Aktuale
Bregdeti shqiptarë, i ngarkuar me ndërtime
Këshilli Kombëtar i Territorit në mbledhjen e fundit të enjten e kësaj jave miratoi 32 vendime në rend të ditës nga të cilat të paktën 18 prej tyre lidhen me leje ndërtimi, zhvillimi apo ndryshime në vendime të mëparshme për projekte në bregdet. Kështu ndër të tjera në mbledhjen e KKT-së janë miratuar ndërtimi i disa hoteleve dhe resorteve si në Gjilekë të Himarës, në Sarandë ndërkohë që një tjetër projekt është ai për struktura hotelerie, rezidenca banimi dhe parkim, në Jalë. Të tjera lejë janë dhënë në zonën e Vlorës për struktura akomoduese kurse një tjetër subjekt ka marrë lejen për ndërtimin e vilave apo shtëpi të dyta.
Në zonë e Shëngjinit është dhënë një leje për zhvillimin e një objekti me godina banimi dhe shërbimesh ndërkohë që në zonën Pulaj Plazh në Velipojë është dhënë një leje zhvillimi për godina hotelerie, shërbimesh, banimi dhe parkim nëntokë. Në mbledhjen e fundit KKT miratoi edhe një lejë për portin turistik dhe të shërbimeve “Marina Limion”dhe Kompleksi turistik “Marina Bay Saranda” me vendndodhje në Bashkinë Sarandë, me zhvillues shoqëritë “Concord Investment” sh.p.k, “Marina Limion” sh.p.k. dhe “Marina Bay Saranda” sh.p.k.
Porti Turistik ishte një procedurë që u zhvillua në vitin 2019 ndërkohë që kontrata me kompanitë fituese u nënshkrua vitin e shkuar për një vlerë investimi 1.3 miliardë lekë. Përveç këtyre lejeve KKT miratoi edhe një tjetër që lidhet me investimet në rrjetin energjetik për zonën e bregdetit. Konkretisht ndërtimi i tre fiderave të rinj kabllor Nr. 1, 2, 3 dhe një fider ajror Nr. 4 me izolacion 20 kV, kabinat, rrjeti TU me kabllo me vetëmbajtje ABC nga N/st i ri 35/20 kV Dhërmi”, me vendndodhje në Bashkinë Himarë, me zhvillues “OSHEE” sh.a.
Vendimet e KKT
Leje Ndërtimi për rikonstruksion pa ndryshim funksioni për objektin: “Struktura historike në Kalanë e Gjirokastrës”, me vendndodhje në Bashkinë Gjirokastër, me zhvillues Bashkia Gjirokastër
Leje Ndërtimi për objektin: “Rikonstruksioni i Linjës 110 Kv Cërrik – Kajan –Kuçovë – Jagodinë”, me vendndodhje në Bashkitë Cërrik, Belsh, Kuçovë, Ura-Vajgurore, Roskovec, me zhvillues Operatorin e Sistemit të Transmetimit (OST) sh.a.
Leje Ndërtimi për ndërtimin e objektit: “Ndërtimi i linjës me dy qarqe 110 kV Bulqizë – Burrel dhe rehabilitimi i Nën/stacioneve Burrel dhe Bulqizë”, me vendndodhje në Bashkinë Mat dhe Bashkinë Bulqizë, me zhvillues Operatorin e Sistemit të Transmetimit (OST) sh.a.
Leje Ndërtimi për ndërtimin e objektit: “Ndërtimi i linjës 110 kV Fibër-Librazhd dhe traktet e linjave përkatëse në Nënstacionin Fibër dhe Librazhd”, me vendndodhje në Bashkinë Elbasan dhe Bashkinë Librazhd, me zhvillues Operatorin e Sistemit të Transmetimit (OST) sh.a.
