Featured
Merret vendimi i madh për “Autostradën e Gjilanit” [dokument]
Gjykata e Tenderëve ka hedhur poshtë 12 ankesat e operatorëve ekonomik për ndërtimin e Autostradës Prishtinë-Gjilan dhe hapet rruga për punë, shkruan Ndërtimi.info
Pas shqyrtimit të ankesave të operatorëve ekonomik, paneli shqyrtues vie në përfundim se Autoriteti Kontraktues, në këtë rast Ministria e Infrastrukturës me rastin e rivlerësimit të ofertave ka vepruar duke pasur në konsideratë nenin 1 të Ligjit të Prokurimit. I cili nen parasheh që të sigurohet mënyra më efikase, më transparente dhe më e drejtë për shfrytëzimin e fondeve publike, burimeve publike si dhe të gjitha fondeve dhe burime të tjera, raporton Ndërtimi.info.
Në vendimin e Organit Shqyrtues të Prokurimit (OSHP)-së, gjithashtu thuhet se paneli shqyrtues ka konstatuar se Ministria e Infrastrukturës ka shpallë fitues ofertat financiare vlera e të cilave në total është më e vogël për 40, 231, 931. 04 euro, se sa vlera e planifikuar për realizimin e këtij aktivitetit. Krahasuar me vlerën totale të ofertave të shpallura fitues me rastin e vlerësimit të ofertave herën e parë, vlera totale e ofertave të shpalluara fitues me rastin e rivlerësimit është më e vogël për 11, 033, 046.88 euro.
Sipas po të njëjtit vendim arsyetohet se operatorët ekonomik fitues të këtij tenderi të njohur më parë edhe si “Tenderi i Natës” që ishte nënshkruar nga qeverisja e kaluar, kanë përmbajtur vlerë financiare më të vogël për secilin LOT veç e veç, në krahasim me vlerat financiare të planifikuar nga Ministria e Infrastrukturës për secilin LOT.
Me rastin e vendosjes dhe vendimmarrjes lidhur me aktivitetin e prokurimit, paneli shqyrtues mori parasysh edhe nenin 104 paragrafi 4 pika (iii) të Ligjit të Prokurimit Publik (LPP).
Dhe si përfundim për që nxiti debat që nga nëntori i vitit të kaluar, paneli shqyrtues ka vërtetuar njoftimin për dhënien e kontratës së këtij tenderi me 8 Lote.
Eksperti Shqyrtues i OSHP-së raportin e 22 dhjetorit të 2017-ës ka konstatuar se ky aktivitet i prokurimit është publikuar nga Autoriteti Kontraktues me procedurë të hapur.
“Lloj i kontratës është punë me vlerë të madhe. Në këtë aktivitet të prokurimit janë dorëzuar gjithsesi 27 oferta nga Operatoret Ekonomik. Autoriteti Kontraktues ka formuar komisionin vlerësues në përbërje prej 3 anëtarëve. Autoriteti Kontraktues me rastin e rivlerësimit të ofertave ka eliminuar mbi bazën se nuk i kanë plotësuar disa nga kërkesat formale administrativë OE ankuese “Lika Trade Sh.P.K. & Torifor” Deçan, “Conex Group Sh.P.K Prishtinë-Tiranë. “Sallahu”Kaqanik, “RSM&Benita Comapny”Prishtinë-Klinë, “N.N. “Rukolli” Sh.P.K&N.N. Victoria Invest Sh.P.K” Skënderaj, “Tali&Zuka&AD ILINDEN” Gjilan-Maqedoni, dhe “N.T.SH “Dino”Sh.P.K&NPSH “Bageri”&Vëllëzërit Hysa”, Konjuh/Lipjan&Ferizaj”, thuhet në vendimin e OSHP-së.
Në bazë të saj Ministria e Infrastrukturës me rastin e rivlerësimit të ofertave ka konstatuar se janë të përgjegjshëm administrativisht por janë të pasuksesshëm për shkak se nuk kanë dorëzuar tenderin me çmimin më të ulët.
Ndryshe, në korrik të vitit të2016-të, ish-ministri i Infrastrukturës nga radhët e Lidhjes Demokratike të Kosovës (LDK) Lutfi Zharku bashkë me kryetarin e Gjilanit, Lutfi Haziri, dhe kryetarët e qyteteve të Anamoravës, kishin prezantuar projektin e autostradës, Prishtinë-Gjilan-Konçul. Gjatësia e autostradës do të ishte 47.1 kilometra e gjatë, ku do përbëhej nga shtatë segmente.
