja ekskavatorësh hidraulikë

Published

on

Caterpillar ka lansuar në treg dy modele të reja ekskavatorësh hidraulikë, të cilët thuhet se kanë motorë më të fuqishëm dhe produktivitet të rritur.

Ekskavatori i ri Hidraulik Cat 340 ka një motor më të fuqishëm, binar më të gjerë dhe kundërpeshë 7,5 ton për të rritur produktivitetin me 10% në krahasim me modelin 2020 Cat 336.

Nga Cat konfirmojnë se strukturat e përforcuara të ekskavatorit të ri janë në gjendje të ofrojnë qëndrueshmëri afatgjatë dhe ta bëjnë atë optimale për gërmime të forta, ngarkim kamionësh dhe aplikime me çekiç.

“340 arrin një nivel të ri të performancës,” tha Brian Abbott, menaxheri global i produkteve të Caterpillar për ekskavatorët e mëdhenj hidraulikë. “Shtesat tona e bëjnë makinën më produktive dhe të qëndrueshme me mjete më të mëdha pune, duke u dhënë kontraktorëve më shumë fleksibilitet për të përfunduar një gamë më të gjerë projektesh.”

I ndërtuar për punë më të mëdha, ekskavatori hidraulik Cat 352 thuhet se kombinon më shumë fuqi dhe një kundërpeshë më të rëndë për të punuar me mjete më të mëdha.

Ekskavator 352 ofron një zgjedhje të nënshartesës me matës fiks ose të ndryshueshëm. Pjesa e poshtme me matës të ndryshueshëm tërhiqet në një gjerësi 2390 mm (7-ft, 10-in), duke e bërë më të lehtë transportin. Kur zgjerohet, është 150 mm (6 in) më i gjerë se pjesa e poshtme e matësit fiks për qëndrueshmëri më të madhe.

Kompania shton se teknologjia standarde Cat Grade rrit produktivitetin e ekskavatorit deri në 45%. Cat 2D Grade tregon thellësinë dhe pjerrësinë në monitorin e kabinës me sinjalizime dëgjimore, ndërsa Cat Grade Assist standard lejon që ekskavatori të qëndrojë në shkallë me gërmim me një levë.

Abbott shton se 352 “mund të pajiset me kova me kapacitet të lartë për të gërmuar dhe ngarkuar tonelata materiale në më pak kalime ose çekiçë të mëdhenj për të punuar në aplikime kërkuese të guroreve”./Media Ndërtimi.

Tech

Kompania e çipave Nvidia bëhet kompania më e vlefshme në botë

Published

on

Kompania e çipave, e cila ka gëzuar një ngjitje të madhe gjatë 18 muajve të fundit mes entuziazmit mbi AI gjeneruese, u ngjit 3.4 për qind afër orës 13:25 (1725 GMT), duke i dhënë asaj një kapitalizim tregu prej rreth 3.3 trilionë dollarë, pak përpara Microsoft dhe Apple.

Kompania me bazë në Kaliforni, e cila drejtohet nga Jensen Huang, ka parë rritje të fitimeve për shkak të kërkesës së madhe për çipat e saj të fuqishëm GPU, të cilët kanë vendosur ritmin e industrisë në nxitjen e përparimeve të reja në AI, përcjell Telegrafi.

Në maj, Nvidia raportoi një fitim neto prej 14.9 miliardë dollarësh, ndërsa të ardhurat e saj prej 26 miliardë dollarësh ishin pothuajse katërfishi i asaj që mori gjatë të njëjtit tremujor fiskal të vitit të kaluar./Media Ndërtimi

Continue Reading

Tech

Perspektiva e re e rinisë kosovare, teknologjia

Published

on

RTK ka nisur ciklin e rrëfimeve që prezantojnë Kosovën te transmetuesit e tjerë publik. Tema e parë që u trajtua është interesimi i të rinjve kosovarë për teknologjinë informative.

Interesimi për teknologjinë informative po nis nga moshat e hershme, madje ende pa i mbushur 11 vjet.

“Mendoj që është një perspektivë që duhet me pasë më shumë njohuri në Kosovë. Unë edhe në shkollën që shkoj, merret me teknologji dhe programim. Jeta sillet rreth programimit për mua”, deklaron programerja Elmedina Bucolli.

“E gjithë e ardhmja është në fushën e teknologjisë, qoftë programim, inxhinieri softuerike, dizajn, inteligjencë artificiale. Shkolla digjitale jep një mënyrë të thjeshtë dhe të kuptueshme rreth fushës së programimit, si mund të jemi programera dhe si mund të jemi ndihmues në skuadrën tonë”, ka thënë programeri Leart Shaqiri.

Kjo dëshmohet edhe në moshën e të punësuarve te kompanitë vendore.

“Mosha mesatare në kompaninë tonë në Kosovë është 21 vjeç. Nga 35 persona të punësuar, unë jam më i vjetri. Kemi 18 vjeçar që sapo ka hyrë në punë me full time. Kam pasur raste kur persona nga 16-17 vjeç i kam punësuar me part time”, tha Drilon Jaha, programer.

Situata qëndron mirë edhe për studime. Në vitin e kaluar akademik kanë qenë 7,243 studentë në këto fusha. Inteligjenca artificale është drejtimi që po prin në punësim të studentëve, konfirmon profesori i Inxhinierisë Elektrike dhe Kompjuterike në Universitetin e Prishtinës, Blerim Rexha.

