Aktuale
Shteti i kërkon 153 familjeve të lirojnë shtëpitë e të dalin në rrugë
Të shokuar kanë mbetur banorët e një lagjeje në Shkozë, kur në mëngjes herët punonjës të Inspektoratit Kombëtar të Mbrojtjes së Territorit u kanë trokitur në derë për t’ju thënë se shtëpitë e tyre do të shemben.
Banoret që rrezikohen nga shembja e shtëpive gjatë paradites janë ulur në rrugë bashkë me fëmijët, duke bllokuar edhe qarkullimin.
Disa prej tyre thanë se nuk janë kundër investimeve në infrastrukture, por duke mos pasur një strehë alternative, kanë kërkuar dëmshpërblim.
Tronditjen nuk e kanë fshehur as fëmijët, teksa në momentin kur janë kthyer nga shkolla kanë parë nënat e tyre në mes të rrugës. Mes protestuesve kishte dhe banore që po i hiqnin vete orenditë e shtëpisë. Edhe pse nuk kanë ku të shkojnë, ata thanë se po përpiqen të shpëtojnë atë pak pasuri nga shembja. Protesta e banorëve të Shkozës bllokoi mbi dy orë qarkullimin në rrugë. Edhe linjat e transportit urban u pezulluan nga qendra në drejtim të Shkozës.
Pas disa orësh proteste, policia ka ndërhyrë me forcë për të shpërndarë protestuesit. Banorët kërkuan të takohen me kryebashkiakun Erjon Veliaj dhe deputeten e zonës, Elona Gjebrea e Saimir Tahirin si kryetar i Partisë Socialiste për Tiranën, të cilët sipas tyre i kanë premtuar para zgjedhjeve dëmshpërblim të plotë me një VKM të posaçme. Një skenë prekëse, ku një fëmijë qante me të madhe dhe lutej për nënën e tij, kur policia po e merrte në makinë tronditi opinionin publik. Sipas banorëve, policia shoqëroi në komisariat 16 persona, të cilët i mbajti për afro 5 orë të izoluar.
Rrëfimet
Jo pak por 153 familje, sipas një projekti në letër të Autoritetit Rrugor Shqiptar dhe Ministrisë së Transporteve duhet t’i “qajnë” banesat e tyre. Të mbledhur rishtas në urën e Shkozës, banorët kanë qëndruar deri në orët e vona, ndërsa tensionet dhe përplasja me policinë nuk ka munguar. Dy kryefamiljarë të rinj në moshë, teksa flasin për “Shekulli”-n, zëdredhur dhe të pafuqishëm, shpjegojnësituatën. “Dilni nga shtëpia se do t’i shembim për 24 orë. Këtë fjali na e kanë thënë pa lëshuar asnjë paralajmërim apo shkresë zyrtare. Janë 153 familje dhe shtëpi. Një pjesë e mirë e banesave janë ndërtuar para vitit 1990 dhe kanë leje, ndërsa të tjerat kanë të paktën 20 vjet që funksionojnë si banesa. Janë të gjitha në proces legalizimi”, thonë Genti, 35 vjeç dhe Emiljano, 34 vjeç. Të dy janë kryefamiljarë me fëmijë të vegjël, teksa ky i fundit është bërë prind vetëm 6 muaj më parë. Ata shpjegojnë se banesat kanë qenë deri dje në proces legalizimi, por mesa duket ky ka qenë premtim i zgjatur elektoral nga ana e qeverisë, që në vitin 2014.
“Muajin e fundit kanë sjellë shkresa sikur ka kthyer përgjigje ALUIZNI për refuzim të legalizimit. E ka kthyer përgjigjen sikur është çuar shkresa në21 nëntor të 2014-s; është kthyer mbrapsht për adresë të pamjaftueshme, dhe sot me të njëjtën adresë i kanë gjetur shtëpitë. Nuk ka asnjë letër për kompensim a shpronësim”, shprehet Genti, madje duke mos e fshehur shqetësimin për veten dhe familjen e tij me 9 anëtarë të tjerë. Ndërkohë përfaqësues të Agjencisë Rajonale te Rrugëve nuk kanë dhënë asnjë sqarim në lidhje me këtë projekt, i cili duket se do të kalojë nga njëra derë në tjetrën, vetëm e vetëm që kryetari i Bashkisë, kreu i qeverisë apo edhe ministri i Transporteve të heqin përgjegjësinë për tronditjen që kanë përçuar te 600 banorë të zonës pranë urës së Shkozës.
