Connect with us

Aktuale

AKP: Nëse punimet në RTP bien ndesh me standardet, objekti do të kthehet në gjendjen e mëparshme

Published

on

Punimet në fasadën e jashtme të cilat kanë filluar në ndërtesën e ish-Radio Televizionit të Prishtinës kanë nxitur reagime të shumta, sidomos nga arkitektët, sipas të cilëve ky veprim është duke e “shkatërruar dhe tjetërsuar” ndërtesën ikonike të RTP-së, e cila u ndërtua në kohën kur Kosova po i ngrinte institucionet e saj.

Fajin për këtë “shpërfytyrim” ua hedhin Agjencisë Kosovare të Privatizimit dhe Komunës së Prishtinës që kanë dhënë leje për tu kryer këto punime, meqë kjo pronë është dhënë me qira për shfrytëzim nga AKP-ja.

Nga Agjencioni Kosovarë i Privatizmit për Ndërtimi.info kanë thënë se në kontratën e qirasë është paraparë që në rast se punimet janë të domosdoshme në objekt atëherë janë të lejuara, që qiramarrësi të vazhdojë punën.

“Kjo hapësirë ka qenë e pashfrytëzueshme dhe qiramarrësit i është dashur të kryej punime rinovuese, restaurim me qëllim të funksionalizimit të hapësirave për t’i shfrytëzuar për nevojat e zyrës. Çdo renovim që kryhet i nënshtrohet dispozitave apo kushteve të veçanta të parapara në kontratën e qirasë”, thuhet në përgjigjen e AKP-së.

AKP-ja kanë shtuar se përveç kushteve të kontratës, leja për këto punime duhet të merret edhe nga Drejtoria e Urbanizmit. Mirëpo, kjo drejtori nuk është përgjigjur në për këtë çështje.

AKP ka theksuar që në rast se këto punime nuk përputhen me strukturën e objektit, ai do të kthehet në gjendjen që ka pasur përpara se të fillonin ato ndërhyrje.

“AKP është në kontakt me qiramarrësin dhe nëse konstatohet se është bërë ndonjë ndërhyrje që ndikon në ndryshimin strukturor të objektit, do të analizohet mirë bashkë edhe me organet kompetente dhe nëse këto punime bien ndesh me standardet e përcaktuara, objekti apo punimet e specifikuara do të kthehen në gjendje të mëparshme”, ka thënë AKP për Ndërtimi.info.

Por, hapi më i rëndësishëm për ruajtjen e këtij objekti e edhe objekteve të tjera që përfaqësojnë periudhën e modernizmit në Prishtinë nga shkatërrimi konsiderohet të jetë futja nën mbrojte e tyre duke u cilësuar si trashëgimi kulturore e Kosovës.

Arkitekti Arbër Sadiki ka thënë se prishja e këtyre objekteve është duke ndodhur për shkak të mosnjohjes nga institucionet vendore së vlerave që ato kane, por edhe për shkak të mungesës së gatishmërisë për t’i mbrojtur.

“Është për të ardhur keq që objektet e kësaj kategorie në vazhdimësi po shpërfytyrohen jo vetëm si rrjedhojë e mosnjohjes së vlerave të tyre nga ana e institucioneve vendore, por edhe si rrjedhojë e pasivitetit tonë për ti mbrojtur ato. Rrjedhimisht, kërkoj që të thërrasim ndërgjegjen gjithsecili prej nesh dhe të fillojmë të mbrojmë vlerat të cilat na përkasin të gjithëve”, ka thënë Sadiki.

Sipas Sadikit ndërtesa e RTP-së është objekt identifikues i Prishtinës, i cili përveç vlerave arkitekturore paraqet edhe vlerë historike sepse për dekada me radhë ka qenë simbol i fjalës shqipe në ish- Jugosllavi.

Ndërsa projektuesi Yll Rugova ka thënë së veprimet që janë duke ndodhur në ndërtesën e RTP-së duhet të ndalen nga inspekcionet shtetërore dhe ndërtesa duhet të jetë në mbrojtje si trashëgimi kulturore.

“Orkestra simfonike e RTP-së së bashku me korin, janë institucionet pararendëse të Filarmonisë së Kosovës, që së bashku me shkollën e muzikës në Prizren e Prishtinë kanë vënë themelet e muzikës klasike në Kosovë. Janë këto institucione që e krijojnë historinë më shumë se 70 vjeçare të muzikës klasike në Kosovë.

