Aktuale
Komuna rrezikon të paguaj më shtrenjtë për ndërtimin e rrugëve
Komuna e Suharekës ka planifikuar të shpenzoj deri në 356 mijë euro për ndërtimin e rrugëve lokale. Tenderin për ndërtimin e këtyre rrugëve, komuna e ndarë në 12 lote/pjesë, ndërsa operatorët kanë mundësi të shpallën fitues në vetëm një llot. Komuna thotë se përmes ndarjes në shumë llote po synon që sa më shpejt t’i shtrojë këto rrugë, si dhe t’i ‘shpërblej’ me kontratë kompanitë e shumta që operojnë në atë anë.
Në anën tjetër nga shoqëria civile, ndarja në lote po shihet si praktikë ligjore, por që po keqpërdoret nga komunat dhe se duhet të ndërpritet. Gjithashtu thuhet se e dëmton vlerën për para të komunave
Tenderi 12 pjesësh
Komuna e Suharekës ka planifikuar të ndërtoj rrugët lokale. Për ndërtimin e këtyre rrugëve komuna ka planifikuar të shpenzoj deri në 356 mijë euro.
Sipas njoftimit për kontratë, do të shtrohen rrugë në gjithsej 12 lokacione, prandaj këtë aktivitet të prokurimit komuna e ka ndarë në 12 lote/pjesë.
“Janë gjithsejtë 12 lokacione në territorin e Komunës Suhareke dhe janë te përfshira fshatrat e qyteti i Suharekës” thuhet në njoftim.
Bazuar në thirrjen për kontrat lokacionet në të cilat parashihen tu ndërtohen rrugët janë fshatrat: Dragaqine, Javor, Krushice e Eperme, Krushice e Poshtme, Nishor, Semetisht, Samaraxhe, Sllapuzhan, Sopije, Vershec, si dhe në qytetin e Suharekës.
Për këtë tender, Komuna e Suharekës ka përdorur procedurën e hapur të prokurimit me kriter çmimin më të ulët.
Por komuna në fjalë, ka vendosur të shpërblej një operator ekonomik të përgjegjshëm që i plotëson kriteret për këtë tender me çmim më të ulët se mund të fitoj vetëm një lot.
“Numri maksimal i Pjesëve që do të mund të shpërblehet tek një tenderues është: 1” thuhet në njoftim.
Gazeta Jeta në Kosovës është interesuar të mësoj më shumë lidhur me ndarjen e këtij tender në 12 lote/pjesë. Komuna thotë se tenderi është ndarë në bazë të drejtës që u jep ligji dhe me qëllim të përfshirjes së ndërmarrjeve të vogla dhe të mesëm.
“Ne këtë udhëzues pika B, i jep të drejtë Autoritetit Kontraktues të ndajë një procedurë të prokurimit në Lote dhe kjo bëhet me qëllim siç thuhet në udhëzim – Në mënyrë që të nxitet përfshirja e ndërmarrjeve të vogla dhe të mesme (NVM) në tregun kombëtar të prokurimit publik, kufizimi i numrit te Loteve preferohet kur ka shumë OE dhe shumë NVM”, thuhet në përgjigjen e komunës.
Dëmtimi i kriterit “Çmimi më i lirë”
Rregullat dhe udhëzuesi operativ, mundëson ndarjen e tenderëve në lote, por nuk specifikohet numri minimal dhe maksimal të loteve/pjesëve dhe nuk ka kufizime të tjera.
“Në mënyrë që të nxitet përfshirja e ndërmarrjeve të vogla dhe të mesme (NVM) në tregun kombëtar të prokurimit publik, kufizimi i numrit te Loteve preferohet kur ka shumë OE dhe shumë NVM”, thuhet në udhëzuesin operativ për prokurim publik.
I njëjti udhëzues në asnjë vend nuk e përmend që kufizimi duhet të jetë në vetëm një kontratë. Kur flitet për kufizimin e lloteve që një operator mund të shpallet fitues në këtë udhëzim flitet në shumës, pra më shumë se në një llot.
Përkundër kufizimeve që një operator mund të fitojë vetëm një llot, Komuna e Suharekës thotë se do të shpërblehen çmimet më të lira.
