Connect with us

Infrastrukturë

Autoriteti i Konkurrencës heton ndermarrjet e prodhimit dhe tregtimit te çimentos

Published

on

Autoriteti i Konkurrencës ka vendosur të hapë hetim të thelluar në tregun e prodhimit dhe shitjes me shumicë të çimentos.

Sipas vendimit të Komisionit të Konkurrencës, hetimi i thelluar do të marrë në analizë periudhën kohore nga 1 Janari 2019 deri në 31 Mars 2023.

Mbështetur në të dhënat e mbledhura gjatë procedurës së hetimit paraprak, tregu i çimentos gri në Shqipëri është një treg i përbërë nga katër kompani prodhuese që janë:

“Antea Cement” SHA, “Elbasan Cement Factory” SHPK, “Fushë Kruja Cement Factory” SHPK dhe ”Colacem Albania” SHPK, si dhe dy ndërmarrje importuese, “Eurotech Cement” SHPK, dhe “Bërdica Cement” SHPK.

Sipas Autoritetit të Konkurrencës, për vitin 2021 ndërmarrja me pjesën më të madhe të tregut, referuar shitjeve brenda vendit, ishte Antea Cement me 45% të tregut, e ndjekur nga Fushë Kruja Cement me 31%, Colacem Albania me rreth 13%.

Ndërmarrja Eurotech Cement për vitin 2021 zinte rreth 8% të tregut ndërsa ndërmarrja Elbasan Cement 6% të sasisë totale të shitur brenda vendit. Për vitin 2021, në treg hyri edhe një ndërmarrje e re importuese, Bërdica Cement, me 1% të tregut.

Duke iu referuar sasisë totale të importuar, prodhuar dhe eksportuar, sërish për vitin 2021 ndërmarrja me pjesën më të madhe mbetet Antea Cement me 43% të tregut, e ndjekur nga Fushë Kruja Cement me 36% të tregut, Colacem Albania, me 11% të tregut, Elbasan Cement me 5% të tregut dhe Eurotech Cement, me 4% të sasisë totale të tregut të çimentos.

Edhe për periudhën janar — qershor 2022, referuar vetëm shitjeve brenda vendit, ndërmarrja me pjesën më të lartë të tregut ishte sërish Antea Cement me 58%, e ndjekur nga Fushë Kruja Cement, me 15%, Colacem Albania me 13%, Eurotech Cement me 8% dhe Elbasan Cement me 6% të tregut.

Duke iu referuar sasisë totale të importuar, prodhuar dhe eksportuar për periudhën janar — qershor 2022, ndërmarrja me pjesën më të madhe të tregut vazhdon të mbetet Antea Cement me 57%.

Ndërmarrja Fushë Kruja Cement zotëronte pjesën prej 19% të tregut, Colacem Albania 12% të tregut, Elbasan Cement 6% të tregut dhe Eurotech Cement Albania 5% të tregut.

Sipas Komisionit të Konkurrencës, pjesa e lartë dhe në rritje (nga 45% në 58% për 6-mujorin 2022) e Antea Cement në tregun e importit, prodhimit dhe shitjes me shumicë të çimentos është një nga treguesit që dëshmojnë ekzistencën e një ndërmarrjeje me pozitë dominuese në treg.

Gjithashtu, ndërmarrja Bërdica Cement zotëron rreth 89% të tregut të importit të çimentos së bardhë. Një nga kriteret kryesore, që përcaktojnë pozitën dominuese në treg është pjesa e tregut që zënë ndërmarrjet në tregun përkatës.

Gjithashtu, tregu i prodhimit të çimentos në Shqipëri ka barriera ligjore në hyrje të tilla si vështirësitë e marrjes së lejeve përkatëse minerare për shfrytëzimin e mineraleve ndërtimore të cilët përdoren si lëndë e parë për prodhimin e çimentos,

lejet mjedisore për instalimet e tyre të cilat mund të ndikojnë në shkarkimet dhe ndotjen etj., si dhe barriera ekonomike në formën e investimeve të larta në fabrikat e prodhimit të çimentos.

