Connect with us

Featured

Përfitimet e Kosovës nga autostrada Nish-Prishtinë-Durrës, sipas Lekajt

Published

on

Në vitin 2018 Serbia do të fillojë ndërtimin e autostradës nga Nishi në drejtim të Prishtinës, që ndryshe njihet si “Autostrada e Paqes” (Nish-Prishtinë-Durrës).

Kështu ka deklaruar zëvendëskryeministrja serbe, njëkohësisht edhe ministre e Ndërtimit, Transportit dhe Infrastrukturës, Zorana Mihajloviç.

Hapja e kësaj autostrade konsiderohet investim me prioritet të lartë, pasi identifikohet si drejtim rrugor rajonal nr. 7 në Rrjetin Kryesor të Transportit të Evropës Jug-Lindore që do të lidh Detin Adriatik- Shqipërinë Veriore, Prizrenin, Prishtinën, Merdaren deri në Nish (Serbi) me Korridorin X të TEN-it (Transport Europian Netëork).

Ministri i Infrastrukturës, Pal Lekaj në një prononcim për Indeksonline ka thënë se kjo autostradë do i mundësojë Kosovës qasje të shpejtë në korridoret kryesore rajonale dhe evropiane.

“Kosova përmes këtij korridori do të këtë qasje të shpejtë në korridoret kryesore të Rajonit dhe lidhje me korridoret Evropiane. Pas lëshimit në qarkullim të segmenteve të Autostradës R7, Morinë – Gjurgjicë (lidhja me N9) – Bresje – Besi, Ministria e Infrastrukturës në bashkëpunim me ËBIF-in, EBRD dhe EIB-në, ka përfunduar Plotësimin e Studimit të Fizibilitetit dhe Ndikimit për segmentin Besi – Merdare (Kufiri me Serbinë) në gjatësi prej 28 Km”, tha Lekaj.

Lekaj sqaroi se në vitin 2017 janë definuar Termat e Referencës dhe është përzgjedhur Kompania Konsulente.

“Gjatë këtij viti janë definuar Termat e References dhe është përzgjedhur Kompania Konsulente për hartimin e Projektit Preleminar nga Besi – Merdare, i cili financohet nga ËBIF. Kompania Konsulente ka përgatitur dhe prezantuar Raportin Preliminar të projektit për segmentin e Autostradës Besi – Merdare si dhe janë duke vazhduar aktivitetet në terren”, shtoi ministri Lekaj.

Projekti preliminar pritet që të përfundojë në dhjetor të vitit 2018, pas përfundimit të projektit do të vazhdohet me definimin e hapave të mëtejmë të financimit të këtij projekti i cili ka një kosto të përafërt prej 168 milion eurove.

Featured

Kompanitë kosovare ftohen të respektojnë Ligjin gjerman të furnizimit

Published

on

Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.

Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.

Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.

Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.

Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.

Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e  mesme pritet të paraqesë më shumë sfida.

Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.

Continue Reading

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Trending