Connect with us

Gjini për Autostradën e Dukagjinit: Zgjerimi i trasesë do të ketë kosto më të lartë

Published

on

Paralajmërimet e Qeverisë së Kosovës, për anulimin e Autostradës së Dukagjinit nuk po priten mirë nga partia e ish-kryeministrit Ramush Haradinaj e cila pati vendosur për ndërtimin e saj.

Kryetari i Komunës së Gjakovës, Ardian Gjini, njëherësh edhe nënkryetar i Aleancës për Ardhmërinë e Kosovës, thotë se paralajmërimet e Ministrit të Infrastrukturës dhe Ambienti, Lumir Abdixhiku se nuk do të ndërtohet Autostrada e Dukagjinit, por se do të ketë vetëm zgjerim të rrugës aktuale, do të kenë kosto më të lartë.

Ai ka vlerësuar se Qeveria Kurti i ka bërë kalkulimet gabim sepse nëse zgjerohet traseja ekzistuese kostoja e shpronësimit do të jetë edhe më e madhe sesa kostoja e shpronësimit për autostradë.

Gjini tha se njerëzit janë manipuluar me idenë se zgjerimi i rrugës do t’iu mundësojë bizneseve të vogla të kenë qasje në rrugë.

“Unë e di që janë manipuluar njerëzit duke ju thënë se zgjerimi i rrugës, u mundëson bizneseve të vogla të kenë qasje rrugë. Me pas qasje në rrugë një dyqan skaj rrugës ose një shitës i hamburgerëve skaj rrugës, nuk është zhvilim i biznesit edhe momentin që zgjerohet rruga njerëzit nuk ndalen të shpenzojnë. Në të njëjtën kohë qyteteve duhet t’iu ju iket duhet të evitohet”.

“Peja duhet të evitohet, Deçani duhet të evitohet, Gjakova duhet të evitohet, Kanioni i Drinit duhet të evitohet. Mendoj se e kanë bërë kalkulimin gabim por prapsëprap populli ka vendosur për këtë qeveri. Ne e respektojmë, mirëpo besojmë qe gjatë punës do ta kuptojnë që zgjerimi i rrugës së Dukagjinit nuk është zgjidhje për shkak se kalohet nëpër dhjetra fshatra”, u shpreh Gjini.

Mirëpo, nënkryetari i AAK-së, tha për EO, se nësë bëhet zgjerimi i trasesë ekzistuese, kosotoja e shpronësimit do të jetë më e madhe se sa kosotja e shpronësimit për autostradë.

“Nëse modelin e kanë marrë zgjerimin e rrugës shembull prej Prishtinës deri në Pejë atëherë veç duhet të shohin ku kalon traseja e rrugës. Nëpër çfarë fshatra kalon, nëpër çfarë ngushtica kalon? A mund të zgjerohet aty dhe cila është kostoja e zgjerimit? Nëse zgjerojet traseja ekzistuese kosotoja e shpronësimit do të jetë edhe më e madhe sesa kostoja e shpronësimit për autostradë”, tha ai

Gjini për këtë thotë se insistimi i AAK-së, për ndërtimin e kësaj autostrade nuk ka qenë për motiv elektoral.

Gjini thotë se të gjithë ata qe mendojnë se kjo autostradë nuk duhet të ndërtohet i lut të shohin hartën e Dukagjinit.

“Insistimi i Aleancës për autostradë të Dukagjinit nuk rrjedh prej ndonjë vullneti ose inssistimi elektoral. Ata që mendojnë se nuk duhet të ndërtohet kjo autostradë unë i kisha lutur ta marrin mirë hartën e Dukagjinit dhe ta shohin mirë, edhe me bo rrugën prej Pejës deri Prizren kurdo që donë”.

“Edhe shohin se Insistimi ynë nuk ka qenë vetëm insistim për ndonjë motiv elektoral, edhe nëse do të hynë në zgjerim të rrugës do të mund ta zgjerojnë diku 25-30 për qind të trasesë ekzistuese. E gjitha traseja tjetër duhet të jetë trase e re prapë do të hyhet në shpronësime të pronave private dhe publike edhe ajo që do të arrihet nuk do të jetë adekuate”, theksoi ai.

Gjini foli edhe për ndërtimimin e ngrohtores së re me biomasë në qytetin e Gjakovës. Ai tha se do të përfundojë në fund të këtij viti.

