Connect with us

Infrastrukturë

Bartet prona e NSH Jugopetrol në emër të Këshillit Gjyqësor për ndërtimin e Objektit të ri të Gjykatës Themelore në Pejë

Published

on

Bordi i Drejtorëve të Agjencisë Kosovare të Privatizimit mbajti mbledhjen e radhës ku diskutoi dhe mori vendime të rëndësishme për procesin e privatizimit dhe të likuidimit të ndërmarrjeve shoqërore në përputhje me mandatin e vet ligjor.

Bordi i Drejtorëve shqyrtoi Raportin për monitorimin e Planit për adresimin e rekomandimeve të Njësisë së Auditimit të Brendshëm për periudhën 2017-2021, si dhe shqyrtoi Planin për adresimin e rekomandimeve të Auditimit të Brendshëm për 4 auditime që kanë mbuluar periudhën janar 2021-tetor 2022. Gjithashtu, Bordi shqyrtoi edhe Raportet për Monitorimin e Planeve për adresimin e rekomandimeve të ZKA-së gjatë auditimit të AKP-së dhe Fondeve në Mirëbesim për vitin 2021 .

Gjatë kësaj mbledhje, Bordi i Drejtorëve u informua në lidhje me procesin e deritashëm të përzgjedhjes së anëtarëve të Bordit të Përkohshëm të ndërmarrjes shoqërore “Brezovica”, me ç‘rast komisioni përkatës njoftoi se në fazën e intervistimit do të përfshihen 23 kandidatë nga 44 kandidatë sa kanë aplikuar në konkurs.

Veç kësaj, Bordi dha pëlqimin për bartjen e pronësisë së NSH Jugopetrol në emër të Këshillit Gjyqësor për ndërtimin e Objektit të ri të Gjykatës themelore në Pejë, në përputhje me vendimin përfundimtar të Qeverisë së Kosovës, për shpronësim me numër 20/67 të datës 09 mars 2022, si dhe dha pëlqimit për bartjen e pronësisë së NSH Kooperativa Bujqësore Përparimi (PRN019), në Podujevë në emër të Komunës së Podujevës, në përputhje me vendimin përfundimtar të Qeverisë së Republikës së Kosovës, për shpronësim me numër 10/132 të datës 08 mars 2023. Bordi poashtu dha pëlqimin sipas kërkesës së Komunës së Ferizajt për dhënien e pëlqimit për kryerjen e punimeve, rregullimin e segmenteve rrugore (bypass-ve) të përkohshëm të cilat kalojnë përmes disa parcelave në Ferizaj të NSh Plantacioni i Pemëve.

Gjatë takimit Bordi shqyrtoi propozimin e Autoritetit të Likuidimit dhe të Menaxhmentit për disa qiradhënie dhe ato me tender publik. Bordi poashtu miratoi 3 raporte fillestare për inicim të procedurës për shitje me negocim direkt për ekonomi familjare, të cilat do t’i nënshtrohet procedurave të tjera të parapara me legjislacion për t’u finalizuar shitja sipas raportit përfundimtar, i cili do t’i paraqitet Bordit për aprovim.

Gjithashtu, Bordi, me propozim të Autoriteti të Likuidimit, aprovoi raportet e shpërndarjeve për kreditorët për NSh-të si në vijim: GJI035 NSh “Agromorava” Viti; dhe PEJ045 NSh “KB Drelaj”. Bordi poashtu u njoftua se Raport Përfundimtar i mbylljes së Procesit të Likuidimit së GJI082 NSh “Grafikos” do të dërgohet në Dhomë të Posaçme për mbyllje./Media Ndërtimi

Infrastrukturë

Komuna e Prizrenit nuk ia ndalon punimet “Xharra Towers” edhe pasi rasti u deponua në Gjykatë

Published

on

“Xharra Towers” po vazhdon ndërtimin e objektit që po i rrezikon banorët e lagjes “Tirana” në Prizren. Banorët u drejtuan tek Gjykata Themelore për ndërprerje të punimeve dhe për këtë u njoftua edhe kryetari i komunës, Shaqir Totaj, por kjo nuk po mjafton që ata të ndalin rrezikimin e banorëve. Insajderi sjell detajet.

Banorët e lagjes “Tirana” në Prizren po vazhdojnë të përballen me rrezikun nga projekti banesor i “Xharra Towers”.

Ani se ata këtë rast e kanë deponuar në Gjykatën Themelore në Prizren, ku kërkesa e tyre është aprovuar.

Por, as kjo nuk po mjafton që kësaj kompanie të i ndalohen punimet.

Gazeta Insajderi ka siguruar propozimin dërguar nga banorët e lagjes, ku kërkohete banorëve për ndërprerje të punimeve në kompleksin banesor “Xharra Towers”.

Në propozim kërkohet që kompanisë në fjalë t’u ndërprehen punimet.

“DETYROHET Kundershtari i Siguirimit qe ta ndërpres vazhdimin e realizimit te Projektit Ndërtimor deri ne vendosjen e çështjes Kryesisht nga Gjykata”, thuhet në propozimin e dërguar në Gjykatën Themelore në Prizren.

Në të njëjtin propozim bëhet e ditur se për këtë janë të obliguar që ta zbatojnë edhe Drejtoria e Urbanizimit dhe Planifikimit Hapësinor në Komunën e Prizrenit.

