Shkruar nga Macca Sherifi/blogger

Nëse është një gjë se për çka njihet Shkupi, ato janë shtatoret dhe skulpturat – ato janë gjithkund.
Pasi ato gjenden në çdo pjesë të qytetit, domosdoshmërisht janë bërë edhe atraksion turistik në vetvete.
Derisa po udhëtoja përreth Ballkanit, sapo e përmendja vizitën në Shkup, dikush do të më përgjigjej “Shkupi, qyteti i shtatoreve. Një vend tejet interesant”

Shumë prej ne turistëve mendojmë se ndërtimi i gjithë këtyre shtatoreve është humbje koti e parave, megjithatë duhet pranuar se numërimi i shtatoreve në Shkup është bërë një nga atraksionet kryesore gjatë vizitës në këtë qytet.

Që nga viti 2010 deri më 2014 mendohet se janë ndërtuar 136 statuja, por pse?

Ideja lindi në vitin 2008, vit ky në të cilin Maqedonia e Veriut u përball me krizë të rëndë ekonomike.

Dhe për t’i bërë ballë krizës, ky shtet shënjestroi turizmin si pikë të ringjalljes së ekonomisë.

Dhe kështu ata ideuan projektin “Shkupi 2014″, në tentim për të e bërë kryeqytetin estetikisht më të kënaqshëm.

Por kjo u prit me Kritika, pasi shumë prej banorëve mendonin se paratë të cilat u investuan në shtatore, mund të investoheshin në infrastrukturë.

E kritikët e Qeverisë së atëhershme e akuzuan pushtetin se ky projekt është tentim për të larguar vëmendjen nga problemet aktuale të popullit, siç ishin papunësia dhe varfëria.

Të them të drejtën shumë prej shtatoreve duken të bukura, e disa prej tyre të fusin edhe frikën.

Edhe pse projekti “Shkupi 2014” ka funksionuar dhe shumë turistë po e vizitojnë qytetin, ata po e vizitojnë atë për arsye krejt të gabuara. Ky qytet tashmë duket si vend cirku.

Kushedi, ndoshta ky ishte plani i qeverisë që nga fillimi, plan i cili mesa duket po funksionon./Media Ndërtimi.

Kryeinspektori i punës Hekuran Nikqi, deklaroi se në 8 muajt e parë të vitit në Kosovë nga 3100 inspektime të kryera janë shqiptuar 175 gjoba për punëdhënës.

Nikqi shtoi se gjatë rasteve të aksidenteve në vendpune, pas inspektimeve janë shqiptuar gjoba me para për punëdhënësit të cilët kanë shkelur ligjin, gjoba këto të cilat mund të shkojnë deri në 40 mijë euro.

“Gjatë kësaj periudhe kohore Inspektorati i Punës ka realizuar 3 mijë e 178 Inspektime. Gjatë inspektimeve është konstatuar se numri më i madh i shkeljeve të të drejtave të të punësuarve është në sektorin e ndërtimit që kanë të bëjnë me kushtet e punës, pastaj prodhimtaria dhe gastronomia ku është konstatuar se ka punëtorë pa kontrata apo që nuk janë të deklaruar në ATK”, tha Nikqi./Media Ndërtimi.

Nënkryetari i Komunës së Prishtinës, Alban Zogaj ka njoftuar se dy lagjet e mëdha të kryeqytetit, Kalabria dhe Dardania do të kenë qasje më të lehtë në komunikacion.

“Një kërkesë e kahmotshme e banorëve të Lagjes Kalabria po realizohet. Po lidhim lagjen Kalabria me Dardaninë. Kjo rrugë do të lirojë komunikacionin në disa pjesë të qytetit.

Bashkë me ekipin e drejtorëve vizituam punimet e rrugës tek ‘Stacioni i Autobusëve’.

Do të vazhdojmë me fokusin për qasje më të lehtë në komunikacion.”, tha Zogaj./Media Ndërtimi.