Përndryshe, kjo ndërtesë e RTP-së është ndërtuar në kohën kur shqiptarët kanë vënë themelet e institucioneve shtetërore të Kosovës, duke ndërtuar ndërtesat e rëndësishme publike si Biblioteka Kombëtare, Instituti i Albanologjisë, Universiteti i Prishtinës (kampus i projektuar nga Bashkim Fehmiu, vëllau i aktorit të madh Bekim Fehmiut), Pallati i Rinisë, Radio Prishtina me aneksin, Pallati i shtypit Rilindja, etj.”, ka shkruar Rugova.

Godina e Radio Televizionit të Prishtinës u ndërtua në vitin 1966 nga arkitekti slloven Oton Gaspari.

Së bashku me Bibliotekën Kombëtare, Institutin e Albanologjisë, Universitetin i Prishtinës, Pallatin e Rinisë, Radio Prishtinën me aneksin, Pallatin e shtypit Rilindja, e objekte të tjera I takojnë stilit arkitekturor brutalist.

 

 

 

 

 

 

 

 

 

Aktuale

Kompanitë do t’i drejtohen Gjykatës Komerciale në vend të Organit Shqyrtues të Prokurimit

Published

on

Rreth 800 është numri i lëndëve të cilat Bordi i Organit Shqyrtues të Prokurimit nuk do t’i trajtojë.

Kimete Gashi, anëtare e bordit të ri, ka thënë për emisionin e ekonomisë, Portofol në Klan Kosova FM, se ankesat që janë dorëzuar për mbi një vjet, sa OShP s’kishte bord, janë vlerësuar si të papërshtatshme.

“Bordi ka vendosur që nuk ka pas kompetencë që t’i trajtojë ato. Secilin operator e kemi njoftuar dhe ata tash mund t’i drejtohem Gjykatës Komerciale”, është shprehur Gashi.

“Afërsisht kanë qenë 800 lëndë që i kemi gjetur që kanë qenë të parashtruara si ankesa”.

Gashi ka theksuar se synimi si bord i ri është që të punojnë në formën më të drejtë.

“Misioni i bordit është që dera e OShP-së të jetë dera më e besueshme e çdo operatori ekonomik dhe çdo personi fizik ose subjekt ekonomik që mendon se i është shkelur një e drejtë”.

Continue Reading

Aktuale

Si e ndryshuan Gratë Arkitekturën në Amerikë?  

Published

on

Në kohën e këtij shkrimi, e ardhmja për gratë në Shtetet e Bashkuara duket e zymtë. Përmbysja e Roe kundër Wade nga Gjykata e Lartë e SHBA nuk do të thotë vetëm se gratë në të paktën 20 dhe deri në 30 shtete nuk do të jenë në gjendje të zgjedhin kur dhe nëse do të durojnë shtatzëninë dhe lindjen e fëmijëve.

Do të thotë gjithashtu se disa prej tyre nuk do të jenë në gjendje, për shembull, të lënë një punë të keqe, sepse u duhen para për të rritur fëmijën që nuk donin të kishin. Do të thotë se ata nuk do të jenë në gjendje të largohen nga një marrëdhënie në të cilën nuk duan të jenë më, sepse duhet të ndajnë detyrat e kujdesit për fëmijët. Kjo do të thotë se ata mund të vdesin nëse shtatzënia e tyre përfundon me një abort, trajtimi për të cilin është zgjerimi dhe kuretazhi, njësoj si një abort i vonshëm. Kjo do të thotë se, afërsisht në gjysmën e këtij vendi, gratë nuk kanë kontroll të plotë mbi fatet e tyre.

Politika bashkëkohore është një kornizë thellësisht e padrejtë përmes së cilës mund të rishikohen dy libra të botuar së fundmi për gratë në arkitekturë – Gratë që ndryshuan arkitekturën dhe zgjerimin e fushës së arkitekturës – por duke e bërë këtë ofron një mundësi për të vërejtur se si të kuptojmë dhe mbështesim më së miri betejat e grave sot.

Vëllimi i parë (The Women) është një koleksion i profileve të shkurtra të më shumë se 144 arkitektëve që janë gra. Ajo merr një qëndrim të ndërgjegjshëm revizionist; redaktori Jan Cigliano Hartman pretendon në parathënien e saj se “do të ndryshojë historinë e arkitekturës, duke sjellë arkitektet femra në narrativën qendrore”.

E dyta (Fusha e Zgjeruar) nuk është një koleksion njerëzish por projektesh; redaktorët deklarojnë paraprakisht se ata “parashikuan që ky libër do të ishte një koleksion prej 40 projektesh që ndodhin të hartohen nga gratë”.