“Ka shumë lajme të mira, fillimisht projekti ka qenë një grant diku prej 12 milionë euro. Atëhere kemi pasur edhe shtesa në grant, tani vlera totale e këtij investimi pas përfundimti do ta kap vlerën mbi 20 milionë euro edhe me zgjerim të rrjetit. Ndërsa impianti që është kogjenerim do të jetë edhe ngrohtore edhe gjenerator elektrik, duhet të përfundojë në fund të këtij viti”.

“D.m.th ngrohja nëpër ndërtesat , shtëpitë dhe institucionet e Gjakovës me impiantin e ri do të fillojë në dimrin që po vjen. Punët po ecin shumë mirë, unë kam vizitu edhe vendpunishten ku po ndërtohet, po duket që jemi në rregull. D.m.th do të kemi ngrohtore me biomasë. Sivjet është kryer sezoni më herët sepse nuk ka pasur mjete më shumë për shkak të mos kalimit të buxhetit, është dashur ta ndërpremë më herët ngrohjen”, tregoi Gjini.

Infrastrukturë

Së shpejti parkim publik me energji diellore në Durrës

Published

on

Një parkim modern multifunksional po ndërtohet në Durrës, në shërbim jo vetëm të qytetarëve, por edhe në funksion të sezonit turistik.

Për të inspektuar punimet, ishte prezent në kantier Kryeministri Edi Rama i shoqëruar nga kryebashkiakja e Durrësit Emiriana Sako dhe nga drejtori i Fondit Shqiptar të Zhvillimit, Dritan Agolli. “Është një objekt i cili ndodhet në një pozicion shumë të mirë, shumë afër me qytetin.

Durrësi ka një shtim të fluksit të lëvizjes gjatë sezonit turistik dhe një nevojë të madhe për parkim dhe mendojmë që me këtë godinë, me përfundimin e saj do të japim një shërbim të mirë pasi këtu do të akomodohen 400 vende parkimi,

do të ketë poste për biçikletat, karikues elektrik për mjetet elektrike dhe nga pjesa tjetër e funksioneve të objektit kemi parashikuar edhe hapësira të tjera funksionale si zyra të cilat mund të jenë në funksion të transportit publik në qytetin e Durrësit, por edhe salla për aktivitete të ndryshme”, – u shpreh kryetarja e bashkisë së Durrësit.

Godina do të furnizohet me energji falë paneleve diellore ndërkohë që projekti është konceptuar që të funksionoj si një rampë nga hyrja, deri në katin e fundit. Kjo gjë do të bëjë të mundur uljen e sipërfaqes së qarkullimit.

“Nga pikëpamja e teknologjisë ka për të qenë e gjitha me panele fotovoltaike që do të krijojë qëndrueshmëri nga pikëpamja e eficiencës së energjisë së parkimit.

Nuk është thjesht një hapësirë parkimi, por është një hapësirë me jetë e gjallëri gjatë gjithë kohës”, – theksoi drejtori i FSHZH, Agolli. Objekti është i vendosur në një nyje strategjike të qytetit.

“Nga e djathta kemi Portin turistik që po ndërtohet dhe pjesën e portit e Durrësit ekzistues dhe në të majtë kemi godinën e hekurudhës ku ka filluar puna me shtrimin e linjës Durrës – Tiranë dhe Durrës – Aeroport dhe mendojmë se është një nyje shumë e rëndësishme strategjike dhe ky objekt është i një nevoje shumë të lartë për qytetin – tha kryebashkiakja Sako.

Ky projekt, pritet të lehtësojë trafikun në qytet sidomos gjatë sezonit veror./Media Ndërtimi

Continue Reading

Infrastrukturë

Prokuroria urdhëron ndalimin e punimeve në rrugën ‘Gëzim Sahiti’ në Ferizaj

Published

on

Pas reagimeve dhe deklaratave të organizatës AVONET dhe shqetësimeve për mos respektim të vendimit të gjykatës themelore në Prishtinë dhe gjykatës së apelit, Prokuroria Themelore në Ferizaj ka urdhëruar inspektoriatin komunal në Ferizaj që të ndalojë punimet që po zhvillohen kundërligjshëm në rrugën Gëzim Sahiti.

Reagimi i prokurorisë vie si rezulatat i takimit të përbashkët me Kryeprokurorin z. Jashari, AVONET dhe banorët e lagjes. Në takim u shtjelluan dhe u prezantuan të gjitha faktet, provat dhe gjendja faktike, e rastit në fjalë.

Prokuroria me veprimet e saja ndaloi vazhdimi e shkeljeve ligjore nga kompania e përfshirë në çështje.

