Aktuale
Aliu flet për nënkalimin në Ferizaj, thotë se do ta transformojë gjithë qytetin
Brenda muajit maj do të përfundojë plani detal për projektin e “Bashkimit të Qytetit” në komunën e Ferizajt, që pastaj të fillojë procesi i tenderimit që do t’i hap rrugë edhe fillimit të realizimit të këtij projekti.
Kështu ka bërë të ditur i pari i Ferizajt, Agim Aliu, i cili është shprehur se ky projekt do të zhbllokojë kaosin urban në këtë komunë, ndërsa, kostoja e këtij projekti do të jetë 2.5 milionë euro.
Aliu për KosovaPress ka thënë se me ndërtimin e nënkalimit për vetura përveç eliminimit të kaosit në komunikacion do të bëhet edhe ruajtja e këmbësorëve, si dhe do të mundësohet qasje e lehtë nga rruga “Vëllezërit Gërvalla” e deri tek rruga “Madeleine Albright”.
“E kemi përzgjedhur njërën prej ideve dhe tashmë kjo ide është duke u bërë me projekt detal dhe po besoj se brenda muajit do të përfundoj projekti detal do të filloj procesi i tenderimit dhe pas përfundimit të procesit tenderues edhe të fillojë faza e realizimit të këtij projekti. Gjithashtu projekteve të tjera që lidhen me këtë, sepse janë disa nënkalime të tjera që janë pjesë e projektit të “Bashkimit të Qytetit” që e kam quajtur në kuptimin simbolik. Në fakt Ferizaj do të transformohet do të jetë një qytet që do të jetë shumë atraktiv përmes këtyre projekteve dhe këto projekte në fakt janë projekte të para që realizohen në një qytet të Kosovës, kjo edhe për faktin se Ferizaj e ka hekurudhën dhe kjo i ka mundësuar që pikërisht ne të mendojmë për projekte të tilla, por, do të jetë një qytet atraktiv për gjithë qytetarët e Republikës së Kosovës që ta vizitojnë Ferizajn pas përfundimit të këtyre projekteve”, tha ai.
Kreu i Ferizajt ka potencuar se nënkalimi do të përmbajë parkingje nëntokësore, pjesë tregtare.
“Tuneli do të jetë edhe me pjesë të parkingjeve nëntokësore dhe me pjesë ku do të ketë pjesë tregtare ku qytetarët edhe do të qarkullojnë me automjete edhe do të qarkullojnë si këmbësorë. Por, në të njëjtën kohë do të kenë edhe hapësira parkimi, po edhe hapësira për të blerë diçka nga ajo që mund të ofrohet dhe e gjithë kjo pjesë është nën tokë, do të thotë është tunel që do të jetë përafërsisht 700 metra i gjatë, por që do të zgjerohet përgjatë këtij tuneli përmes këtyre objekteve… është në pjesën që e lidh rrugën “Vëllezërit Gërvalla” që është një prej arterieve kryesore të qytetit për të kaluar përgjatë hekurudhës dhe për të dal në rrugën “Madeleine Albright” dhe pastaj për tu shpërndarë në rrugët tjera të qytetit të Ferizajt”, bëri të ditur ai.
Nënkalimi për vetura është vetëm pjesa e parë e këtij projekti, pasi që ky projekt përmban edhe dy pjesë të tjera, siç është mbikalimi dhe vazhdimi i nënkalimit ekzistues.
Mbikalimi hekurudhor do të jetë në rrugën “Ahmet Kaçiku”, i cili sipas kryetarit Aliu do të mundësoj kalimin e hekurudhës nga qytetarët në mënyrë të sigurt dhe qasje e lehtë edhe për personat me aftësi të kufizuara. Mbi të gjitha Aliu thotë se do të bashkoj dy pjesët e qytetit.
Ndërsa, pjesa e fundit e projektit të “Bashkimit të Qytetit” është vazhdimi i nënkalimit ekzistues në komunën e Ferizajt.
I pari i Ferizajt, Agim Aliu është shprehur se faza e realizimit të këtyre projekteve për qytetarët do të jetë e mundimshme, pasi që ka të bëjë me qendrën e qytetit dhe do të ketë telashe sa i përket qarkullimit. Por, ai pret se do të ketë mirëkuptimin dhe durimin e qytetarëve deri tek finalizimi i këtij projekti
E qytetarët po e mirëpresin këtë projekt të komunës së Ferizajt. Shaban Neziri banor i kësaj komune thotë se ky projekt është i domosdoshëm, pasi sipas tij në këtë gjendje që sot është kjo komunë nuk mund të zgjas shumë.
“Gjithçka që bëhet për të mirë të qytetarëve është i mirëseardhur. Nuk kam informacione se si do të jenë këto nënkalime, por normal Ferizaj në këtë gjendje qysh është momentalisht nuk mundet me zgjat edhe shumë. Pasi që qyteti po rritet, njerëzit po shtohen, infrastruktura po mbetet e njëjtë, kështu që patjetër që duhet me bë një zgjidhje për lëvizje të qytetarëve dhe të jetëve gjithashtu, mos të flas për infrastrukturën tjetër. Por, deri atëherë besoj që ka shumë punë se edhe infrastruktura përcjellëse duhet të rregullohet, nuk është çështja që vetëm një nënkalim do ta zgjidh problemin. Në këtë aspekt duhet të shikohet në përgjithësi të bëhet zgjidhja si për infrastrukturën nëntokësore ashtu edhe për këtë infrastrukturën që është për shërbim të qytetarëve si nënkalimet, rrugë, hekurudha që është një problem qysh e dimë krejt dhe ndikon direkt në sigurinë e qytetarëve”, tha ai.
Edhe banori tjetër i Ferizajt, Elmi Muhedini, është shprehur se projekti i tillë është shumë i mirë, në radhë të parë për të ofruar siguri për qytetarët.
“Për Ferizaj është shumë projekt i mirë, tash nuk e di sa do të mund të realizohet, por sikur të ishte realizuar do të kishte qenë shumë mirë. E di që kryetari i ri e ka marrë me buxhet shumë të dobët komunën se është mbet borxh, por të ja lëmë të ardhmes ta shohim sa ka mundësi të punohet në atë drejtim”, tha ai.
Si projekt të mirë dhe të nevojshëm po e shohin edhe organizatat që merren me monitorimin e punës së kësaj komunë. Drejtori i rrjetit të organizatave “AVONET”, Kenan Gashi e quan projekt të domosdoshëm për sigurinë e qytetarëve të Ferizajt.
“Është një përparësi e madhe që qyteti nuk do ta ketë më formën e ndarjes dhe natyrisht do të jetë një frekuentim më i madh, më i lehtë dhe më i mundshëm për të gjithë qytetarët, por do të jetë edhe më i sigurt edhe për shkak të hekurudhës. Natyrisht do të jetë mundësi e lëvizjes së lirë të automjeteve, ju e dini që është një kaos urban, një kaos me të cilin tashmë e kemi një qarkullim të vështirë të automjeteve. Ky projekt e lehtëson edhe lëvizjen më të mirë, por natyrisht edhe më të sigurt të automjeteve dhe të qytetarëve”, është shprehur ai.
Po ashtu, Gashi pret që ky projekt të finalizohet sa më shpejt që të jetë e mundur
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Rruga A del këtë javë në tenderim, do të ketë gjashtë korsi
Lëndohen dy punëtor të ndërtimit pas rrëzimit të një plloçe në Kaçanik
Kompania kosovare “FORMON” krijon ventilatorë të frymëmarrjes