Leje Ndërtimi Infrastrukture për objektin: “Ndërtimi i tre fiderave të rinj kabllor Nr. 1, 2, 3 dhe një fider ajror Nr. 4 me izolacion 20 kV, kabinat, rrjeti TU me kabllo me vetëmbajtje ABC nga N/st i ri 35/20 kV Dhërmi”, me vendndodhje në Bashkinë Himarë, me zhvillues “OSHEE” sh.a.
Leje Ndërtimi për objektin: “Strukturë me funksion hoteleri, me vendndodhje në rrugën “Hysni Gerbolli”, Bashkia Tiranë”, me subjekt zhvillues shoqërinë “Gjoka Konstruksion” sh.a.
Leje Ndërtimi për objektin: “Objekt me funksione komplekse, shërbimi, zyra dhe rezidenciale”, me vendndodhje Bashkia Tiranë, me zhvillues “EB Construction” sh.p.k dhe “AgroRoma 2019” sh.p.k.
Leje Ndërtimi për objektin: “Porti turistik dhe i shërbimeve “Marina Limion”dhe Kompleksi turistik “Marina Bay Saranda” me vendndodhje në Bashkinë Sarandë, me zhvillues shoqëritë “Concord Investment” sh.p.k, “Marina Limion” sh.p.k. dhe “Marina Bay Saranda” sh.p.k.
Leje Ndërtimi për objektin: “Resort turistik me parkime nëntokë”, me vendndodhje në Bashkinë Sarandë, me subjekt zhvillues shoqërinë “Albstar” sh.p.k
Leje Ndërtimi për objektin: “Delta Falaise Resort & Village”, Zona 1, me vendndodhje në Bashkinë Himarë, me zhvillues shoqërinë “Delta” sh.a.
Për një ndryshim në Vendimin e Këshillit Kombëtar të Territorit Nr. 25, datë 03.10.2018 “Për miratimin Leje Zhvillimi për objektin: “Resorti turistik “Coast to Coast”, Gjilekë, Bashkia Himarë”, me subjekt zhvillues shoqërinë “Gjikuria” sh.p.k dhe shoqërinë “Coast to Coast” sh.p.k.
Leje Ndërtimi për objektin: “Resorti Turistik “Coast to Coast”, Faza 1, Gjilekë, Bashkia Himarë”, me subjekt zhvillues shoqërinë “Gjikuria” sh.p.k dhe shoqërinë “Coast to Coast” sh.p.k.
Për një ndryshim në Vendimin e Këshillit Kombëtar të Territorit Nr. 24, datë 03.10.2018 “Për miratimin Leje Zhvillimi për objektin: “Shëtitorja në plazhin Drymadhes”, Gjilekë, Bashkia Himarë, me subjekt zhvillues shoqërinë “Coast to Coast” sh.p.k.
Leje Ndërtimi për objektin: “Shëtitorja në plazhin Drymadhes”, Segmenti 4, Gjilekë, Bashkia Himarë, me subjekt zhvillues shoqërinë “Coast to Coast” sh.p.k.
Leje Ndërtimi për objektin: “Struktura hotelerie, rezidenca banimi dhe parkim, në Jalë, Bashkia Himarë”, me vendndodhje në Bashkinë Himarë, me subjekt zhvillues shoqërinë “Jala Investment” sh.p.k.
Leje Zhvillimi për objektin: “Strukturë hotelerie dhe parkim nëntokë”, me vendndodhje në Livadh, Bashkia Himarë, me subjekt zhvillues shoqërinë “Rinia 04” sh.p.k.
Leje Zhvillimi për objektin: “Strukturë hotelerie”, me vendndodhje në Livadh, Bashkia Himarë, me subjekt zhvillues shoqërinë “Xheluks Construksion” sh.p.k.
Leje Zhvillimi për objektin: “Godinë shërbimi hotelerie, Dhërmi, Bashkia Himarë”, me vendndodhje në Bashkinë Himarë, me zhvillues shoqërinë “A.R.M-Albania” sh.p.k.
