Aktuale
Fairs: U deshën vetëm 20 dollarë për krijimin e “Dezeen”
“Dezeen” është revista e arkitekturës më me influencë dhe më e famshmja në botë. Për 13 vite kjo revistë ka arritur t’i mbërrijë majat dhe të marrë një numër të madh çmimesh ndërkombëtare për gazetari, në lëmin e arkitekturës dhe dizajnit.
E pas suksesit të kësaj revisteje që publikon lajme për arkitekturë, dizajn, enterier, teknologji, video story e intervista, qëndron një person i rëndësishëm, themeluesi e kryeredaktori i saj, Marcus Fairs.
Fairs po qëndron në Kosovë në kuadër të edicionit të shtatë të Festivalit të Arkitekturës, me ç’rast para publikut kosovarë dhe të gjithë arkitekt-dashësve, mbrëmë mbajti një ligjëratë të hapur në hapësirat e “Kino Armatës”.
Ai tregoi për karrierën e tij profesionale dhe shndërrimin e revistës “Dezeen” nga ueb faqja me “dizajnin më të keq në botë”, në revistën me ndikimin më të madh.
Fillet e para të karrierës së Marcus Fair
Fair tha se eksperienca e tij në fillimet e zhvillimit të profesionit si gazetar ishte interesante dhe jo e lehtë dhe tregoi për sfidat që i kishte pasur në fillim të këtij rrugëtimi.
“Kur isha student nuk e dija se çfarë dëshiroja të bëja. Isha i mirë në shumë gjëra, por jo në ndonjë gjë në veçanti. Arkitektura dhe dizajni kanë lënë një përshtypje të madhe tek unë. Mu deshën rreth 10 vite kohë që ta kuptoja se doja të bëhesha gazetar, por është shumë e vështirë të depërtosh në gazetari”, deklaroi ai.
I diplomuar në dizajnin 3D, Marcus filloi karrierën të gazetarisë duke shkruar për revistën Design Building dhe më vonë për Building, ku u bë edhe zëvendës redaktor. Ai gjithashtu bënte shkrime të pavarura që dolën në medie të njohura si në Blueprint, The Guardian, Conde Nast Traveler, e shumë tjera.
Megjithëkëtë, revista e tij e parë, e së cilës kishte qenë pjësë e për të cilën kishte shkruar, nuk kishte të bënte me gazetari.
“Revista e parë për të cilën kam punuar ka qenë një revistë për yjet e popit dhe kuize e gjëra të tilla”, rrëfen ai.
E një eksperiencë shumë dobiprurëse për zhvillimin e njohurive në fushën e arkitekturës, për të, ka qenë ajo në revistën e arkitekturës “Icon”.
Krijimi i “Dezeen” u bë nga vetëm 20 dollarë
Diçka për të cilën nuk u nevojitën investime të mëdha financiare rezultoi në një sukses të madh. Ky ishte krijimi i një faqeje online të profilizuar, si ” Dezeen”.
“Kisha ambicie të shkruaja një libër për dizajnin e shekullit XXI, i cili realisht më solli shumë suksese por më futi edhe në telashe. Për shkak se nuk kisha treguar për këtë gjë tek shefët e mi, më pushuan nga puna. Për një kohë mbeta vetëm dhe pa punë. Më pas më lindi ideja që ta krijojë një ueb faqe, e kisha në mendje emrin ‘Dezeen’ kështu që me 20 dollarë e fillova biznesin tim, 10 dollarë për ta blerë emrin dhe 10 dollarë për gjëra tjera. Në fillim nuk kisha ide se çfarë isha duke bërë. Një shok më ndihmojë me wordpress dhe më pëlqente ideja se do ta krijoja një ueb faqe, por ishte ueb faqja me dizajnin më të keq në botë. Ishte vetëm një vend për t’i paraqitur projektet”, tregon ai.
Ai tregoi edhe domethënien e emrit “Dezeen” dhe funksionin e saj.