“Këtë Aktvendim duhet ta zbatoj. Gjykata Themelore në Prizren, kundërshtari i sigurimit, çdo Shërbim i Noterisë në Kosovë, Drejtorati i Urbanizmit dhe Planifikimit Hapësinor ne Komunën e Prizrenit”.

As pas kësaj nuk është ndërmarrë asnjë veprim nga zyrtarët e Komunës së Prizrenit për ta kryer punën e tyre dhe për ta zbatuar ligjin.

Përvec drejtorisë, heshtje totale ka zgjedhur ta mbajë edhe kryetari i Komunës së Prizrenit, Shaqir Totaj.

Njësoj sikur ta, edhe kompania “Xharra Towers” nuk është përgjigjur në thirrjet e redaksisë.

Derisa, banorët po mbesin me shpresë që instancat ligjore të marrin vendim për ndërprerje të punimeve.

Gazeta Insajderi pati raportuar ditë më parë për këtë rrezikim të jetës që po u bëhet nga ndërtimi i objektit të ri në qendër të Prizrenit, i nisur së ndërtuari nga firma e Driton Xharrës.

Aty janë sjellur dëshmi se si banorët po pretendojnë që ndërtimi i obejktit të ri do ua rrezikojë jetën banorëve përreth.

Po ashtu, Gazeta Insajderi merr vesh se ndërtimi i këtij objektit të ri nuk është i lejueshëm as në bazë të Hartës Zonale për qytetin e Prizren./Media Ndërtimi

Continue Reading

Infrastrukturë

Miratohet kredia për hekurudhën Vore-Hani i Hotit, ratifikohet huaja me BEI

Published

on

Qeveria ka ratifikuar marrëveshjen e kredisë me Bankën Evropiane të Investimeve, për rehabilitimin e linjës hekurudhore Vorë – Hani i Hotit.

Pas miratimit nga Këshilli i Ministrave ajo do të duhet të kalojë në Parlament për të hyrë në fuqi dhe disbursuar.

Sipas të dhënave të bëra publike më herët, kredia e BEI kap vlerën e 120 mln euro, ndërkohë që kosto totale për rehabilitimin e hekurudhës Vorë – Hani i Hotit përllogaritet në 373.15 mln euro, raporton SCAN tv.

Struktura e financimit për këtë projekt ndahet midis kredive të dhëna nga Banka Evropiane Investimeve dhe Banka Evropiane për Rindërtim dhe Zhvillim, një granti të Bashkimit Evropian dhe mbulimit të TVSH-së nga buxheti i shtetit.

Granti i BE-së kap vlerën e 137.9 mln euro, ndërsa kredia e BERZH, 98.75 mln euro. Tashmë, kjo e fundit ka marrë dakordësinë edhe në parlament, duke qenë në një fazë më të avacuar sesa marrëveshja e huasë me BEI – n.

Linja hekurudhore  Vorë – Hani i Hotit përshkon ultësirën perëndimore me stacione në Vorë – Mamurras – Laç – Milot – Lezhë – Shkodër – Koplik – Hani i Hotit, ku bëhet dhe lidhja me Malin e Zi./Media Ndërtimi

Continue Reading

Infrastrukturë

Nis ndërhyrja e vështirë për të shpëtuar Urën e Zogut, më tej duhet restauruar e gjitha!

Published

on

Me një fond 46 milion lekë, ka nisur prej disa ditësh ndërhyrja për shpëtimin e Urës së Zogut mbi Lumin Mat, e cila rrezikonte shembjen. Puna ka nisur për ngritjen e një këmbe të urës që është fundosur në ujë, teksa nuk ka një afat për përfundimin e punimeve për shkak të vështirësisë në ndërhyrje.

Pas shumë viteve thirrjesh, protestash e peticionesh, ka nisur ndërhyrja për shpëtimin e Urës së Zogut mbi Lumin Mat. Punëtorë dhe mjete kanë zbarkuar prej ditësh në terren, për zbatimin e projektit emergjent të qeverisë shqiptare me vlerë rreth 46 milion lekë.

Fillimisht po punohet për ngritjen e këmbës së urës e cila është fundosur mbi 2.5 metra në lumë, e më pas do të vijohet me përforcimin e saj. Ndërhyrja konsiderohet si mjaft e vështirë dhe delikate, për shkak të dëmtimeve të shumta që ka pësuar ky monument kulture i kategorisë së parë.

Ura e Zogut mbi Lumin Mat është ndërtuar në vitin 1927 dhe gëzon statusin e Monumentit të Kulturës së kategorisë së parë. Ajo është e veçantë për shkak të harqeve të saj, ndërsa në kohën e ndërtimit, ka qenë një prej rrugëve kryesore që lidhnin Shqipërinë e Mesme me atë të Veriut. Por nga vërshimi i ujit dhe shfrytëzimi pa kriter i Lumit Mat për inerte, vitet e fundit ky monument pësoi dëmtime të shumta duke rrezikuar shembjen e plotë, çka detyroi qeverinë shqiptare që të miratojë një fond emergjent për shpëtimin e saj, ndërsa për shkak të vështirësive në ndërhyrje nuk ka një afat mbi përfundimin e punimeve./Media Ndërtimi

Continue Reading

Trending