Connect with us

Featured

Komuna e Prishtinës u tregon qytetarëve për investimet kapitale të 2018-s [video]

Published

on

Shkëndije Ahmeti

Qytetarët e Prishtinës janë pritur në dëgjim publik nga nënkryetari Muhedin Nushi, ku kanë propozuar projekte kapitale për vitin 2018-të. Me të nisur debati publik, Nushi së pari ka njoftuar qytetarët rreth buxhetit që është paraparë për investime kapitale që kap shumën rreth 25 milionë euro.

Kjo kosto është ndarë nga buxheti i 2018-ës, që kap shumën 71 milionë e 222 mijë euro, shkruan Ndërtimi.info.

“Buxheti për vitin 2018-të është i paraparë me shumë 71 milionë e 222 mijë euro nga të cilat investime kapitale janë të ndara 24 milionë e 954 mijë e 207 euro, do me thënë diku afër 25 milionë janë të ndara për investime kapitale. Prandaj, në kuadër të këtyre ju kisha lut që të jeni sa më konkret dhe të bëni propozime konkrete. Është dita juaj, ku ju do t’i propozoni”, tregoi Nushi.

Ndërtimi i një rrethi në Bardhosh, konkretisht në hyrje të Bernicës së poshtme ishte kërkesa që iu adresua Komunës së Prishtinës, nga përfaqësuesi i fshatit Bardhosh, Naim Bajrami.

Bajrami madje tha se kjo rrugë është bërë tejet e rrezikshme për kalimtarët por edhe për vozitësit, duke shkaktuar edhe vdekje të shumta.

“E kemi një rreth rrotullim i cili problemi më i madh i Bardhoshit është aty poshtë te ai studioni në anën e djathtë Beli. Unë nuk e di se si ka me ardh projekti i rrugës nga Podujeva. Nëse di dikush me më tregu dhe kish me qenë mirë që me hy në projekt për vitin e ardhshëm. Ose të bëhet një rreth aty, ose hyrja në Bernicën e poshtme, ka ndeshje me fatalitet…kishe me qenë mirë që aty të bëhet një hyrje nga ana e djathtë qoftë nënkalim, me hy në Bernicën e Poshtme dhe atëherë është dalja më e lehtë. Dhe aty është problem jashtëzakonisht i madh, se ka njerëz që po na vdesin. Kish me qenë mirë me pas parasysh atë vend shumë të rrezikshëm për kalimtarët qoftë, në këmbë ose me makina”, tha Bajrami.

E për këtë projekt, zyrtarë të ndërtimit thanë se përgjegjëse është Ministria e Infrastrukturës, por megjithatë Bajramit iu premtua që komuna do kërkoj nga Ministria të bëjë një zgjidhje për këtë.

Kërkesë tjetër ishte edhe ndërtimi i një parku në Qendër të Prishtinës, tek rruga “Sylejman Vokshi”.

Qytetari, Ali Tahiri tregoi se një pjesë në këtë rrugë është e pashfrytëzuar e që ndërtimi i një parku do iu bënte nderë të moshuarve dhe fëmijëve.

“Sylejman Vokshi, në atë rrugë ka mbet në hapësirë e pashfrytëzuar, ku më shumë ka kerre, por ka edhe vend për të bërë një park. Ka edhe shumë të moshuar edhe fëmijë që munden me shfrytëzu dhe e mira është që veturat nuk kalojnë. Është mbrapa ish Terranovës, është një tunel i vogël dhe del menjëherë në Shesh. Është hapësirë që ka mbet shkretë, në qendër të Qytetit”, tha Tahiri.

Ndërtimin e një parku në këtë pjesë, Tahiri mori premtimin e nënkryetarit Muhedin Nushi.

“Për këtë unë të premtoj tash që ka me u rregullu… të jesh i bindur që do rregullohet se për parqe jemi shumë të interesuar dhe për hapësira publike”, premtoi Nushi.

Gjithashtu kërkesë tjetër ishte dedeh rregullimi i shkallëve të Dragodanit, e për të cilën zyrtarë të ndërtimit thanë që e kanë paraparë në projektin e 2018-ës.

E një nga zonat e reja të banuara të Prishtinës, Rruga A në lagjen “Mati 1”, nuk është në synimin e Komunës së Prishtinës për vitin 2018. Kjo, për shkak se ka problem me shpronësim të pronave.

Kjo është pohuar për Ndërtimi.info nga zyrtarja për ndërtim në Komunë e Prishtinës, Valbona Berisha.

“Sigurisht që do të ketë në të ardhmen, por për momentin problemet e shpronësimit”, tha Berisha.