Rrjeti i Organizatave Jo-Qeveritare AVONET shpreh shqetësimin e thellë lidhur me veprimet e kundërligjshme të Drejtorisë së Urbanizmit, në lidhje me zbatimin e vendimeve gjyqësore, konkretisht Aktvendimin A.nr.1365/23 të Gjykatës Themelore në Prishtinë dhe Aktvendimin AA.nr.855/23 Gjykatës së Apelit. Këto vendime kanë bërë shtyrjen e ekzekutimit të vendimit të lejes ndërtimore në rrugën Gëzim Sahiti, në Ferizaj.

Këto veprime të kundërligjshme janë duke u bërë në një amulli totale të krijuar nga Drejtoria e Urbanizmit dhe Mjedisit në Komunën e Ferizajt. Për AVONET kjo amulli e krijuar është manifestim i paditurisë ose kapjes së Komunës së Ferizajt nga mafia e betonit.

AVONET ka parashtruar kërkesa për qasje në dokumente publike në Gjykatën Supreme dhe në Gjykatën Themelore në Prishtinë ku ka kërkuar sqarime në lidhje me rastin e krijuar nga zyrtarët e Komunës së Ferizajt. Nga këto institucione kemi pranuar informacione zyrtare se vendimi gjyqësor në lidhje me rastin në fjalë ende nuk është ekspedituar (dërguar) në gjykatën e shkallës së I-rë gjegjësisht Gjykata Themelore në Prishtinë nuk e ka pranuar ende këtë vendim gjyqësor.

Nga përgjigjjet e Komunës së Ferizajt shohim se zyrtarisht organet komunale nuk kanë marr asnjë veprim, në drejtim të fillimit të punimeve në objektin banesor në rrugën Gëzim Sahiti. Kurse nga gjendja faktike në terren shohim se punimet zhvillohen pa u penguar fare, madje punëkryerësit deklarohen se kanë leje pune nga Komuna e Ferizajt. Për këtë kemi njoftuar edhe organet e rendit siç është Prokuroria Themelore në Ferizaj dhe Policia e Kosovës, por deri më tani nuk kemi parë asnjë veprim nga organet në fjalë. AVONET vlerson se me këtë mosveprim po rrezikohet rëndë siguria juridike e qytetarëve.

Continue Reading

Aktuale

Festivali të Arkitekturës dhe Dizajnit ‘Concéntrico’, shënon edicionin jubilar në Spanjë

Published

on

Nga 25 prilli deri më 1 maj 2024, në qytetin spanjoll Logroño, Concéntrico përgatitet për edicionin e tij të 10-vjetorit. I parashikuar si një soditje e ndryshimit të mjediseve urbane dhe një mundësi për të ndarë njohuri rreth këtyre proceseve, Festivali Ndërkombëtar i Arkitekturës dhe Dizajnit të këtij viti përfshin formate të reja për të angazhuar një audiencë më të gjerë dhe për të eksploruar kohën si një katalizator për ndryshimin në dizajnin urban dhe social.

Festivali zgjeron programin e tij, duke shfaqur 21 instalime nga dizajnerë të 20 kombësive të ndryshme, përveç disa nismave dhe eksplorimeve të tjera.

Instalacionet urbane përfaqësojnë ndoshta aspektin më të dukshëm dhe më tërheqës të festivalit, duke eksploruar temën përmes dizajnit dhe duke synuar të gjenerojë ndërveprime midis arkitektëve dhe publikut më të gjerë. Që nga viti 2015, festivali ka krijuar mbi 120 instalime urbane.

Këtë vit, arkitektët dhe projektuesit e ftuar propozojnë një shumëllojshmëri të gjerë qasjesh, nga rinatyrëzimi i hapësirave publike, tek riinterpretimi i metodave popullore, ripërdorimi i materialeve nga botimet e mëparshme, krijimi i eksplorimeve përmes lëvizjes ose sfidimi i konceptit të strehimit. Eksploroni listën e plotë të instalimeve urbane të ardhshme të përgatitura për këtë edicion.

Edicionet e mëparshme të festivalit mirëpritën ndërhyrje nga dizajnerë të njohur dhe të ardhshëm, duke përfshirë Studio Ossidiana, Tudor Vlāsceanu Architect, Rintala Eggertsson Architects ose Piovenefabi. Duke hapur biseda rreth komunitetit dhe identiteteve lokale, si dhe çështjeve të përfshirjes, ndryshimit të përkufizimeve të familjeve apo sfidave të ekologjisë, festivali përfaqëson një mundësi për eksplorim përmes dizajnit./Media Ndërtimi

Continue Reading

Trending