Denoncimi
Dje në mbrëmje, deputetja e PD-së për Tiranën, GridaDuma ka shkuar pranë banorëve dhe ka dëgjuar shqetësimet e tyre.Një prej qytetarëve ka denoncuar një situatë të trishtë. Ajo thotë se bashkë me 15 protestuesit e shoqëruar nga policia, ndodhet edhe një fëmijë 12-vjeçar.“Një fëmijë 12 vjeç është tani në komisariat. Aty tani, në rajonin në 1 janë 16 veta, që kërkojnë pronën e tyre. Ai fëmijë është traumatizuar. Ka mbi 4 orë që rri aty”, tha qytetarja.“Tani do shkojmë direkt atje”, reagoi Duma.“Ku të mbytemi?”, thotë një qytetar.“Po shteti po me nxjerr jashtë, jam me fëmijë, me pleq në shtëpi. Edhe vëllai me familjen jeton pranë nesh. Ku të shkojmë”, vijoi ai.
Reagimi
Akti në Shkozë, qeveria tregon fytyrën e vërtetë
Partia ZGJIDHJA e drejtuar nga KoçoKokëdhima ka reaguar ndaj dhunës së ushtruar nga policia ndaj banorëve të Shkozës, duke theksuar se kjo sjellje tregon fytyrën e vërtetë të kësaj qeverie.Në deklaratën për media ZGJIDHJA thekson se janë tronditëse klithmat e të miturit që kërkonte ndihmë, ndërsa policia i tërhiqte zvarrë nënën pse protestonte kundër prishjes së shtëpisë.“Dhuna e qeverisë së Edi Ramës që kërkon ta zgjidhë me kërbaç ndaj popullit çdo punë publike, është krim shtetëror dhe e paimagjinueshme për një shtet demokratik, ku individët kanë të drejta të patjetërsueshme kushtetuese”, thuhet në deklaratë.
Deklarata e plotë
Sjellja ndaj banorëve të Shkozës tregon fytyrën e vërtetë të kësaj qeverie!Klithmat e të miturit që kërkonte ndihmë, ndërsa policia i tërhiqte zvarrë nënën pse protestonte kundër prishjes së shtëpisë në Shkozë janë tronditëse. Dhuna e qeverisë së Edi Ramës që kërkon ta zgjidhë me kërbaç ndaj popullit çdo punë publike, është krim shtetëror dhe e paimagjinueshme për një shtet demokratik, ku individët kanë të drejta të patjetërsueshme kushtetuese. Ata qindra banorë të Shkozës, që sot bllokuan rrugën në shenjë proteste ndaj qeverisë që kërkon t’u prishë shtëpitë, pa i dëmshpërblyer, janë në të drejtën e tyre.Pronat e tyre që preken nga projekti i rehabilitimit të lumit Lana nuk duhet të të prishen as me dhunën e policisë dhe as me fadroma, siç ka bërë ky kryeministër katër vitet e shkuara në mbarë vendin. Drejtues të lartë të Rilindjes i mashtruan këta fatkeqë, duke u premtuar gjatë fushatës se nëse u jepnin votat, do të nxirrnin një VKM të posaçme për pronat e tyre. Tani që u kanë marrë votat, në vend të VKM-së, nxorën policinë dhe fadromat dhe po u marrin edhe shtëpitë.ZGJIDHJA distancohet prerazi nga veprimet e këtij kryeministri. Ajo është me banorët e Shkozës në këto momente të vështira të jetës së tyre. Qeveria vetëm duhet t’i legalizojë dhe t’i dëmshpërblejë me çmimin e tregut pavarësisht ku dhe kur kanë ndërtuar, në buzë të detit apo të lumit, në Sheshin “Skënderbej” apo në periferi të Tiranës. Punët publike nuk duhet të kthehen në fatkeqësi për dhjetëra familje, që i ndërtuan shtëpitë me nxitjen dhe tolerimin e qeverive përkundrejt votave në zgjedhje. Ka vetëm një rrugë për çdo ndërtim ende të palegalizuar dhe që duhet prishur për nevoja publike: legalizim dhe dëmshpërblim sipas çmimeve të tregut për çdo centimetër truall. Jo vetëm që banorët e Shkozës duhet të dëmshpërblehen me çmime tregu, por ata duhet të përfitojnë edhe dy vite qera deri sa të kenë blerë shtëpinë e re ose të kenë ngritur biznesin në një vend tjetër.Rama ka bindjen se sa më shumë dhunë e mjerim, vështirësi e vuajtje të bien mbi popullin, aq më i gjatë e i sigurt do të jetë sundimi i tij! Është një politikë çnjerëzore dhe e pashpirt. Sjellja ndaj banorëve të Shkozës tregon fytyrën e vërtetë të kësaj qeverie!
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
