Arkitekturë
Këto janë shtëpitë më të pazakonta në botë

Ndërtimi i një shtëpie të re është një ndër gjërat më emocionuese në botë, veçanërisht për ata që asnjëherë nuk patën hapësirën e mjaftuar për idetë dhe dizajnët e tyre. Gjatë historisë, njerëzit kanë kaluar nga shpellat në kasollë, në kështjella, në apartamente.
Disa njerëzve iu duhet të bëjnë dizajne të ndryshme për shkak të kufizimeve fizike (hapësirë e vogël, hapësire e pazakontë), përderisa të tjerët e bëjnë këtë vetëm se duan. Nëse mendoni se mund të merrni pak inspirim për shtëpitë tuaja të ardhshme, apo vetëm dëshironi t’i shikoni dizajnët më të pazakonta të shtëpive atëherë ja një artikull i tillë për ju.
Shtëpia Skateboard, SHBA
Kjo shtëpi ju lejon që të rrëshqitni në të gjithë sipërfaqet e saj, brenda dhe jashtë. Ky projekt është dizajnuar nga Pierre Andre Senizergues, një ish-kampion Bote i Skateboard, një vendbanim privat i ndërtuar në Malibu, Kaliforni.
Kisha e konvertuar në shtëpi moderne, Hollandë
Kjo shtëpi nga brenda është tmerrësisht e bukur, por nga jashtë ka pamjen e një kishe. Ka shumë të tilla në Hollandë pasi që nga viti 1970 më shumë se 1.000 kisha u mbyllën. Ripërdorimi i tyre ishte metoda e vetme, ndaj arkitektët ridizejnuan hapsirat e brendshme për të parandaluar boshllëkun afatgjatë dhe shkatërrimin e tyre.
Shëpia më e hollë në botë, Poloni
Jakub Szczesny është projektuesi i kësaj shtëpie, e vendosura në mes të një haspire midis dy objekteve, vetëm në 1 metër gjerësi. Shtëpia Kereta është një nga shtëpitë më të ngushta në botë dhe një nga më të veçantat.
Shtëpia prej guri, Portugali
E vendosur në një kodër të quajtur Sierra de Fafe në Portugali. Emri i tij i vërtetë është Casa do Penedo, edhe pse të gjithë e njohin atë si shtëpia prej guri. Edhe pse duket si një shkëmb i madh, kjo shtëpi ka derë, oxhak dhe dritare si dhe është bërë një atraksion i madh për turistët.
Shtëpia me strukturë rrëshqitëse, Japoni
Kjo shtëpi e pazakontë tre-katëshe ka shkallë normale për tu ngjitur në katet e mësipërme, ndërsa për të zbritur një rrëshqitëse. Firma japoneze LEVEL Architects ka projektuar këtë shtëpi duke u frymëzuar nga ëndërrat e fëmijërisë.
Shtëpia transparente, Japoni
Kjo shtëpi e veçantë është projektuar nga Sou Fujimoto Architects dhe është e vendosur në Japoni. Ajo është inspiruar nga paraardhësit tanë të lashtë, të cilat kanë jetuar në pemë, kjo shtëpi komplet transparente ju ofron shumë dritë dielli, por jo privatësi.
