Connect with us

Aktuale

Rrënohen disa mure në fshatin Rahovicë të Ferizajt për zgjerimin e rrugëve

Published

on

Komuna e Ferizajt ka angazhuar sot disa eskavatorë për rrënimin e mureve në afërsi të shkollës së fshatit Rahovicë për të krijuar rrugë më të gjera për qarkullim.

Me këtë rast u rrënuan muret e familjeve Sylejmani dhe Maliqi të cilat është konstatuar se e ngushtojnë këtë rrugë, shkruan InfoKomuna.

Kryetari Svarqa me këtë rast deklaroi se asfaltimet e reja nuk do të mund të realizohen me standardet e kërkuara në këtë hapësirë andaj është arritur pajtim me këto familje për zgjerimet e nevojshme.

“Sot jemi në fshatin Rahovicë ku po bëjmë rrënimin e disa mureve të cilat janë bërë pengesë për realizimin e disa investimeve publike. Në të dy anët e kësaj rruge po shihet se është krijuar një pjesë e ngushtë në këtë segment të rrugës që lidh fshatin Rahovicë dhe fshatin Mirash në afërsi të shkollës këtu që konsiderohet qendra e fshatit”.

“Në këtë mënyrë ne po i hapim rrugë edhe asfaltimit të rrugëve në këtë pjesë që do të jenë në shërbim të këtyre banorëve, por edhe të gjithë atyre që e shfrytëzojnë këtë rrugë si qajse më të shkurtër për në autorstradë në drejtim të Babushit dhe në pjesën tjetër në drejtim të Gjilanit përmes fshatit Mirosalë”, ka thënë kryetari Svarqa duke përcjellë punimet në fshatin Rahovicë.

Ndërkaq banorët e këtij fshati e mirëpritën angazhimin e komunës për t’ua përmirësuar qarkullimin në fshatin e tyre.

Pohuan se pa hezitim kanë liruar pronat për krijimin e rrugëve më të gjera.

“Ne si familje jemi dakord që gjithçka që kërkohet për realizimin e këtij projekti të pajtohemi e shpresojmë që edhe banorët e tjerë do ta kenë një mirëkuptim të tillë. Me të vërtetë ka qenë një ngushticë këtu dhe tani e tutje fëmijët tanë do ta kenë më të lehtë qarkullimin” tha Ekrem Sylejmani banor i fshatit Rahovicë.

Udhëheqja komunale e Ferizajt është zotuar se në të gjitha pjesët ku konsiderohet se pronat paraqesin pengesa apo janë të uzurpuara do të punohet që të lirohen në mënyrën më të mirë. Kësisoj projektet do të realizohen me standardet moderne e të qëndrueshme./Ndertimi.info/

Aktuale

Rritet çmimi i faturës së mbeturinave nga 4.70 euro në 6.20 euro

Published

on

Çmimi i faturave të mbeturinave do të rritet nga 4.70 euro në 6 euro e 20 cent. Kjo pasi Kuvendi Komunal i Prishtinës votoi rregulloren e re.

Kryeshefi i kompanisë Pastrimi, Petrit Reçica tha për Radio Kosovën se kjo nuk është ndonjë rritje e madhe pasi që kompania ka shpenzime të mëdha. Ndërkohë që Radio Kosova merr vesh se faturat do të rriten nga janari  2024.

Kuvendi Komunal i Prishtinës ka miratuar të enjten rregulloren e re për menaxhimin e mbeturinave, e cila parasheh ndryshime në fatura të mbeturinave. Kryeshefi i ndërmarrjes “Pastrimi”, Petrit Rreçica, tha për Radio Kosovën se në rregulloren e re përfshihet edhe rritja e çmimit të faturave nga 4.70 cent në 6.20 cent.

“Në mesin e ndryshimeve në rregullore të re përfshihet edhe ndryshimi i çmimit të tarifës për shërbime të qytetarëve. Nuk është ndonjë rritje e madhe nga 4.70 euro është diku 6.20 cent”, tha ai.

Reçica, tha se si kompani e kanë mirëpritur këtë rritje për shkak të shpenzimeve jashtëzakonisht të mëdha, siç thotë ai të kompanisë. Ai shtoi se këto çmime do të ndikojnë në sigurim të makinave të reja dhe shërbime sa më cilësore për qytetarët.

“Kemi shpenzime jashtëzakonisht të mëdha duke përfshirë derivatet, pjesëve, mirëmbajtjes së kamionëve dhe duke shtuar faktin se ka ndryshime edhe të çmimeve kanë prekur edhe operimin tonë çdo ditë. Ne si kompani kemi shpenzime jashtëzakonisht të mëdha edhe në deponi, ku ne kemi një vendim të qeverisë i cili rritë me automatizëm çdo 1 janar të vitit për një euro në ton. Prandaj kjo rritje e faturave do të ndikojë sadopak që si kompani të arrijmë të sigurojmë makineri të reja dhe të ofrojmë shërbim sa më cilësor edhe për qytetarët”, shtoi ai.

Reçica, nuk bëri të ditur se prej cilës datë do të zbatohet rritja, mirëpo Radio Kosova merr vesh se kjo do të ndodhë në janar 2024./Media Ndërtimi

Continue Reading

Aktuale

Tregu i Fundvitit në Prishtinë, bizneset do të përzgjidhen me short

Published

on

Komuna e Prishtinës ka thënë se për arsye të numrit të lartë të bizneseve të cilat i kanë përmbushur kriteret e thirrjes publike për Tregun e Fundvitit dhe numrit të kufizuar të shtëpizave, është vendosur që përzgjedhja të bëhet përmes procedurës së shortit.

Ata kanë ftuar të gjitha bizneset të cilat i kanë plotësuar kriteret dhe emrat i gjejnë në listën që sot në ora 10:00 në sallën e Kuvendit Komunal të jenë të pranishëm në zhvillimin e procedurës së përzgjedhjes me short.

Tutje është thënë se bizneset të cilat nuk i kanë përmbushur kriteret, rrjedhimisht nuk janë ftuar në procesin e shortit, kanë të drejtë ankese tri ditë.

Ankesa u tha se duhet të drejtohet në Komisionin për Ankesa dhe Parashtresa./Media Ndërtimi

Continue Reading

Aktuale

Targat KM gati po zhduken nga veriu i Kosovës

Published

on

Targat me shkurtesën KM (Mitrovicë e Kosovës) dikur përbënin shumicën e targave të automjeteve që qarkullonin në veriun e Kosovës të banuar me shumicë serbe. Mirëpo, vetëm gjatë javëve të fundit, mijëra serbë të Kosovës i kanë konvertuar ato në targa RKS, nën frikën se do t’iu ndalohet qarkullimi.

https://www.evropaelire.org/a/veriu-pa-targat-km-/32708694.html

Continue Reading

Trending