Connect with us

Aktuale

Zgjatet mandati i anëtarëve të bordit të AKP-së

Published

on

Komisioni për Buxhet dhe Financa ka shqyrtuar Raportin me rekomandime të Grupit Punues lidhur me Projektligjin për ndryshimin dhe plotësimin e Ligjit për Agjencinë Kosovare të Privatizimit. Me shumicë votash është zgjatur mandati i anëtarëve të AKP-së nga 2 vite sa kanë qenë, në 4 vite prej mandatit të ardhshëm.

Kryetari i komisionit, Lumir Abdixhiku, tha se 12 amandamente që janë propozuar nga Lista Serbe për plotësimin e ligjit të AKP-së janë hequr për shkak se ishin politike.

“Janë gjithësej 18 amandamente që i kemi amandamentuar kurse 12 të Listës Serbe që i ka propozuar i kemi heq sepse kanë qenë më shumë poltike. Ndërkaq zgjatja e mandatit të anëtarëve të bordit të AKP-së ngjalli debat dhe propozime të ndryshme se sa vite duhet të jetë ky mandat. Mirëpo me 5 vota për u votua mandati 4 vjeçar për antarët të cilët do të vijnë në bord të AKP-së, ky mandat skadon menjeherë pas 4 viteve, pa pasur një afat shtesë”, tha Abdixhiku.

Naser Osmani propozoi që antarët e bordit të AKP-së të kenë mandat 3 vjeçar.

“Mendimi im është qe mandati të bëhet 3 vjet me mundësi të rizgjedhjes. Mandati i fituar në Kuvend është i njëjtë është një procedurë”, tha Osmani.

Avni Jasharaj nga AKP-ja, tha se mandati 2 vjeçar ka dalë të jetë i pasuksesshëm.

“Praktika jonë në 8 vitet e kaluara është që mandati 2 vjeçar nuk është i mjaftueshem me e zbatu ligjin e AKP-së. Praktika ka treguar që ndërrimi i shpesht i antarëve ka qenë praktikë jo e mirë”, tha Jasharaj.

Blerim Kuqi tha se mandati i antarëve të AKP-së duhet të jetë 4 vite dhe nuk ka nevojë të ndryshojë nga agjencitë e tjera, raporton Ekonomia Online.

“Po më duket e pakuptimt me qenë 2 vjet sepse edhe nuk është mandat. Pse duhet të ndryshoj AKP-ja prej ndërmarrjeve tjera dhe mos me pas bordet e tyre 3 ose 4 vjet. Kurse 2 vjet janë shumë pak. Unë jam për 4 vjet”, tha Kuqi.

Dardan Molliqaj nga Vetëvendosje, tha se nëse argumenti i vetëm është veç mos ambientimi i antarëve për 2 vite, atëherë ai është kundër.

“Për mua nuk është argument i mjaftueshëm për 2,3 ose 4  antarë nuk munden mu ambientu. Ne nuk duhet me zgjedhë njerëz për me u mësu. Ata duhet me qenë të gatshëm me punu. Për mua argument kish qenë nëse agjencioni kish pas plane afatgjate. Nëse bëhet veç pse antarët nuk munden mu ambientu, unë jam kundër”, tha Molliqaj.

Këshilltari i ministrit të financave, Lulzim Rafuna, tha se mandati do të duhej të ishte 4 vjeçar për shkak të efikasitetit të punës.

“Ne e kemi pas parayshë që agjencioni mos me pushu. Mos me pas vakum të bordit aktual, dmth mos t’i përfundoj mandati deri të zgjedhet i riu, ne kemi mendu që me pas mandatin 4 vjet sepse shumica absolute e kanë 4 vjet”, tha Rafuna.

Safete Hadergjonaj tha se sikur të ishte e mundur do t’i hiqte bordet dhe do të funksiononin pa to.

“Sa herë flasim për këto borde jam në tension. Me pas mundësi i kisha hjek krejt bordet dhe i kisha lan me funksionu vetëm në bazë të kryeshefave. Ndoshta janë rregulla ndërkombëtare, bile është mirë me hulumtu a ka mundësi me i hjek këto borde krejt. Unë e përkrahi mendimin e Naser Osmanit”, tha Hadergjonaj.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending