Aktuale
Pas 10 viteve, nënshkruhet kontrata e fazës së fundit për ndërtimin e Palestrës në Rahovec

Ndërtimi i Palestrës Sportive në Rahovec nisi në vitin 2008, e kështu për 10 vite u zvarrit që kjo palestër të merr formë.
Tek sot, i pari i Komunës së Rahovecit Smajl Latifi në prani të drejtorëve të drejtorisë në Qeverinë Komunale dhe përfaqësuesve të firmës e cila ka fituar tenderin për fazën e fundit për ndërtimin e Palestrës së Sportive në qytetin e Rahovecit ka nënshkruan kontratën për fazën e fundit për ndërtimin e Palestrës së Sportit në qytetin e Rahovecit, me vlerë 628 mijë e 545 28 euro.
Para nënshkrimit ë kontratës, Latifi ka thënë se punimet për ndërtimin e Palestrës në Rahovec kane filluar ne vitin 2008, që nga atëherë kane kaluar 10 vite dhe ende nuk është përfunduar.
Ndërtimi i Palestrës në Rahovec është projektuar dhe financuar nga Ministria e Kulturës, Rinise dhe Sportit.
Megjithatë Latifi në këtë takim ka thënë se gjatë ndërtimit të kësaj palestre janë ndërruar ministritë e qeveritë, por që asnjëra nuk i kishte dhënë epilogun që ndërtimi i palestrës të përfundojë, ani pse sipas Latifit presioni ndaj qeverisë qendrore nuk kishte munguar.
“Gjate ndërtimit të kësaj palestre janë ndërruar shume ministra e qeveri, mirëpo epilogun nuk ia dhanë asnjë ministër dhe asnjë qeveri. Presioni ndaj qeverise qendrore nga ana e Komunës së Rahovecit gjate mandatit tim të parë nuk ka munguar, por asnjëherë s’kam gjetur përkrahje nga ish qeveritë. Punimet në këtë palestër kanë shkuar me ritëm të ngadalte dhe me neglizhence. Kur unë mora besimin nga qytetaret e Rahovecit për këtë mandat, mandatin e dyte si kryetar komune, nder premtimet i mia ka qene që palestra të përfundohet sa me shpejte dhe klubi i basketbollit të Rahovecit, i cili luan ne Super Lige, t’i zhvilloje garat në këtë palestër. Gjithnjë kam llogaritur edhe në përkrahjen e kryeministrit Ramush Haradinaj dhe ministrit Kujtim Gashi, me të cilin se fundmi kam lidhur marrëveshje apo memorandum bashkëpunimi, që procedurat e tenderimit për ndërtimin e palestrës për fazën e fundit t’i zhvilloje Komuna e Rahovecit dhe se financimin ta beje Ministria e Kulturës, Rinise dhe Sportit”, ka thënë ai.
Latifi ka kërkuar nga operatori ekonomik që punimet të kryhen sipas dinamikës së përcaktuar të punës.
“ani kur jemi tek lidhja e kontratës me operatorin ekonomik per t’i kryer punimet përfundimtare, kërkoj nga operatori që këto punime te kryhen sipas dinamikes së përcaktuar të punës dhe klubi i basketbollit Rahoveci në sezonin e ri t’i filloje garat në këtë palestër”, është shprehur Latifi