Leje Zhvillimi për objektin: “Strukturë me funksion hoteleri, me vendndodhje në Borsh, Bashkia Himarë”, me subjekt zhvillues shoqërinë “Grand Hotel Borsh” sh.p.k.
Leje Ndërtimi për objektin: “Resorti Turistik “Lura 5”, Faza 2, Ishëm, Bashkia Durrës”, me subjekt zhvillues shoqërinë “Lura” sh.p.k.
Leje Ndërtimi për objektin: “Objekt banimi dhe shërbimi, Lungomare, Bashkia Vlorë”, me subjekt zhvillues shoqërinë “Europa Building” sh.p.k dhe “Hanxhari Group” sh.p.k.
Leje Ndërtimi për objektin: “Kompleks me vila dhe shtëpi të dyta”, me vendndodhje në Lagjen Uji i Ftohtë, Bashkia Vlorë, me subjekt zhvilllues shoqërinë “HEL-PET” sh.p.k.
Leje Zhvillimi për objektin: “Kompleks banimi, shërbimesh dhe parkim nëntokë”, me vendndodhje në Rrugën Aulona, Orikum, Bashkia Vlorë, me zhvilllues Z. Shkëlqim Selami.
Leje Zhvillimi për objektin: “Godina banimi dhe shërbimesh”, me vendodhje në Shëngjin, Njësia Administrative Shëngjin, Bashkia Lezhë”, me subjekt zhvillues shoqërinë “Klajdi Construction” sh.p.k
Leje Zhvillimi për objektin: “Godina hotelerie, shërbimesh, banimi dhe parkim nëntokë”, me vendndodhje në zonën Pulaj Plazh, Velipojë, Bashkia Shkodër, me subjekt zhvillues shoqërinë “Star Plus” sh.p.k.
Leje për miratimin e ndryshimeve në projekt gjatë ndërtimit për objektin: “Kompleksi turistik “Thymos”, me vendndodhje në Dhërmi, Bashkia Himarë” dhe ndryshimin e subjektit zhvillues nga Z. Ilir Trebicka në shoqërinë “Drimadhe I & I” sh.p.k.
Leje Ndërtimi për objektin: “Objekt shërbimesh dhe pikë furnizimi me karburant në Rrugën e Kombit, Bashkia Mirditë”, me subjekt zhvillues shoqërinë “Dizi” sh.p.k.
Leje Ndërtimi për objektin: “Pikë karburanti dhe ambiente shërbimi”, me vendndodhje në Bashkinë Shkodër, me subjekt zhvilllues Z. Valter Fushaj.
Leje Ndërtimi për objektin: “Zgjerim i rrjetit të komunikimeve elektronike të Operatorit One Telecommunications, nëpërmjet shtimit të antenave për 6 stacione bazë të emërtuara: 1) Berati stadium R4608, 2) Kakavijë G5405, 3) Panaja G5104, 4) Roskoveci R3515, 5) Shkozë R31038, 6) Materniteti i Ri R1060”, me vendndodhje në Bashkitë Tiranë, Berat, Vlorë, Roskovec dhe Dropull”, me subjekt zhvillues shoqërinë “Plus Netëork” sh.p.k.
Leje Ndërtimi për objektin: “Zgjerim i rrjetit të komunikimeve elektronike të Operatorit One Telecommunications, nëpërmjet shtimit të antenave për 3 stacione bazë të emërtuara: 1) Juridiku 0241, 2) Vlora Skela SE 1612, 3) Shkodra Kiras 1648, me vendndodhje në Bashkitë Tiranë, Vlorë dhe Shkodër”, me subjekt zhvillues shoqërinë “One Telecommunications” sh.a.
Njoftimit të anëtarëve të Këshillit Kombëtar të Territorit mbi hartimin/miratimin e Planeve të Detyruara Vendor për njësitë e qeverisjes vendore, të prekura nga fatkeqësia natyore e datës 26.11.2019.
Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 15.04.2021 deri më tani, sipas Vendimit Nr. 1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vendore”, i ndryshuar./acp/
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