Dëshira që ky tipar i përbashkët të shfaqet si një rastësi kur në fakt ishte një zgjedhje e qëllimshme pasqyron një shqetësim me kategorinë e “gruas arkitekte”, një e dhënë se ka diçka që nuk është plotësisht e drejtë me vendosjen e kësaj kategorie dhe mbajtjen e saj si të rëndësishme. . Ky shqetësim është i pranishëm në të dy vëllimet; në The Women, shfaqet si një sugjerim i përsëritur i deklaratës së Dorte Mandrup se ajo nuk është “një arkitekte femër”, por thjesht, “një arkitekte”. Në vend që të hetojnë këtë shqetësim, të dy vëllimet kalojnë drejt e në të.

Sigurisht, nuk po them që njerëzit e paraqitur në këto vëllime nuk duhet të festohen si individë. Shumë prej tyre kapërcyen vështirësitë personale dhe seksizmin shoqëror për të arritur sukses profesional. Kjo është e lavdërueshme.

Por ne nuk duhet të biem në grackën e të besuarit se gratë individuale që fitojnë pushtetin nën një sistem thellësisht të padrejtë është mirë për të gjitha gratë. Të ngatërrosh arritjet personale me përparimin kolektiv është naive në rastin më të mirë, cinike në rastin më të keq dhe e dëmshme në të gjitha rastet.

Pas leximit të të dy librave, zbuloj në secilin një shpresë se gratë do ta shohin veten të përfaqësuar dhe do ta dinë se është e mundur që ato të arrijnë atë që kanë bërë gratë në faqet e tyre. E kam të vështirë të imagjinoj një grua të tillë. Gratë nuk kanë nevojë për libra për gra arkitekte për të kuptuar se ato mund të jenë gjithçka që duan, se mund të bëjnë gjithçka që duan.

Në atë fushë loje, feminizmi tashmë ka pasur sukses. Gratë e dinë se janë të afta. Ne kemi nevojë vetëm për të drejtat themelore të njeriut.

Marianela D’Aprile është një shkrimtare në Brooklyn./Media Ndërtimi.

Continue Reading

Aktuale

“I dyshimtë dhe favorizues”, tenderi për “Arkitektin e kryeqytetit”

Published

on

Tenderi në vlerë prej 12 milionë euro për “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës”, po i duket i “dyshimtë dhe “favorizues” Lëvizjes Vetëvendosje.

Shefi grupit të asamblistëve të LVV-së në Komunën e Prishtinës, Gëzim Sveçla në konferencën për media, tha se kjo kontratë është e dyshimtë, pasi ka kosto tejet të lartë dhe është favorizuese pasi është fushë e njëjtë profesionale me atë të kryetarit të komunës, Përparim Rama, raporton Shqip.com.

Ai tha se komuna ka shumë probleme të tjera të cilat janë më emergjente.

“Veprime abuzive siç është rasti me tenderin për konsulencë, nuk është që s’e kemi pritur, por jo kaq shpejt. Pra, ka keqmenaxhim dhe rezultate zero nga kryetari Rama. Janë bërë tetë muaj, për këtë periudhë dhe lajmi më i mirë është se kryetari Rama ka mbaruar mandatin 20 për qind. Kryetari Rama nuk ka as vizion dhe vullnet për t’i zgjidhur problemet e shumta të qytetarëve të Prishtinës, pra asgjë nga premtimet e dhëna nuk kanë nis të zbatohen”, tha ai.

Tenderi është shpallur përmes procedurës së kufizuar. Ndërsa kohëzgjatja e kontratës do të jetë 36 muaj.

Afati i fundit për dorëzimin e ofertave është 31 gushti. Sipas njoftimit, në bazë të aplikacioneve të pranuara, më së shumti 6 kandidatë do të ftohen për të dorëzuar tenderët e detajuar të kësaj kontrate.

Në dosjen e tenderit thuhet se qëllimi i këtij projekti është krijimi i hartës unike të planifikimit të kryeqytetit, krijimi i bazave te shënimeve, krijimi i bazës së sistemit gjeografik të informacionit, krijimi i rregulloreve dhe manualeve të nevojshme për funksionimin e pakove programore për përcjelljen e lejeve, ndërtimeve, mirëmbajtjeve, tatimit dhe shërbimeve komunale dhe krijimi i sistemit interaktiv online të komunikimit me qytetarët./Media Ndërtimi.

Continue Reading

Trending