Referuar të dhënave ekonomike të ndërmarrjeve nën hetim rezulton se për vitin 2021 ndërmarrjet prodhuese dhe importuese të çimentos kanë një normë fitimi nga -0.7% në 11.2%.

Infrastrukturë

AVONET: Qyteti i Ferizajt i kapluar nga turpi dhe korrupsioni!

Published

on

Gjykata Themelore në Prishtinë, Departamenti për Çështje Administrative, ka marrë aktgjykim, duke aprovuar kërkesëpadinë e Bekim Alitit dhe duke anuluar kushtet ndërtimore dhe vendimin e lejes ndërtimore nr. 04-351/02-0030187/20, të nxjerrë nga Komuna e Ferizajt.

“Ky aktgjykim vërteton pretendimet e AVONET-it që Komuna e Ferizajt, përkatësisht Drejtoria për Mjedis dhe Urbanizëm, ka vepruar në kundërshtim me Ligjin e Planifikimit Hapësinor, me rastin e lëshimit të lejeve ndërtimore.

𝗘 𝗿𝗲̈𝗻𝗱𝗲̈𝘀𝗶𝘀𝗵𝗺𝗲 𝗲̈𝘀𝗵𝘁𝗲̈ 𝗾𝗲̈ 𝗸𝘆 𝗮𝗸𝘁𝗴𝗷𝘆𝗸𝗶𝗺 𝗸𝗼𝗻𝗳𝗶𝗿𝗺𝗼𝗻 𝘀𝗲 𝗣𝗥𝗥𝗨-𝘁 𝗸𝗮𝗻𝗲̈ 𝗾𝗲𝗻𝗲̈ 𝗱𝗵𝗲 𝗷𝗮𝗻𝗲̈ 𝗻𝗲̈ 𝗳𝘂𝗾𝗶, 𝗮𝘀𝗵𝘁𝘂 𝘀𝗶𝗰̧ 𝗸𝗮 𝗱𝗲𝗸𝗹𝗮𝗿𝘂𝗮𝗿 𝗔𝗩𝗢𝗡𝗘𝗧.

Komuna e Ferizajt vazhdimisht nga viti 2017, ka nxjerrë vendime për kushte ndërtimore në kundërshtim me dispozitat ligjore pozitive, e që Aktgjykimi i e vërteton faktin se të gjitha vendimet e lejeve ndërtimore janë të kundërligjshme, e tilla janë mbi 400 vendime.”, shkruan në reagimin e organizatës joqeveritare AVONET.

“Heshtja dhe mosveprimi i Prokurorisë Themelore të Ferizajt ndër vite dëshmon për mbështetjen dhe përkrahjen e brendshme të ndërtimit të paligjshëm dhe shkatërrimit të qytetit tonë, duke e shndërruar në një qytet të pajtueshëm për gjeneratat e ardhëshme.

Edhe pse AVONET ka iniciuar raste ligjore kundër vendimeve të lejeve ndërtimore, nuk ka pasur veprime parandaluese konkrete nga organi përgjegjës i ndjekjes penale (Prokuroria Themelore Ferizaj), e gjitha kjo është manifestuar duke lejuar kështu përfundimin e objekteve ndërtimore.

Nga monitorimi i prokurorisë është vërejtur mbyllja e rasteve dhe hedhja poshtë e kallëzimeve penale të qytetarëve. Sipas burimeve, raste të tilla janë transferuar në prokurori të tjera.

Korrupsioni dhe keqpërdorimi i pozitës zyrtare fatkeqësisht ende po vazhdojnë të kultivohen nga elitat udhëheqëse të institucioneve të vendit tonë, por në këtë vend ka edhe persona të ndershëm dhe të përgjegjshëm, që vazhdimisht i kanë luftuar, po i luftojnë dhe do të i luftojnë këto dukuri negative.”, shkruan tutje në reagim.

