Aktuale
Muzeu Guggenheim i Frank Gehry senzacion global, edhe pas 20 vitesh

Lista e projekteve të arkitektit amerikano-kanadez Frank Gehry është tejet e gjatë, por nga ajo gjithmonë është veçuar muzeu “Guggenheim” në Bilbao, i cili në këtë muaj mbush 20 vjet të krijimit, duke u shndërruar në një projekt ikonik që shumë qytete të mëdha do të donin ta kopjonin.
Gehry ringjalli besimin se arkitektura mund të jetë ambicioze, e bukur dhe e famshme ndërkombëtarisht në të njëjtën kohë, edhe pse suksesi e kishte zënë arkitektin në befasi.
Arritja e këtij objekti u mat në numrin e vizitorëve, rritjen ekonomike dhe mbulimin enorm mediatik. I shndërruar në senzacion në rrjetin social “Instagram”, projekti arriti të bëhej i famshëm ndonëse disa nuk e dinin se kush e kishte krijuar apo çfarë saktësisht ishte, shrkuan “The Guardian”, transmeton Ndërtimi.info.
“Hipa mbi një kodër dhe pashë një shkëlqim atje poshtë dhe mendova; çfarë dreqi i kam bërë këtyre njerëzve?” ishte shprehur arkitekti kohë pas ndërtimit të këtij objekti madhështorë.
Muzeu ishte hapur 20 vite më parë nga Mreti dhe Mbretëresha e Spanjës dhe prej asaj kohe është shndërruar në ndërtesën me impaktin më të madh të kohëve moderne. Vendi në Bilbao është bazuar në efektin e fenomeneve të tilla ku investimet kulturore dhe arkitektura supozohet të barazojnë ngritjen ekonomike për qytetet të cilat nuk janë shumë të njohura me objekte gjigante të tilla.
Gehry konsiderohet si babai i arkitekturës, krijues i një sërë ndërtesave në tërë botën. Rrallë ndonjëherë ka pasur një numër aq të madh të projekteve origjinale si në rastin e tij. Kjo për shkak se ai erdhi në një kohë të rastësive të kushteve e rrethanave në vend, e një gjë e tillë vështirë se mund të ndodhë përsëri.
Drejtori i muzeut Juan Ignacio Vidarte njëherësh edhe figurë kyçe për kontriibutin në këtë ndërtesë në vitin 1990, thotë se “ky ishte një projekt transformues”, një katalizator i planit për ta kthyer vendin në një qytet industrial, pas goditjes nga terrorizmi separatist. Ishte një “ nxitës i renovimit ekonomik”. Një “agjent i zhvillimit ekonomik që do të krijonte një imazh pozitiv dhe do të rriste vetëbesimin e qytetit”.
Puna e tij i është shpërblyer me një milion vizitorë brenda vitit dhe rreth 20 milion për pothuajse 20 vite që nga krijimi.
Gehry, i cili mundi dy arkitektë të tjerë në konkursin për të projektuar muzeun “Guggenheim”, kujton se atij iu kërkua të krijonte atë që atëherë nuk njihej si ikonë.
Ai kujton edhe kohën kur ishte angazhuar për Shtëpinë e Operës në Sydney gjatë asaj kohe ai ishte nervoz.
Ata më thanë: “Z. Gehry, kemi nevojë për Shtëpinë e Operës së Sidneit. Qyteti jonë është duke vdekur”. Unë i shikoja ata dhe thashë: “ Ku është dalja më e afërt? Unë do të bëj më të mirën time, por nuk mund të garantoj asgjë “ishte shprehur arkitekti asokohe.
Kjo në tërësi nuk ishte ide e re – Sidni, me të vërtetë, kishte demonstruar vlerën e pikëpamjes transformuese, siç e kishte Parisi me Qendrën Pompidou. Frankfurti, Glasgosi dhe Pitsburgu ishin përpjekur të ngrinin veten kulturalisht nëpërmjet ndërtimit të muzeut.
Ajo që veçoi Bilbaon ishte shkalla e kontrastit midis statusit të ulët të qytetit dhe ambicies artistike dhe arkitekturore që ishte propozuar.
Gehri, i lindur në Kanadë, tani 88 vjeçarë, qysh në moshën 60 vjeçare kishte një reputacion të lartë në botën arkitekturore për reinterpretimet e tij imagjinare të strukturave të përditshme të shtëpisë së tij në Los Anxhelos.
Famën e mori më vonë, ndonëse njihej për lirinë e formave të tij, publiku nuk i njohu format komplekse e shumëfunksionale, si në rastin e objektit bilbao./Ndërtimi.info/
