Connect with us

Aktuale

RREZIKU vazhdon, sanimi i tunelit në Mitrovicë zvarritet në prokurim

Published

on

Në mars të këtij viti u planifikua që të bëhet sanimi i tunelit në rrugën Çabër-Mitrovicë për të cilin tender u dhanë mbi 400 mijë euro (404.841,88). Por mos respektimi i neneve të Ligjit të Prokurimit Publik (LPP) me, apo pa vetëdije që u bënë në dhënien e kontratës për tenderin e sanimit të këtij tuneli, janë bërë shkaktar që për më shumë se pesë muaj të mos përfundojnë procedurat e prokurimit publik.

E për këtë, tani për të dytën herë Organi Shqyrtues i Prokurimit Publik (OShP) ka anuluar dhënien e kontratës për tenderin e sanimit të tunelit në rrugën Çabër-Mitrovicë dhe se lënda për këtë aktivitet të prokurimit duhet të kthehet në Rivlerësim.

Kontratë kjo e dhënë operatorit ekonomik N.N.P “Shkoza FO7”, shkruan Ndërtimi.info

Nëse krahasojmë kompanitë,në platformën ProkurimiHapur, nga ajo që është ankuar dhe ajo që ka fituar e tashmë i është anuluar tenderi, del se kompania “Shkoza FO7” ka marrë dy projete për asfaltim rrugësh dhe një kontratë kornizë për mirëmbajtje të rrugëve në komunën e Malishevës. Për këto projekte po flasim të viti 2017, ka marrë pra 3 kontrata me vlerë 342,323.50 euro.

Ndërsa kompania “Eskavatori” vetëm në vitin 2017 ka gjeneruar 15 kontrata me vlerë mbi 2.4 milionë euro. Shumica e këtyre projekteve janë me ndërtim të rrugëve, objekteve apo edhe asfaltim.

Ky vendim i OShP-së erdhi pas shqyrtimit të ankesave të operatorëve ekonomik  “K-ING” Sh.P.K dhe “Eskavatori” Sh.P.K që ishin ankuar me pretendimet se Ministria e Infrastrukturës kompaninë fituese e kishte zgjedhur duke mos marrë parasysh nenin 7, 59 dhe 72 të Ligjit të Prokurimit Publik (LPP).

Se është shkel neni 59 nga Ministria e infrastrukturës, nen ky që ka të bëjë me ekzaminimin, vlerësimin dhe krahasimin e tenderëve e ka konstatuar edhe paneli shqyrtues i OShP-së.

“Paneli shqyrtues pas shqyrtimit të shkresave të lëndës, shqyrtimit të pretendimeve ankimore të OE ankues, konstatimeve, analizës konkretet dhe rekomandimeve të ekspertit shqyrtues, deklarimit të palëve në procedurë, diskutimeve dhe shoshitjes së provave në tërësi gjatë seancës për shqyrtim kryesor, konstaton se është i qëndrueshëm pretendimi i ankuesit kur ai pretendon se është shkelur neni 59, Ekzaminimi, vlerësimi dhe krahasimi i tenderëve”, thuhet në vendimin e OShP-së.

Po ashtu është konstatuar se nuk është respektuar as nenin 72 i LPP-së.

“Dhe nenin 72, dokumentacioni dhe informacioni shtesë në lidhje me certifikatën ISO 32001”2012, pasi që AK ka kërkuar sqarime tek OE që të ofrohet ky dokument dhe pas pranimit të dokumentit shihet që certifikata ISO 39001:2012, është noterizuar, mirëpo data e noterizimit është 05.07.2018 si dhe data e lëshimit është 02.07.2018. Kurse, sipas RrUOPP neni 39 pika 39.3 duhet që në mënyrë objektive duhet të prezantohen se kanë ekzistuar para afatit të fundit të dorëzimit të tenderit, po ashtu dhe neni 72 paragrafi 2dhe 3 i LPP-së sqaron se një veprim i këtillë është në kundërshtim me këtë nen, për faktin se autoriteti kontraktues mund të ftojë operatorët ekonomik për të plotësuar apo të qartësojë certifikatat dhe dokumentet e paraqitura në pajtim me nenet 65-71 të këtij ligji Sigurimi i informacionit që mungon ose ofrimi i informacionit do të aplikohet vetëm për dokumentet, ekzistenca e të cilave është fiksuar para skadimit të afatit për dorëzimin e tenderëve dhe mund të verifikohet në mënyrë objektive”, thuhet në sqarimin e panelit shqyrtues përcjellë Ndërtimi.info

Dhe si përfundim i kësaj paneli shqyrtues ka konstatuar se për aktivitetin e prokurimit në fjalë autoriteti kontraktues, në këtë rast Ministria e Infrastrukturës ka vepruar në kundërshtim me nenin 59 të LPP-së për faktin se ekzaminimi, vlerësimi dhe krahasimi i ofertave nuk është bërë në pajtim me nenin e cekur më lart.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending