Connect with us

Aktuale

Diskutim e debat i ashpër për Planifikim Urban në Komunën e Prishtinës

Published

on

Diskutimi publik për Planifikim Urban të Komunës së Prishtinës, nuk nisi mirë. Kryetarët e bashkësive lokale shprehën paknaqsinë e tyre lidhur me thirrjen që iu është bërë.

Ata kritikuan për njoftimin që kanë marrë si kryetar dhe jo si qytetarë, meqë siç u shprehen ata nëse do e dinin që janë ftuar qytetarët atëhere do të merrni shumë më shumë qytetarë, raporton Ndertimi.info.

Veç kësaj paknaqësi tjeter ishte edhe mosnjoftimi me planin dhe buxhetin e ndarë, sipas të pranishmëve, në menyrë siç janë shprehur ata nuk mund të diskutojnë pa pasur gjëra konkrete.

Megjithatë, Genc Bashota drejtori i Planifikimit Hapësinor dhe Zhvillimit Ekonomik ka thënë se ata kanë diskutime të përgjithshme që mbajnë çdo vit dhe se ky diskutim ka të bëjë me buxhetin të cilin e planifikojnë për vitin e ardhshëm.

“Ne si komunë në mënyrë transparente kërkojmë nga qytetarët që ky buxhet për vitin e ardhshëm të jetë më i kompletuar. Material me iu pru nuk mundemi se na nuk e dimë cilët qytetarë kanë me ardhë”, u shpreh drejtori Genc Bashota, raporton nga vendi i ngjarjes Ndertimi.info.

Ndërsa buxheti I planifikuar për Planifikim Urban është 625 mijë euro.

“625 mijë euro janë të planifikuara për Planifikim Urban. Kemi telashe me ligjin e planifikimit me një hartë zonale për planifikimin e qytetit. Kemi shumë zona të pazgjidhura për faj të ministries (MMPH) e cila po na mban peng për planifikimin e hartës zonale”, shtoi Bashota.

Qytetarët ishin të interesuar për të ditur se çka përfitojnë nga kjo hartë zonale për të cilën u tha se qytetarët përfitojnë qarkullim më të lehtë si në rrafsh urban po ashtu edhe në rrafsh lokal.

Bashota ka vazhduar duke thënë se harta zonale rregullon edhe blerjet e tokave të cilat qytetarët shpesh nuk mund t’i përdorin krejt për shkak të Ministrisë së Ambientit.

Adem Shabani nga fshati Llukar ka propozuar që të parashihet uji për fshatin Time që ka rreth 60 mijë banorë. Ai tutje ka thënë se të fillohet furnizimi i Times së Llukarit e Bardhoshit me furnizim me ujë.

Kërkesë tjeter ishte edhe marrja e pronave të komunës në Bardhosh të cilat janë uzurpuar, që të kthehen në çerdhe apo shkolla.

Gjithashtu u kërkua që të sigurohet ujë i pijshëm për banorët e Slivovës dhe rregullimi i kanalizimeve pasi që ujërat e zeza po derdhen në Liqenin e Badovcit.

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending