Aktuale
Studio e Renzo Pianos harton “ishullin imagjinar” me 102 projekte të arkitektit

Akademia Mbretërore e Arteve në Londër ka shfaqur dizajnin e një ishulli tërësisht të populluar me ndërtesa, të dizajnuara nga arkitekti italian Renzo Piano.
“Art of Making Buildings” nga Renzo Piano, sjellë një retrospektivë së bashku me 102 projektet e tij të 50 viteve të fundit dhe aktualisht po shfaqet në akademi të Londrës, shkruan Dezeen, transmeton Ndërtimi.info.
Punëtoria e Ndërtimit të Renzo Pianos e projektuar dhe e ndërtuar në një periudhë prej dy vitesh përfshinë 88 projekte të përfunduara të Piano, së bashku me 14 që janë aktualisht në ndërtim e sipër.
Arkitekti italian është shprehur tejet i lumtur që ka arritur të krijojë këtë ekspozitë dhe ta paraqesë atë para publikut.
“Nga vrojtimi o ta kuptoni se të gjitha këto ndërtesa janë publike, sepse unë thjesht i dua ndërtesat publike, ndërtesat publike janë për njerëzit, për t’i mbledhur ata, për të qëndruar së bashku. Ideja më e e çmendur është se arkitektët mund ta ndryshojnë botën. Është e çmendur, sepse arkitektura nuk ndryshon botën, bota ndryshon vetvetiu, por arkitektura i feston këto ndryshime dhe i jep atyre formë”, është shprehur Piano në një prononcim për Dezeen.
Ndërtesa të tilla si “The Shard”, “Gjykata e Parisit” dhe “Muzeu i Arteve Amerikane-Whitney” në ishull organizohen në formën e një metropoli imagjinar, të kompletuar me rrugë, male dhe pemë.
Shumë prej tyre janë të pozicionuara përgjatë një rrugë qendrore që përfshin gjatësinë e plotë të ishullit, nga veriu në jug. Në fundin jugor është Kansai International Airport Terminal, deri tani projekti më i madh në hartë, i cili u ndërtua në Osaka në vitin 1994.
Ndërtesa të tjera të pozicionuara përgjatë rrugës së ishullit përfshijnë “Qendrën e Dizajnit të Mercedes-Benz”, zyrat e “B & B Italia” dhe “Akademia e Akullnajave” e cila është akoma e pakompletuar.
Rikujtojmë se Renzo Piano do të rikonstruktojë urën e Genoas e cila u shemb muaj më parë, e ky projekt për arkitektin nuk po rezulton fare i lehtë.