Ndërsa gjerësia e saj u tha se do të jetë 32 metra, si dhe në kuadër të këtij projekti do të ndërtohen edhe katër ura. Po në këtë prezantim u tregua se autostrada do të lidhë korridorin 6, 7 dhe 10.
Autostrada e Gjilanit, natën e fundit të Qeverisë Mustafa mori nënshkrimin e ministrit Hanefi Muharremi, që kishte shkuar aty në vend të Lutfi Zharkut. E së fundmi kjo çështje mori vëmendjen e të gjithëve, pasi që në rishikimin e buxhetit që u shkurtua nga 2 miliardë në 1.8 miliard, u konfirmuar se është hequr nga buxheti, Autostrada Prishtinë-Gjilan. Buxheti i shumëtrumbetuar 2 miliardësh nga Qeverisja Mustafa, sipas ministrit të tashëm Bedri Hamza ka qenë i mbështetur në baza fiktive dhe jo të sigurta, duke lënë shumë projekte pezull.
Në vijim keni dokumentin e plotë dhe do ketë artikuj tjerë në vijim gjatë ditëve:
[pdf-embedder url=”https://ndertimi.info/wp-content/uploads/2018/02/475-481-484-488-498-492-493-495-497-498-499-17vendim.pdf” title=”OSHP – Vendimi”]
Featured
Kompanitë kosovare ftohen të respektojnë Ligjin gjerman të furnizimit
Ligji Gjerman i Zinxhirit të Furnizimit (Lieferkettensorgfaltspflichtengesetz – LkSG) ka hyrë në fazën e dytë të zbatimit më 1 janar 2024, duke zgjeruar fushëveprimin e tij për të mbuluar të gjitha kompanitë në Gjermani me mbi 1000 punonjës.
Zgjerimi do të shtojë rreth 2,000 kompani gjermane në kuadrin rregullator. Këto kompani do të aplikojnë kriteret që parashihen me ligj përgjatë gjithë zinxhirit të tyre të furnizimit dhe tek furnitorët jashtë Gjermanisë. Përfshirë këtu kompanitë nga Kosova që janë furnitorë të kompanive gjermane, apo që synojnë të bëhen furnitorë për kompani gjermane.
Ligji për Zinxhirin e Furnizimit u miratua në vitin 2021 dhe zyrtarisht hyri në fuqi më 1 janar 2023, duke iu kërkuar kompanive gjermane të plotësojnë kritere për të siguruar dhe mbrojtur të drejtat e njeriut dhe çështjet mjedisore në zinxhirët e tyre të furnizimit global.
Ligji implementohet në tri faza: Në fazën e parë, ligji gjerman u aplikua për kompanitë me mbi 3000 punonjës në Gjermani. Përafërsisht 900 kompani të mëdha gjermane u detyruan ta zbatojnë ligjin.
Në vitin e parë të zbatimit, Zyra Federale për Çështjet Ekonomike dhe Kontrollin e Eksportit (BAFA) ishte përgjegjëse për monitorimin dhe zbatimin e ligjit. BAFA kreu 486 inspektime të kompanive të mëdha për të vlerësuar pajtueshmërinë. Vlerësimi i përgjithshëm i BAFA ishte pozitiv, duke gjetur se kompanitë ishin përgjithësisht të suksesshme në krijimin e sistemeve dhe proceseve të nevojshme për të përmbushur kërkesat e Ligjit në fazën e parë.
Megjithatë, zgjerimi i zbatueshmërisë së Ligjit Gjerman të Zinxhirit të Furnizimit në ndërmarrjet e mesme pritet të paraqesë më shumë sfida.
Kompanitë kosovare që nuk i zbatojnë kushtet e parapara me këtë ligj, nuk do të mund të vazhdojnë apo fillojnë eksportin në Gjermani.
Aktuale
‘Autostrada Hangar’ do të hapë dyert për publikun më 5 Mars 2022
Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.
“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.
Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.
Aktuale
Asociacioni i Arkitektëve shpallë zgjedhjet për kryetar
Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së
Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.
Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
