Aktuale
Avokati Koci jep shpresë që UP-ja mund ta kthejë tokën që iu dha Kishës Ortodokse
Kur Gjykata e Apelit në Prishtinë e mbështeti vendimin e Gjykatës Themelore për të mos ia njohur të drejtën e vazhdimit të gjyqit Universitetit të Prishtinës me Kishën Ortodokse për çështje pronësie, pati mbështetje të plotë ligjore.
Këtë po e thotë avokati kosovar Arianit Koci, i cili në një përgjigje për Klan Kosova, thekson se Gjykata e Apelit ka marrë vendim duke konsideruar se pala është tërhequr, ngase me praktikat gjyqësore, në momentin që paraqet padi dhe nuk paraqitesh në elaborim mbyllet çështja.
“Gjykata Themelore në Prishtinë e ka konsideruar të tërhequr padinë në këtë çështje juridike, për shkak se paditësi nuk ka prezantuar në seancë, edhe pse ka qenë i ftuar me rregull”.
“Këtë qëndrim juridik e mori edhe Gjykata e shkallës së dytë, për shkak se nga shkresat e lëndës është vërtetuar se paditësi nuk ka prezantuar në seancë dhe arsyet e dhëna nga ana e përfaqësueses së Universitetit për mungesë në seancë, gjykata nuk i ka pranuar si të pabazuara”, ka deklaruar Koci.
Ai u shpreh se në këto raste, prania në seancë nga ana e paditësit është e domosdoshme.
“Vlen të sqarohet se paditësi, me rastin e kërkesës së një të drejte, duhet të jetë i përpiktë me prezencën e tij në gjykatë, për të elaboruar dhe ofruar prova për të drejtën që e kërkon. Gjykata nuk mund të supozojë fakte dhe të vendos për themelësinë e kërkesës, pa prezencën e palës paditëse – kërkuesit të së drejtës”.
Megjithatë, ai thotë se UP-ja e ka ende shanse për ta kthyer tokën në kampusin e Universitetit, në pronësinë e saj sepse ligji ia lejon të bëjë padinë sërish, por kjo si pasojë ka një pritje shumë të gjatë.
“Beteja juridike e Universitetit të Prishtinës, nuk është humbur! Ligji ia mundëson UP-së të parashtrojë padi tjetër në gjykatë. Megjithatë, për këtë neglizhencë, UP-ja do të paguajë një çmim! Për të fituar të drejtën që e kërkon, duhet pritur edhe disa vite, që shqyrtimit të padisë së re nga ana e gjykatës t’i vije rendi edhe një herë”.
Vendimi se padia e UP-së konsiderohet e tërhequr, u mor pasi përfaqësuesit ligjorë të këtij institucioni nuk u paraqitën në seancën kryesore gjyqësore.
Ata u arsyetuan se ditën kur ftesa iu kishte arritur në Rektorat, ata ishin duke u përballë me disa grupe protestuesish dhe zarfi i mbyllur ka mbetur diku në zyrat e pranimit.
“Për shkak të protestave që ka pasur në ditën kur ka ardhur zarfi, dhe tollovisë që ka pasur para sportelit kur është dorëzuar te sporteli, ftesa nuk ka arritur deri te ne. Kur na ka ardhur vendimi, kemi kërkuar të dimë se kur ka ardhur ftesa dhe e kemi kuptuar se ajo ka mbërritur por ne s’e kemi marrë”, ishte arsyetimi që dha Esat Kelmendi, sekretar i Universitetit të Prishtinës.
Ndërsa, rektori i këtij universiteti Marjan Demaj që s’ishte në detyrë kur kjo kishte ndodhur, thotë se UP-ja s’do pushojë së kërkuari drejtësi.
“Universiteti i Prishtinës asnjëherë dhe me asnjë kusht nuk do të heqë dorë nga kthimi i këtyre pronave, qoftë nga marrja e tyre dhunshëm nga sistemi i Milloshevqit qoftë të uzurpuara. Do bëjmë çdo gjë që ato prona t’i kthejmë”.
Kisha ortodokse, ishte ndërtuar në kampusin e UP-së nga pushteti i Slobodan Millosheviqit, ndërsa padi për kthimin e tokës, është bërë që në vitin 1992 nga rektori i atëhershëm Ejup Statovci.
-
Infrastrukturë2 days ago
KAWA Group, zyrtarisht do të operoj edhe në kryeqytetin britanik
-
Aktuale1 day ago
KAWA Group, tashmë pjesë e industrisë së ndërtimit në Mbretërinë e Bashkuar
-
Infrastrukturë2 days ago
Ura e Kukësit pritet të hapet më 1 qershor
-
Infrastrukturë2 days ago
Një rrugë e re në Prishtinë, nga “1 Tetori” tek “Isa Kastrati”, vlera afro një gjysmë milioni euro
-
Infrastrukturë2 days ago
Prokuroria Themelore në Gjakovë në aksion kundër shkatërruesve të mjedisit
-
Aktuale3 days ago
Ish-drejtori i Njësisë së Auditimit në Ministrinë e Infrastrukturës akuzohet se bëri raport në favor të “Sallahu” SH.P.K
-
Infrastrukturë2 days ago
BE miraton një kredi prej 325 milionë eurosh për rinovimin e linjës hekurudhore në Shqipëri
-
Infrastrukturë2 days ago
Naftëtarët kosovarë thonë se janë drejt falimentimit, kërkojnë nga qeveria të ndërhyjë për çmimet