Vonesa e miratimit të buxhetit të komunës, thonë se ka pasur ndikim që punët të kryhen më shpejtë
“Numri maksimal është kufizuar në 1 për shkak se në Komunën tonë Operojnë shumë OE që merren me këtë veprimtari dhe duke pasur parasysh vonesën që na ka shkaktuar miratimi i buxhetit të Komunës, këto projekte do të realizoheshin për një periudhe me të shkurtër nëse kemi 12 operator ekonomik që e realizojnë këtë projekt nëse marrim parasysh që edhe projektet janë në 12 lokacione të ndryshme”, thuhet në përgjigjen e komunës.
Por komuna jep përgjigje të ndryshme në një rast të mundshëm kur operatori ekonomik oferton me çmim më të lirë në tri lote.
“Nëse një OE e ka çmimin më të lire në tri LOT/Pjese, as OE e as AK nuk e ka të drejtën për ta përcaktuar cilin LOT/Pjesë do ta shpërbleje, por kriteri është përcaktuar paraprakisht në njoftimin për kontratë dhe në dosje të tenderit siç kërkohet me LPP-në”, thuhet në përgjigjen e kësaj Komuna, duke e cituar edhe kriterin që i referohen.
“Në rastet ku aplikimi për përzgjedhjen e kritereve për shpërblim do të rezultonte në shpërblimin e një tenderuesi me më shumë lote se sa numri maksimal, Autoriteti Kontraktues do të ketë parasysh procesin e vlerësimit për të siguruar vlerën për paranë për Autoritetin Kontraktues”.
Sipas tyre, kjo nënkupton se vlerësimi do të bëhet duke përzgjedhur kombinimin që Komuna të paguaje çmimin më të lirë për të gjitha lot/pjesët. Një gjë e tillë është e pamundur nëse një OE i përgjegjshëm ka ofertuar me çmimin më të lirë në tre llote, ndërsa komuna obligohet që të shpërblej më një kontratë për një llot, ndërsa në dy llotet tjera duhet të rekomandojë për kontratë OE më të shtrenjtë.
Isuf Zejna nga organizata Demokraci Plus tregon se qëllimi i ndarjes së projekteve në llote lidhet me bashkimin e disa kërkesave në një procedurë apo shmangien e monopoleve. Por, ai ngrit shqetësimin se mënyra e ndarjes së tenderëve në llote është duke u keqpërdor nga Autoritetet kontraktues.
“Sidomos Komunat po e përdorin këtë formë të ndarjes së tenderëve në disa llote, sa për të kënaqur të gjitha bizneset që aplikojnë duke kushtëzuar që një kompani mund të fitojë më së shumti një llot”, ka thënë Zejna.
Ai thotë se KRPP-ja duhet të ndërpresë praktikën e ndarjes në llote, sepse e njëjta i ka të paktën dy efekte negative.
“Kjo e dëmton vlerën për para të komunave dhe e bënë shumë më të vështirë mbikëqyrjen e zbatimit të kontratave”, tha Zejna
Zejna tutje shtoi se kufizimi në vetëm një lot për një ofertues me çmim më të lirë, të ofertuara pavarësisht se ai oferton me çmim më të lirë edhe në lotët tjera, rrezikon të shpërblej operatorët ekonomik me çmim më të shtrenjtë.
“Sipas kësaj ndarje i bie që nëse në një aktivitet të prokurimit komuna dëshiron të shtrojë një rrugë me kubza të betonit, dhe i njëjti aktivitet është ndarë në 15 llote e që secila prej tyre përfshinë një kilometër gjatësi që në total i bie 15 kilometra. Kompania më e lirë mund të ketë çmimin e 12 eurove për metër katror, mirëpo pavarësisht se është më e lira ajo mund të fitoj vetëm një llot. 14 llotet e tjera do të zgjidhen me çmimet më të shtrenjta dhe kjo mund të ketë dëme të konsiderueshme për buxhetin”, shtoi ai.
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Rruga A del këtë javë në tenderim, do të ketë gjashtë korsi
Lëndohen dy punëtor të ndërtimit pas rrëzimit të një plloçe në Kaçanik
Kompania kosovare “FORMON” krijon ventilatorë të frymëmarrjes