“Në tri garat që kemi marrë pjesë në tri vitet e fundit, studentët tonë janë renditur të parët e të dytët në gara shumë kompetitive, me studentë nga Universiteti i IOWA-s dhe universitete tjera të Shteteve të Bashkuara. Unë mendoj se shoqëria e së ardhmes do të jetë shoqëri ekskluzive e dijes, por e dijes e bazuar në ICT”, ka thënë profesori Blerim Rexha.

Kohëve të fundit është vërejtur interesim i shtuar i grave dhe vajzave në teknologji.

“Kompanitë amerikane, gjermane e të botës perëndimore, i favorizojnë vendet e Ballkanit, veçanërisht kosovarët për punësim. Kjo për arsye se kultura jonë është shumë e ngjashme me kulturën e tyre, habitatet i kemi shumë të njëjta, por edhe në sensin që etika jonë e punës dallon shumë krahasuar me disa vende të tjera”, ka thënë Blenda Luta, menaxhere e shitjes në Amazon./Media Ndërtimi

Continue Reading

Tech

Doku.Tech zbulon edhe emrat e tre folësve të tjerë të këtij edicioni

Published

on

Festivali më i madh i teknologjisë në Ballkan, Doku.Tech, ka zbuluar emrat e folësve që do të jenë pjesë e këtij edicioni. Bëhet fjalë për emra të njohur në fushën e teknologjisë – Shkumbin Hamiti, Sara Milenkovska dhe Ida Tin – po i bashkohen listës mbresëlënëse të këtij edicioni. Festivali, në fillim të këtij muaji pati bërë të ditur emrin e folësit të parë, Mikko Hyppönen, ekspertit të sigurisë kibernetike.

Ky edicioni i Doku.Tech do të bëjë bashkë folës që njihen për vizionin e tyre dhe kontributin në fushat përkatëse. Folësit do të flasin për trendët më të fundit sa i përket teknologjisë, inovacionit, sigurisë kibernetike e përfaqësimit gjinor në botën virtuale. Shkumbin Hamiti, Sara Milenkovska dhe Ida Tin janë tre folësit e tjerë, emrat e të cilëve bëhen të ditur pas Mikko Hyppönen, ekspertit të sigurisë kibernetike. Me zbulimin e këtyre folëse, Doku.Tech bënë të ditur listën e plotë të folësve të sivjetmë.

Shkumbin Hamiti, ka 26 vite që është pjesë e kompanisë Nokia dhe ishte pjesë e disa prej zhvillimeve më të rëndësishme brenda industrisë së telefonisë mobile. Ai ka mbajtur pozita të rëndësishme dhe njihet si autorë i 12 shpikjeve dhe dhjetëra hulumtimeve. Aktualisht është drejtuesi i njësisë së biznesit të Platformës së Nokia-së për Monetizim të Rrjetit. Hamiti u lind në Prishtinë dhe vazhdoi studimet në Zagreb e më pas në Bangkok. Në Finlandë u zhvendos në vitin 1996 dhe atje jeton edhe sot.

E Sara Milenkovska është një hulumtuese, feministe dhe bashkëthemeluese e “Stella Network” që si fokus ka barazinë gjinore. Puna e saj përqendrohet në pabarazinë sistematike, duke eksploruar ndërseksionalitetin, kundërshtimin e lëvizjeve anti-gjinore dhe amplifikimin e zërave të grupeve të margjinalizuara, veçanërisht përballë dhunës gjinore në sferën digjitale. Si menaxhuese e “Stella Network” ajo ka realizuar iniciativa të ndryshme përmes të cilave u ka ofruar trajnim dhe mbështetje gratve dhe vajzave.

Kurse Ida Tin është bashkëthemeluese dhe drejtore e “Clue”, aplikacionit për gra që ka mbi 10 milion përdorues aktiv në më shumë se 190 vende. Ida nisi përdorimin e termit “Femtech” në vitin 2026. Për momentin është duke punuar në librin e saj të ri që ka të bëjë pikërisht me këtë term: Gruan në Teknologji. Për punën e saj kanë shkruar mediume me nam si “New York Times”, Revista “New York”, “Forbes”, “Der Spiegel” dhe “Le Figaro”. Ajo po ashtu ka qenë folëse edhe në konferencat e njohura si “TechCrunch Disrupt” në San Francisco, “Le Web” në Paris e shumë të tjera.

Në anën tjetër, Mikko Hyppönen, një nga ekspertët me më nam në botë sa i përket sigurisë kibernetike, ishte folësi i parë i konfirmuar nga Festivali. Hyppönen punon për “WithSecure” në Finlandë si zyrtari kryesor i hulumtimeve. Fjalimi i tij në TED Talk është shikuar nga 2 milion njerëz dhe është përkthyer në 40 gjuhë. Shkrimet e tij janë publikuar në “New York Times” e “Wired and Scientific American”. Ai po ashtu ka ligjëruar në universitet si “Oxford”, “Stanford” dhe “Cambridge”. Është në mesin e 50 personave më të rëndësishëm në botë sipas “PC World” dhe në mesin e 100 mendimtarëve më të rëndësishëm sipas “FP Global”./Media Ndërtimi

Continue Reading

Trending