“𝗦𝗶𝗰̧ 𝗸𝗲𝗺𝗶 𝗸𝗲̈𝗿𝗸𝘂𝗮𝗿 𝘃𝗮𝘇𝗵𝗱𝗶𝗺𝗶𝘀𝗵𝘁, 𝗽𝗲̈𝗿𝘀𝗲̈𝗿𝗶𝘀𝗶𝗺 𝗸𝗲̈𝗿𝗸𝗲𝘀𝗲̈𝗻 𝘁𝗼𝗻𝗲̈ 𝗻𝗱𝗮𝗷 𝘇. 𝗔𝗴𝗶𝗺 𝗔𝗹𝗶𝘂: 𝗻𝗱𝗮𝗹𝗼𝗻𝗶 𝗱𝗵𝗲 𝗽𝗲𝘇𝘂𝗹𝗹𝗼𝗻𝗶 𝘃𝗲𝗻𝗱𝗶𝗺𝗲𝘁 𝗲 𝗹𝗲𝗷𝗲𝘃𝗲 𝗻𝗱𝗲̈𝗿𝘁𝗶𝗺𝗼𝗿𝗲, 𝗽𝗲̈𝗿 𝗳𝗮𝗸𝘁𝗶𝗻 𝘀𝗲 𝗷𝘂 𝗷𝗲𝗻𝗶 𝗽𝗲̈𝗿𝗴𝗷𝗲𝗴𝗷𝗲̈𝘀 𝘀𝗶 𝗭𝘆𝗿𝘁𝗮𝗿 𝗞𝗿𝘆𝗲𝘀𝗼𝗿 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝘃, 𝗶 𝗞𝗼𝗺𝘂𝗻𝗲̈𝘀 𝘀𝗲̈ 𝗙𝗲𝗿𝗶𝘇𝗮𝗷𝘁

𝗣𝗼 𝗮𝘀𝗵𝘁𝘂, 𝗶 𝗯𝗲̈𝗷𝗺𝗲̈ 𝘁𝗵𝗶𝗿𝗿𝗷𝗲 𝗞𝗿𝘆𝗲𝗽𝗿𝗼𝗸𝘂𝗿𝗼𝗿𝗶𝘁 𝘇. 𝗦𝗵𝘂𝗸𝗿𝗶 𝗝𝗮𝘀𝗵𝗮𝗿𝗶 𝗾𝗲̈ 𝘁𝗲̈ 𝗻𝗱𝗲̈𝗿𝗺𝗮𝗿𝗿𝗲̈ 𝘃𝗲𝗽𝗿𝗶𝗺𝗲𝘁 𝗲 𝗻𝗲𝘃𝗼𝗷𝘀𝗵𝗺𝗲 𝘀𝗶𝗽𝗮𝘀 𝗮𝘂𝘁𝗼𝗿𝗶𝘇𝗶𝗺𝗲𝘃𝗲 𝗹𝗶𝗴𝗷𝗼𝗿𝗲, 𝗻𝗲̈ 𝗱𝗿𝗲𝗷𝘁𝗶𝗺 𝘁𝗲̈ 𝘁𝗿𝗮𝗷𝘁𝗶𝗺𝗶𝘁 𝘁𝗲̈ 𝗿𝗮𝘀𝘁𝗶𝘁 𝘁𝗲̈ 𝗹𝗲𝗷𝗲𝘃𝗲 𝗻𝗱𝗲̈𝗿𝘁𝗶𝗺𝗼𝗿𝗲 𝗻𝗲̈ 𝗙𝗲𝗿𝗶𝘇𝗮𝗷.”, thuhet ne reagim./Media Ndërtimi

Continue Reading

Infrastrukturë

Rail Baltica merr 1.2 miliardë euro shtesë në fonde të BE-së për të mbajtur ndërtimin në rrugën e duhur

Published

on

Projekti Rail Baltica për të ndërtuar një hekurudhë në të gjithë shtetet baltike të Letonisë, Lituanisë dhe Estonisë ka marrë një fond shtesë prej 1.2 miliardë eurosh nga Bashkimi Evropian për të mbajtur ndërtimin në rrugën e duhur.

