Connect with us

Aktuale

Hamza i përkushtuar të bëjë kalimin e mbledhjes së TVSH-së në brendi

Published

on

Politikat fiskale, si të vetme, nuk janë të mjaftueshme për zhvillim ekonomik dhe tërheqjen e investitorëve, ka thënë Ministri i Financave, Bedri Hamza. Sipas tij, ka nevojë edhe për sundim të rendit e ligjit dhe efikasitet më të madh në trajtimin e lëndëve në gjykata.

“Ka nevojë që investitorët të kenë siguri, të eliminohet burokracia, ka nevojë që vendi të sundohet nga rendi e ligji, të kemi sa më pak, mundësisht fare dukuri negative, përfshirë edhe korrupsionin”, ka deklaruar ai në konferencën me temë “Politikat fiskale në 10 vite: Mësimet për të ardhmen”, të organizuar nga Oda Ekonomike Amerikane në Kosovë.

Ai ka treguar se që nga fillimi i këtij viti janë në fuqi masat e lirimit nga tatimi për lëndë të para për prodhim, dhe se, sipas tij, ka mundësi që numri i këtyre produkteve të zgjerohet edhe më tej.

Hamza ka thënë se, nga ministria të cilën e drejton, tashmë janë finalizuar koncept-dokumenti për Ligjin për TVSH-në, Ligji për tatim-fitimin e të ardhurave në korporata, Ligji për tatim-fitim në të ardhura individuale, Ligji për Administratën Tatimore dhe Kodi i Doganave dhe akcizës.

Po ashtu, ka thënë se ministria të cilën e udhëheq është e përkushtuar që gjatë këtij viti ta bëjë kalimin e mbledhjes së TVSH-së në brendi.

“Është një proces jo i lehtë, mirëpo e kanë bërë vendet e tjera dhe mendoj që edhe ne suksesshëm mund ta bëjmë. Kjo kërkon të kemi plotësim-ndryshim të ligjit, të kemi ngritje dhe integrim të sistemeve të IT-së, e mbi të gjitha, përgatitje të kapaciteteve implementuese të Doganës dhe Administratës Tatimore të Kosovës. Kjo do të ndikojë pozitivisht te bizneset të cilat nuk do të jenë të detyruara që të paguajnë TVSH-në me rastin e arritjes së mallit në kufi, mirëpo do ta paguajnë në brendi”, ka theksuar ai.

Ndërkaq, ish-ministri i Financave dhe tash deputet i LDK-së, Avdullah Hoti, ka renditur disa prej sfidave me të cilat Kosova përballet në arritjen e stabilitetit buxhetor e mikro-financiar. Sipas tij, një nga sfidat kryesore është zvogëlimi i ekonomisë joformale. Sfidë tjetër, sipas tij është edhe evitimi i shpenzimeve qeveritare të motivuara politikisht, përfshirë vendimet që lidhen me politikat sociale dhe pensionale.

“Ajo çfarë do të jetë sfidë për zhvillimin afatgjatë është presioni që vjen nga politikat sociale dhe pensionale. Nëse dikush e rrezikon stabilitetin e buxhetit në 5-6 vitet e ardhshme, janë politikat sociale dhe pensionale që në shumë situata për motive populliste po ndërmerren dhe po na nxjerrin nga stabiliteti afatgjatë”, ka thënë Hoti.

Ndërsa, ish-ministrja e Tregtisë dhe deputetja Mimoza Kusari Lila, ka thënë se ekonomia kosovare është ballafaquar që në start me pabarazi, së pari nga efektet e luftës dhe degradimit të ekonomisë, e pastaj nga pabarazia me vendet e rajonit. Kulminacioni i kësaj pabarazie, sipas saj, është hyrja e pakushtëzuar në Marrëveshjen e Cefta-s.

“Në korrik të vitit 2007 më nënshkrimin e marrëveshjes së CEFTA-s si ende territor nën administrimin e UNMIK-ut, ka shkaktuar pasoja që edhe sot e kësaj dite bizneset i ndjejnë. Prodhuesit kosovarë ballafaqoheshin me disavantazh prej gati 26 për qind në start kosto më të lartë në raport me prodhuesit e rajonit”, ka shtuar ajo.

Ajo ka përmendur edhe moskrijimin e zonave të lira ekonomike, që sipas saj është një shans i humbur për zhvillimin ekonomik të vendit.

Aktuale

Deodorantë, shishe uji plastike…: Çfarë nuk duhet të lini në vetura në ditët e nxehta?

Published

on

Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.

Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.

Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.

Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.

Buzëkuqi do të shkrihet në temperatura të larta.

Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…

Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi

Continue Reading

Aktuale

Themelohet Oda e Minierave të Kosovës

Published

on

Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.

Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.

Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.

“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.

Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.

“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.

Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.

“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi

Continue Reading

Aktuale

Gjykata e Apelit anulon vendimin për ndërtimin e hidrocentralit të Poçemit në Vjosë

Published

on

Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.

Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.

Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.

Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.

Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.

Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.

Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.

Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.

Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.

Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.

Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.

“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi

Continue Reading

Trending