“Kuptimi i parë i revistës Dezeen është Design Magazine.
Është faqe që shkruan për arkitekturën, dizajnin e enterierit dhe lloje të tjera të dizajnit si dhe pak edhe për teknologji. ‘Dezeen’ është një faqe me ndikim të madh në arkitekturë dhe është lehtësisht e qasshme. Jemi ndër top faqet më të mira për arkitekturë, në mbarë botën. Gjithashtu marrim edhe një numër të madh të komenteve. Ne prodhojmë gjithashtu edhe një numër të caktuar videosh dhe faqja ka më shumë se 1 milion pëlqime në facebook dhe një numër të madh ndjekësish në rrjetet e tjera sociale, si në ‘Instagram’.
Audiencën më të madhe e kemi në Britani të Madhe, Australi e vende tjera.
Shpresoj që në vitet e ardhshme edhe Kosova të jetë ndër top vendet që e përcjellin më së shumti faqen tonë”, thotë ai.
Ndikimi i Kanye West në rritjen e “Dezeen”
Se “Dezeen” ëshë revista më e preferuar për të gjithë arkitektët, dizajnuesit dhe jo vetëm, tashmë është dëshmuar në mënyra të ndryshme. Por, është edhe një figurë e rëndësishme e botës së show bizit e dizajnit që ndihmoi në rritjen e saj gjatë kohës kur po bënte hapat e parë.
“Shkova në Miami tek një festë që po e organizonte një shok i imi dhe aty pash Kanye West. E përshëndeta dhe më pas filloi të më tregojë për koleksionin e tij të dizajnit, për dizajnin e apartamentit të tij të ri dhe i thash: – ‘a mund ta publikojë apartamentin tënd në faqen time të dizajnit’.
Ai tha ‘sigurisht bisedo me publicistët e mi’.
Publicisti i tij më dërgoi fotot e para ekskluzive të apartamentit të Kanye West.
Kisha një ekskluzivitet të madh në dorën time.
Fotografitë sollën një numër të madh komentesh. Komuniteti i hip-hop-it, në New York kishte zbuluar apartamentin e Kanye-it dhe filluan të bënin pyetje të shumta.
Falë Kanye West faqja ime pati një sukses shumë më të madh”, rrëfen Fairs.
Tutje ai ka treguar edhe për synimet e kësaj medie dhe për rrugën të cilën duhet ndjekur.
“Ne përpiqemi të jemi në hap me ngjarjet më kryesore të së tashmes. Mundohemi qe ta çojmë dizajnin dhe arkitekturën në një rrugë të progresit.
Në këtë kohë të ‘fake news’, është shumë e rëndësishme që të kemi guxim dhe ta çojmë gazetarinë përpara. Të jemi të sinqertë dhe të besueshëm”, potencoi ai.
Sipas Fairs, një rol të rëndësishëm luan edhe barazia gjinore në vendet e punës, për ta zhvilluar biznesin.
“Kemi 50% të grave të pranishme në medien tonë në revistën më të njohur të arkitekturës, për të pasur kështu barazi gjinore, sepse kjo gjë është shumë e rëndësishme për të ecur përpara”, theksoi ai.
Marcus Fairs është gazetari i parë digjital që ka marrë një bursë nderi nga Institutit Mbretëror i Arkitektëve Britanikë, për “kontributin e madh që ai i ka bërë arkitekturës”. Ky nderim atij iu bë në janar të 2017-tës.
Në vitin 2018 ai u emërua njëri ndër 1 mijë personat me ndikimin më të madh në Londër, nga “Evening Standard”.
Çmime të tjera që ai ka fituar përfshijnë gazetarin më të mirë të vitit (2002) dhe gazetarin më të mirë të fushës së arkitekturës(2004).
Edhe revista “Dezeen” në vete mbanë mbi supe një numër të madh çmimesh e mirënjohjesh e njëherësh është edhe web faqja më e komentuar në internet, për arkitekturë e dizajn./Ndërtimi.info/
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