Faza e parë e projektit, e cila përfshin ndërtimin e një linje për të lidhur tre shtetet baltike me Poloninë deri në vitin 2030, pritet të kushtojë 15.3 miliardë euro.

Këtë javë, ndërmarrja e përbashkët Rail Baltica RB Rail njoftoi se kishte siguruar një shtesë prej 1.2 miliardë eurosh nga Lidhja e Evropës Facility (CEF). Financimi kombëtar nga tre shtetet baltike do të arrijë totalin në 1.5 miliardë euro, për të cilin Rail Baltica tha se do të mundësonte përparimin e ndërtimit të projektit (detajet më poshtë).

Financimi për zbatimin e aktiviteteve të Rail Baltica brenda çdo vendi nga CEF përfshin rreth 370 milionë euro për aktivitetin në Estoni, 346 milionë euro në Letoni dhe 458 milionë euro në Lituani.

Financimi i miratuar do t’i shtohet financimit ekzistues prej mbi 2.6 miliardë eurosh të siguruar nga CEF dhe tre shtetet baltike.

Puna ndërtimore financimi do të përshpejtohet

Në Estoni, financimi jepet për aktivitetet kryesore të ndërtimit, veçanërisht punimet nënstrukturore për seksione të ndryshme, duke përfshirë seksionet Soodevahe – Kangru, Kangru – Saku, Qarku Harjumaa (përfshirë kryqëzimin/viaduktin e trafikut Lagedi) dhe seksionet Hagudi – Alu. Ndërtimi shtesë i linjës kryesore përfshin seksionin kufitar Saku – Harju/Rapla dhe seksionin Alu – Kärpla. Në total, Estonia do të marrë financim për deri në 55 km të linjës kryesore.

Në Letoni, fokusi është në seksionin kufitar Misa – LV/LT, një prioritet për ndërtimin e linjës kryesore që do të fillojë në muajt e ardhshëm, duke mbuluar rreth 27 km, si dhe zhvendosjen e tubacionit të gazit natyror në seksionin Vangaži-Misa. . Fonde shtesë ndahen për shërbimet e mbikëqyrjes së pjesshme dhe vlerësimet e ndërtimit, si dhe për pikën e lidhjes së tensionit të lartë Iecava dhe objektin e ndërtimit Skulte, të cilat do të shërbejnë si bazë logjistike ndërtimi për seksionin verior të Letonisë të linjës kryesore drejt Estonisë./Media Ndërtimi

Continue Reading

Infrastrukturë

Nis asfaltimi i rrugës “Habib Berisha” në Malishevë

Published

on

Ka nisur asfaltimi i rrugës “Habib Berisha” në Malishevë, në kuadër të realizimit të projektit “Malisheva Urbane”.

Drejtori i Drejtorisë së Urbanizmit në Komunën e Malishevës, Avdi Morina theksoi rëndësinë strategjike të rrugës “Habib Berisha”, duke e cilësuar atë si një nga rrugët më të rëndësishme pas qendrës së qytetit.

“Kjo rrugë shërben si rrugë transite dhe që lidhet me të gjitha rrugicat e lagjes ‘Mirëdita’, përfshi stadiumin e qytetit, duke e bërë një nyje të rëndësishme për qytetin tonë”, u shpreh ai.

Tutje, sipas komunikatës për media nga Komuna e Malishevës, rruga ka një gjatësi prej rreth dy kilometrash dhe përfshin infrastrukturën përcjellëse si shtegun për biçikleta, kanalizimin e ujërave fekale dhe atmosferik, si dhe ndriçimin publik.

Ky projekt, që kap vlerën prej mbi një milion euro, financohet nga buxheti i Komunës së Malishevës, sjellë përmirësime të ndjeshme në infrastrukturën dhe cilësinë e jetës së banorëve të kësaj zone dhe më gjerë./Media Ndërtimi

Continue Reading

Trending