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Aktuale

Fasadimi me stiropor do t’ia humbë identitetin ‘Soliterave’ ikonikë në Ulpianë!

Published

on

Komuna e Prishtinës në mars të vitit të kaluar kishte prezantuar planin për renonvimin e banesave të ‘soliterëve’ në lagjen Ulpiana të kryeqytetit.

Renovimi është projekt i përbashkët i Komunës së Prishtinës me Bankën Botërore dhe fondet e Korporata e Sfidës së Mijëvjeçarit (MCC), si një nga shtatë komunat që është përzgjedhur për renovimin e objekteve të vjetra.

Ish-kryetari Shpend Ahmeti kishte deklaruar se projekti në fjalë ka të bëjë me ndërtesat ikonë të lagjes Ulpiana, si shembulli më i mirë i planifikimit të një lagjeje.

Por, Komuna e Prishtinë për një projekt të tillë nuk ka organizuar paraparakitsh asnjë debat publik në të cilën do të mund të shprehshin mendimet për sa i përket këtij renovim në ndërtesat ikonike të Prishtinës.

Arkitekti A.K, i ka thënë Media Ndërtimit se ky lloj renovimi i ‘soliterave – Kullave ikonike të Prishtinës’ duhet të vlerësohet si shqetësuese për komunitetin e deri tek nivelet e komunës, drejtorit të urbanizmit, Arbër Sadikit kryetarit të komunës, Përparim Ramës dhe Asosacionit të Arkitektëve të Kosovës.

“Është me rendësi të ngritët si çështje identiteti i këtyre kullave ikonike te qytetit! Të ngritët si çështje para se te filloj renovimi, sepse mandej është vonë! Nëse ky projekt realizohet siç është propozuar, këto ndërtesa do te humbin identitetin e çmuar qe ja japin kryeqytetit, do të bëhen sikurse objekti i fakultetit teknik, e shume ndërtesa tjera të mbështjella me stiropor dhe llaq”, deklaroi arkitekti A.K.

“Këto ndërtesa prezantojnë vlera arkitektonike dhe urbanistike të një periudhe të caktuar të zhvillimit për kryeqytetin; poashtu edhe pjesë e memories kolektive!”, shtoi ai.

Një nga arsyeje se pse këto ndërtesa janë njëra nga ikonat e Prishtinës, nuk ka të bëj vetëm me lartësinë e tyre, por është materiali i veçantë që është i aplikuar vetëm në këto ndërtesa banimi, dhe detajet që e përbejnë këtë arkitekturë.

“Materiali i llamarinës dhe detajet/paternet ekzistuese të llamarinës janë me rendësi dhe duhet me u rishfaq ne fasade te rinovuar!

Investimi ne efiqience të energjisë është shumë me rendësi, edhe duhet të bëhet. Mirëpo renovimi i fasadës finale, dizajni dhe materiali i mbështjellësit nuk duhet të ndërrohet! Llamarina e re duhet te aplikohet duke u inspiruar nga fasada ekzistuese.

Në vend të stiroporit dhe llaqit, të aplikohet llamarinë sa me e ngjashme me atë ekzistuese, paternet dhe madhësitë e paneleve të llamarinës të ruhen poashtu!”, thotë për Media Ndërtimin arkitekti A.K.

Rina Meta, nga Milllenium Kosovo për Kallx.com ka thënë se, renovimi i pesë Soliterëve do financohet nga MFK 60 për qind, komuna 30 për qind dhe 10 për qind nga ndërmarrja publike banesore, 5 për qind prej tyre nga ana e banorëve.

Sipas Metës, për momentin është duke u punuar në zgjedhjen e dizajnit për fasadën, pasi komuna ka kërkuar kujdes të veçantë në fasadën që do përdoret, sepse duan të ruajnë identitetin e ndërtesave.

“Momentalisht, jemi në fazën e vlerësimit të dizajneve për fasadën e“Soliterëve”, kurse pas kësaj faze do të filloj procesi i tenderimit të kompanive ndërtimore. Për shkak të veçantisë arkitektonike të këtyre objekteve, Komuna e Prishtinës dhe MFK kanë kërkuar kujdes të veçantë në përzgjedhjen e fasadës dhe implementimin e fazave fillestare, për t’u siguruar ruajtja e identiteti vizuel të këtyre objekteve”, shtoi tutje Meta.

Sipas saj, punimet përfshirë edhe instalimet solare pritet të përfundojnë në pranverën e vitit 2022, kurse ne jemi afër kësaj kohe ndërsa punimet në terren as që kanë filluar./Media Ndërtimi.

 

Continue Reading

Trending