Connect with us

Aktuale

Zyra e Auditorit paguan 10 mijë euro në muaj qira

Published

on

Nga viti 2003 deri tani, Zyra e Auditorit Kombëtar, ka paguar mbi 2 milionë euro qira për shfrytëzimin e objektit në të cilin ndodhet aktualisht.

Sipas Auditorit Kombëtar, Besnik Osmani, për objektin me qira ata paguajnë në muaj 10 mijë euro.

Këtë shqetësim Osmani e ka paraqitur gjatë prezantimit të raportit për vitin 2016 në Komisionin Parlamentar për Buxhet dhe Financa. Anëtarët e Komisionit janë shprehur të shqetësuar për shumën e parave që po i paguan ky institucion që sipas tyre kjo çështje duhet të ngritët edhe në Kuvend në mënyrë që të gjendet një zgjidhje.

Kryetari i Komisionit, Lumri Abdixhiku, ka thënë se kostoja e kësaj qiraje është jashtëzakonisht e madhe, derisa tha se komisioni do të ofronte mbështetje në gjetjen e fondeve për ndërtimin e një objekti të ri.

“Një temë që e kemi diskutuar shpesh është objekti i juaj edhe qiraja. E jashtëzakonshme. Këtu po e shoh që rreth 10 mijë euro për një muaj është pagesa . 31 % e buxhetit me shkua në qira është shumë jashtëzakonisht e madhe. E kam një pyetje a keni bërë ndonjë kërkesë në kryeministri apo diku tjetër për zgjidhje të kësaj problematike. Ne si Komision ju kishim ndihmua për me gjet fonde edhe për ndërtim të ndonjë objekti të ri ”, tha Abdixhiku.

Ndërsa Osmani, ka treguar se këtë shqetësim e ka ngritur si në Qeveri, ashtu edhe në Komunën e Prishtinës, por se nuk ka marrë asnjë përgjigje.

“Unë nga marrja e mandatit çdo muaj i përsëris kërkesat , edhe me shkrim edhe verbale në organe të qeverisë. Edhe pranë kuvendit. I kam drejtuar këto kërkesa edhe pranë Kuvendit Komunal të Prishtinës që të shihen hapësirat e mundshme. …Zyra Kombëtare është themeluar në vitin 2003, nga atëherë është me qira, deri më tani janë paguar më shumë se 2.9 milion euro”, tha Osmani.

Poashtu në mbledhjen e komisionit, ministri i Financave, Bedri Hamza, ka paraqitur opinion për ndikim buxhetor për plotësim ndryshimin e ligjit për presidentin. Sipas tij, plotësim ndryshimi i ligjit nuk paraqet kosto të papërballueshme për buxhetin.

“Projektligji do të ketë kosto shtesë për buxhetin e Kosovë në vlerë prej 66 mijë e 543 euro në periudhën 2018-2020 si dhe kërkesë për tre punëtorë shtesë përkatësisht për vitin 2018-të kostoja shtesë është në vlerë prej 22 mijë euro, për vitin 2019-të kostoja shtesë është në vlerë 22 mijë e 181 dhe për vitin 2020 , kosto shtesë është 22 mijë e 272 euro. Kjo shumë është . Në momentin kur është ndarë ky vlerësim nuk ka qenë pjesë e projeksioneve buxhetore në zyrën e presidentit , mirëpo opinioni i departamentit të buxhetit me datën 24.1.2018-të në kohën kur është lëshuar ky opinion , me datën 3.5 .2017 ligji i buxhetit 2017 ka qenë në fuqi, dhe ka qenë një situatë tjetër buxhetore “, tha Hamza.

Më pas Komisioni për këtë kërkesë i ka rekomanduar komisionit funksional që projektligji për ndryshim dhe plotësim për Presidentin e Kosovës përmban kosto buxhetore të përballueshme për buxhetin.

Pikë tjetër e rendit të ditës të këtij Komisioni ishte paraparë të jetë edhe shqyrtimi i raportit vjetor për KOSTT i cili është shtyrë për mbledhjen e radhës.

Ndërsa i ka proceduar në kryesi propozimin e panelit të Bankës Qendrore të Kosovës kandidatët për guvernator të BQK-së.

Në kryesi janë rekomanduar për zgjedhje prej njërit nga këta kandidatë: Fehmi Mehmeti, Shkëndije Himaj, Besnik Bislimi dhe Safet Merovci.

Në këtë mbledhje është bërë edhe Shqyrtimi i Buxhetit të Komunës së Lipjanit për vitin 2018.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending