Connect with us

Art

Bienalja e 59-të e Artit në Venecia dominohet nga gratë

Published

on

Diçka e rrallë është që Bienalja e 59-të, e cila u hap këtë të shtunë, më 23 prill, përkon sërish me documenta-n, që mbahet çdo pesë vjet në Kassel.

Në qytetin lagunor, arti shtrihet në 79 pavijone vendesh, në pavijonin qendror në Giardini dhe, natyrisht, mbi muret historike të Arsenales, ku dikur pluskonin anijet me vela të flotës së fuqishme venedikase. Publiku i artit pamor do të shohë këtë vit fuqinë e performancës femërore, raporton DW Shqip.

Për herë të parë në historinë 127-vjeçare të Bienales, shumica e artisteve janë gra.

Motoja e Bienales së këtij viti është “Qumështi i ëndrrave”.

Titulli është huazuar nga një libër për qeniet fantastike të surrealistes angleze, Leonora Carrington (1917-2011). Piktorja, skulptorja dhe shkrimtarja emigroi nga Evropa në Meksikë gjatë Luftës së Dytë Botërore.

Poezia, teknologjia, ekologjia dhe feminizmi janë, siç paralajmëroi Alemani, “temat kryesore” të ekspozitës qendrore.

Përveç kësaj, kuratorja, e cila ka një diplomë në filozofi, po shfaq vepra të 213 artistëve nga 58 vende.

Më shumë se dy të tretat e artistëve marrin pjesë për herë të parë në Venecia.

Listat e emrave përmbajnë artiste të njohura, si Nan Goldin, Rosemarie Trockel dhe Barbara Kruger, si dhe skulptoren e re dhe artisten multimediale Monira Al Qadiri, një kuvajtiane e lindur në Senegal, e shkolluar në Japoni dhe që tani jeton në Berlin.

Edhe Sandra Mujinga prezanton punën e saj në Venecia. Kongolezja e përball vizitorin me një gjuhë vizuale shumë femërore, amorfe, e cila përshtatet mirë me mjedisin artistik të Bienales.

Vetëm në shtator ajo mori çmimin e Nationalgalerie Berlin./Media Ndërtimi.

Art

Hapet ekspozita e piktorit Nusret Salihamixhiqi

Published

on

Një koleksion me mbi 50 piktura të artistit dhe pegagogut Nusret Salihamixhiqi po prezantohen në Galerinë e Ministrisë së Kulturës.

Ekspozita “Loja” e kuruar nga Jakup Ferri u hap mbrëmë ndërsa sjell punën shumë vjeçare të pionerit të artit modern të Kosovës në etapa të ndryshme të jetës, veprimtarinë e tij që ka lënë gjurmë e trashëgimi në fushën e artit.

Piktori Salihamixhiqi ishte një artist i veçantë dhe i guximshëm që me veprat e tij ka kontribuar shumë në artin pamor të Kosovës.

Ekspozitën “Loja” mund ta vizitoni deri më 26 korrik 2022 në Galerinë e Ministrisë së Kulturës./Media Ndërtimi.

Continue Reading

Art

Ferizaj ngjyroset nga On(OFF)Line Festival

Published

on

On(OFF)Line plotësohet si festival me pjesëmarrjen e RETRYONE, artistit të radhës i cili i bashkëngjitet line-up për të lënë kujtime të pa përjetuara më parë.

RETRYONE vjen këtë herë si mural artist për të unifikuar më tutje hapësirat e qytetit tonë. Piktor dhe mural artist i dëshmuar, por shpirti artistik i RetryOne ngritet edhe përmes muzikës së veçantë të prodhuar nga vetë ai.

Gjatë edicionit të VII të Festivalit të Muraleve- On(OFF)Line, muret dhe hapësirat e qytetit të Ferizajt gjallërohen përmes artit.

Vizitoni llogarinë @ inreverse2hefuture për t’u njoftuar më tutje me format unike të shprehjes artistike të RetryOne./Media Ndërtimi.

Continue Reading

Art

Mozaikë me rubikona nga 16-vjeçari Leon Axhemi

Published

on

Mozaiku është një nga format më jetëgjatë të artit dekorativ që ka mbijetuar që nga antikiteti. Mozaikët janë përdorur që në lashtësi për të zbukuruar dyshemetë dhe muret.

Më këtë lloj të artit ka filluar që një vit të merret edhe Leon Axhemi, 16-vjeçari nga Gjakova, art të cilin e mësoi përmes internetit.

Ai është i vetmi në Kosovë që e praktikon krijimin e mozaikut përmes rubikonëve.

Përgjatë një viti, punimet që i ka realizuar janë Skenderbeu, Michael Jackson, Ismail Qemali, Ibrahim Rugova, Ilir Soba dhe se fundmi Madeleine Albright.

Portretin e Skenderbeut ai e ka krijuar nga 375 kuba rubiku. Ai është i gjatë 141 cm dhe i gjerë 85 cm. Qëllimi kryesor i këtij punimi ishte shënimi i ditëlindjes së 616-të të Skendërbeut.

Leonit i duhen dy deri në katër orë që ta përfundojë një mozaik.

“Çdo kub duhet të “zgjidhet” në një mënyrë që kur bashkohen të gjithë të realizojnënje portret. Koha që më duhet për krijimin e mozaikut (në këtë kapacitet) është prej 2 deri në 4 orë”, tregon ai.

“Krijimi i mozaikëve më pëlqen sepse është një mënyrë kreative dhe unike e realizimit të portreteve, dhe po ashtu më pëlqen të bëj gjëra që kanë të bëjnë me hobin tim – zgjidhjen e rubikonëve”, thotë ai. Ëndrra e tij është që në të ardhmen të krijojë një ekspozitë të tij dhe që të popullarizojë këtë lloj të artit. Autorja Ilda Kaqi është nxënëse e gjimnazit “Hajdar Dushi” në Gjakovë.

Ky botim është prodhuar me përkrahjen e Bashkimit Europian. Përmbajtja e këtij botimi është përgjegjësi e BIRN-it dhe në asnjë mënyrë nuk mund të konsiderohet si qëndrim i Bashkimit Europian.

Continue Reading

Trending