Connect with us

Aktuale

Sistemi Vakum i Fshesave Qendrore GDA – sistemi më i sofistikuar në Kosovë

Published

on

Trendet botërore të teknologjisë dhe rekuizitave për shtëpi kanë ardhur edhe në Kosovë. E fundit me teknologjinë më të re është një super pajisje – GENERAL D’ASPIRAZIONE(GDA), që në Kosovë e përfaqëson kompania “GERO System – Sistemi Vakum i Fshesave Qendrore GDA”.

GDA është një sistem qendror i fshesës me vakum, i ngjashëm me sistemin elektrik dhe ujësjellësin, por me funksionin e vetëm për të thithur, pastruar dhe për ta bërë tërësisht të pastër mjedisin rrethues.

Brenda botës suaj, qoftë profesionale ose pranë familjes në shtëpinë tuaj, le të pulsojë zemra e GENERAL D’ASPIRAZIONE. Ky është një sistem qendror me vakum inovativ për praninë e njëkohshme të karakteristikave me fuqinë thithëse, efikasitetin dhe kursimeve.

Kjo fshesë qendrore ka strukturë të centralizuar, ku njësia lidhet me rrjetin e prizave të ndryshme dhe forcës së saj thithëse, duke ju lejuar që të kontrolloni pastërtinë dhe rrjedhimisht shëndetin në çdo ambient të shtëpisë, zyrës apo objekteve tjera të shfrytëzueshme.

Kontakto kompaninë duke klikuar KËTU

Fshesa Qendrore GDA montohet në formën që njësia kryesore vendoset në një dhomë teknike apo të shërbimit dhe lidhet me gypat PVC të cilët janë të shpërndarë brenda banesës, shtëpisë apo zyrës suaj. Secili prej gypave që shtrihet në ambientet e brendshme ka një dalje në formë prize. Gypi fleksibël futet në prizë dhe gjithçka e papastër merr fund.

Pluhuri, grimcat më të mëdha të pluhurit, bakteret dhe të tjera papastërti nëpërmes gypave shkojnë dhe depozitohen në një enë të veçantë te njësia qendrore. Depozitimi tyre bëhet në një kontejner të veçantë. Sikur kontejneri, ashtu edhe filteri i certifikuar me poliestre duhet të lahen sipas dispozitave që e përcaktojnë larjen, pasi roli i tyre është edhe në largimin e ajrit të filtruar në pjesë e jashtme, duke parandaluar grimcat e vogla të futen në mjedis.

Aty ku jeton dhe punon gjithçka ka rëndësi. Mirëpo rëndësia më e madhe është tek frymarrja dhe nëse nuk kujdeseni për të, atëherë jo gjithçka ka kuptim. Me Sistemin Vakum të Fshesave Qëndrore GDA, në mjedisin tuaj nuk do të ketë vend për mikropluhurin, merimangat e pluhurit dhe bakteret. Ato filtrohen dhe ikin jashtë, duke ju lënë të jetoni shëndetshëm dhe pastër.

Dhe mos të harroni pasi ky sistem i fshesave qendrore, as nuk dëgjohet dhe as nuk shihet, atij vetëm i ndjehet rezultati, kur çdo dhomë është e PASTËR.

*Artikull i sponzorizuar

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending