Connect with us

Aktuale

Banorët e Gadimes me peticion kundërshtojnë dhënien e pronave komunale në shfrytëzim për gurthyesit

Published

on

Banorët e fshatit Gadime të Komunës së Lipjanit të mërkurën kanë deponuar në këtë komunë një peticion me rreth 400 nënshkrime për ta kundërshtuar dhënien e pronave komunale në shfrytëzim për gurthyesit. Sipas banorëve komuna e Lipjanit dhe individët e caktuar nga ekzekutivi po insistojnë dhënien e dhjetëra hektarëve në shfrytëzim për kompanitë që merren me gurthyes.

Banorët janë ankuar se gurthyesit në këtë zonë po e degradojnë ambientin dhe njëkohësisht po ua dëmtojnë rrugët e fshatrave me makineri të rëndë, andaj dhënia e pronave komunale në shfrytëzim duhet të ndërpritet. Në peticionin e banorëve të Gadimes midis të tjerash thuhet se shumica po i kundërshtojnë vendimet e komunës për dhënien e pronave komunale në shfrytëzim për gurthyesit, raporton Koha Ditore.

“Ne si qytetar të Gadimes jemi kundër vendimeve të fundit për dhënien e tokave nga komuna e Lipjanit për gurthyes. Andaj kërkojmë nga kryetari i komunës Imri Ahmeti që t’i ndal këto dukuri shkatërruese kundër Gadimes. Jemi kundër shkatërrimit dhe dhënies në shfrytëzim të parcelave 01049-15, 01049-6, 01049-7 dhe 01049-11”, thuhet midis të tjerash në peticionin e banorëve.

Mujë Lekiqi, njëri ndër organizatorët e këtij peticioni ka thënë se gurthyesit në këtë fshat po e degradojnë ambientin, rrugët dhe njëkohësisht po dëmtohen edhe shtëpitë e banimit, andaj sipas tij, komuna nuk duhet t’i jep edhe parcela të tjera këtyre kompanive.

“Prej vitesh jemi në hall nga gurthyesit, ndërkohë komuna po synon t’ia zgjeroi parcelat këtyre gurthyesve të cilat po e degradojnë ambientin, natyrën, shtëpitë, rrugët etj. Kërkojmë që ankandet publike të komunës për dhënien e pronave në shfrytëzim të anulohen dhe të merren parasysh ankesat tona”, ka thënë Lekiqi. Po ashtu edhe bashkëfshatari i tij Kastriot Hashani, ka thënë se gurthyesit po e degradojnë kodrën e fshatit e cila ka një bukuri të rrallë natyrore. “Kërkojmë nga komuna që peticionet dhe kërkesat tona të merren parasysh nga kryetari dhe Kuvendi Komunal, në të kundërtën ne do të reagojmë edhe në të ardhmen”, ka thënë midis të tjerash ai.

Po ashtu bashkëfshatarëve të vetë të mërkurën i është bashkangjitur edhe Kuvendari i KK-së në Lipjan nga radhët e PDK-së Arxhend Tasholli, i cili ka thënë se individët e caktuar të ekzekutivit po synojnë që pronat publike t’i jepen në shfrytëzim një gurthyesi nga Ferizaj. Sipas tij, edhe në mbledhjet e fundit ka reaguar disa herë për t’i anuluar ankandet publike për dhënien e këtyre pronave në shfrytëzim, mirëpo kërkesat e tij nuk janë marrë parasysh nga ekzekutivi i komunës.

“Ne si banorë të Gadimes i’u drejtuam Kryetarit të Komunës Imri Ahmeti dhe Kryesuesit të Kuvendit Komunal Daut Azemi, me një peticion për ta kundërshtuar dhënin e parcelave komunale në shfrytëzim për gurëthyes. Bëhej fjalë për më shumë dhe dhjetë hektarë të cilat po synohej t’i jepen një kompanie nga komuna e Ferizajt. Personalisht edhe si kuvendar gjatë mbledhjeve të fundit isha kundër këtij fenomeni shkatërrues, që po ushtrohet nga të gjitha pushtetet kundër Gadimes”, ka thënë Tasholli.

Sipas tij, vota e opozitës në Kuvend për ta kundërshtuar ankandin e dhënies së këtyre pronave në shfrytëzim por edhe reagimet tjera të opozitës nuk janë marrë parasysh nga ekzekutivi. “Prandaj unë u detyrova që t’i bashkohem këtij aktiviteti të banorëve Gadimas. Edhe një herë ftoj kryetarin e komunës dhe kryesuesin e KK-së që ta shqyrtojnë peticionin e banorëve me rreth 400 nënshkrime dhe t’i shfuqizojnë vendimet për dhënien e pronave komunale në shfrytëzim për gurthyes”, ka kërkuar Tasholli.

Nga ana tjetër gjatë së mërkurës, kryetari i komunës së Lipjanit Imri Ahmeti nuk ka qenë të marrë një deklaratë rreth kësaj çështje. Ndërkohë kryesuesi i KK-së, Daut Azemi, ka thënë se do ta shqyrtojnë peticionin e banorëve megjithëse ende nuk i ka shkuar në zyrë nga sektori i administratës. “Ende nuk e kam unë këtë peticion, pra nuk ka ardhur ende. Ndërkaq, në momentin që vjen e shohim dhe e shqyrtojmë”, ka thënë shkurt Azemi nëpërmjet SMS-së.

Image

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Aktuale

ATK inkason mbi 700 mijë euro borxhe nga bizneset

Published

on

Administrata Tatimore e Kosovës (ATK) ka njoftuar se pas një aksioni të djeshëm në disa subjekte biznesore, të cilët kanë borxhe të pa-paguara, ka inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit.

Në kuadër të këtij aksioni, sipas ATK-së, mbledhësit tatimor kanë mbyllur dhe sekuestruar prona të bizneseve për mos-pagesë tatimit, duke shtuar se të njëjtat aktivitete të mbledhjes së detyrueshme do të vazhdojnë edhe në ditët në vijim.

Përmes një njoftimi për media, Administrata Tatimore i njofton të gjithë tatimpaguesit që kanë obligime të pa-paguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit.

Gjithashtu, nga ATK-ja kanë bërë thirrje që tatimpaguesit të jenë bashkëpunues në pagesën e borxheve të tyre, si dhe të njoftohen për mundësitë që ofron Ligji për Administratën Tatimore dhe Procedurat në pagesën e borxheve tatimore./Media Ndërtimi

Continue Reading

Aktuale

Strehimoret prej bambuje një zgjidhje pas shkatërrimit të rreth 1 milionë shtëpive nga vërshimet në Pakistan

Published

on

Përmbytjet katastrofike në Pakistan kanë prekur rreth 33 milionë njerëz, shumë prej të cilëve po kërkojnë ende strehim të sigurt pas shirave që dëmtuan ose shkatrruan më shumë se 1 milion shtëpi.

Ndërsa një e treta e vendit është e zhytur nën ujë, dhe ekspertët thonë se mund të duhen deri në gjashtë muaj që uji të tërhiqet.

E për të adresuar nevojën urgjente për strehim të banorëve, arkitekti Yasmeen Lari dhe Fondacioni Heritage i Pakistanit kanë punuar gjatë gjithë kohës për të pajisur njerëzit në provincën Sindh me aftësitë dhe materiale për të ndërtuar strehimore prej bambuje.

Strehimoret, të quajtura Lari OctaGreen (LOG), mund të ndërtohen nga gjashtë ose shtatë persona brenda pak orësh.

Sipas arkitektit Lari synimi është që të ndërtohen rreth 1200 strehimore të tilla, dhe deri tani janë ngritur rreth 350 të tilla.

Ky aksion i ndërtimit të strehimoreve prej bambuje është përkrahur edhe nga rajone tjera të Pakistanit, dhe synohet të ndërtohet 1500 strehimore për muaj.

Strehimoret nuk janë të kushtueshme, janë të thjeshta dhe nuk kanë impakt negativ në mjedis.

Çmimi për ndërtimin e një strehimoreje nga bambuja kushton rreth 25 mijë rupi pakistanezë që përkthehet në rreth 110 euro./Media Ndërtimi

Continue Reading

Trending