Më 22 nëntor të vitit 1988, një nga figurat më të rëndësishme dhe të respektuara në historinë e arkitekturës meksikane dhe ndërkombëtare, vdiq në Mexico City. Luis Barragán Morfín, i lindur në Guadalajara dhe i trajnuar si inxhinier civil ka lënë pas një trashëgimi të gjerë të punimeve të botuara, konferencave, ndërtesave, shtëpive dhe kopshteve që mbeten të rëndësishme edhe këto ditë, shkruan ArchDaily, transmeton Ndërtimi.info.

Pa dyshim, trashëgimia e Luis Barragan-it përfaqëson diçka komplekse dhe të përjetshme, që vazhdon të frymëzojë dhe të habisë arkitektët nëpër breza. Për shkak të kësaj, 30 vjet pas vdekjes së tij, ArchDaily ka përpiluar këtë seri nga disa prej arkitektëve bashkëkohorë të Meksikës, që reflektojnë mbi veprat e tyre të preferuara të Barraganit.

Javier Senosian

“Pothuajse të gjitha veprat e Barraganit më frymëzojnë, por më e rëndësishmja për mua është Casa Barragán, një herë kur shkova ta shoh dhe ndërkohë që bisedonim me të në studio me muzikë klasike në sfond, dikush komentoi se si betoni ishte i ftohtë, i pistë dhe me materiale të trishtuara, Barragán heshti për një moment dhe pastaj lëvizi kokën dhe tha “mbi të gjitha është e trishtuar”. Kur u larguam, të gjithë ndjeheshim sikur të ishim në një ekstazë. Kujtimet që kam në Casa Barragán do kenë një vend të rëndësishëm gjithmonë “, thotë Senosian.

Alberto Kalach

“Për mua, të gjitha veprat e Barraganit janë të rëndësishme, madje edhe më funksionale, ka shumë mësime që mund të gjenden në krijimet e tij, shtëpia e tij është vërtet një kryevepër, është një vend që ruan harmoni absolute dhe ju transporton në një gjendje paqeje dhe qetësie”, Kalach.

Tatiana Bilbao

“Barragan kishte shumë karakteristika por ajo që më pëlqen më shumë për punën e tij janë ato momente ku ai më kujton se ishte një qenie njerëzore. Një dritare në dhomën e tij private që hapet në pronën fqinje (Ortega Garden) është një portë për tek dëshirat e tij, dashurinë e tij për kopshtin, të kaluarën e tij, nostalgjinë dhe revalencën e bukurisë, gjithnjë kam qenë i obsesionuar me atë dritare, për mua është një element që flet thellësisht për njeriun që Barragan ishte”, thotë Bilbao.

Javier Muñoz nga Muñoz Arquitectos

“Mendoj se puna që ka ndikuar më shumë tek unë është Casa Barragán .Nga pozicioni i saj diskret në rrugë, ne mund të shohim se Barragán ksihte fokusin në hapësirë të banueshme sesa në shfaqjen e jashtme të shtëpisë”.

Hektor Barroso nga Estudio Hektor Barroso

“Casa Barragán është puna më e rëndësishme e Luis Barraganit. Përpiqem ta vizitoj atë në mënyrë periodike, pasi që për mua është e rëndësishme të vazhdojmë të reflektojmë. Kjo më ndihmon të largohem nga sasia e informacionit dhe imazheve që kemi në majë të gishtave tonë dhe për të jetuar dhe për të shijuar me të vërtetë arkitekturën e tij “.

Augusto Quijano nga Augusto Quijano Arquitectos

“Puna ime e preferuar është padyshim shtëpia e tij dhe punëtoria, është krijimi i Luis Barraganit që ka ndikuar tek unë, sepse është një sërë hapash që kapin një presion dhe tension që mund të jetë i vështirë për t’u përcjellë, por këtu është bërë në një mënyrë të fuqishme dhe hapësinore. Portreti i Shën Kristofrit është ai që ka pasur ndikimin më të madh tek unë për shkak të mësimit hapësinor dërrmues që jep”.

Raúl Medina e DOSA Studio

“Puna e Luis Barraganit që më ka frymëzuar është shtëpia e tij në lagjen e vjetër Tacubaya, është krijimi që bashkon pjekurinë e tij si arkitekt. Është interesante ta shohësh dhe të ndjesh se si ishte në gjendje të transmetonte thelbin e tij shpirtëror në hapësirë”.

Salvador Macías nga Estudio Macías Peredo

“Casa Barragan është, pa dyshim, vepra ime e preferuar nga Luis Barragan, sepse nga të gjitha veprat e tij, kjo është shtëpia e tij, ku arkitektura, peisazhi dhe mobilimi shkojnë së bashku në harmoni të përsosur”

Javier Sánchez nga JSa

“Ajo që më pëlqen në lidhje me Barragan është trimëria e tij dhe kompromisi në kërkim për gjuhën e vet dhe natyrisht, shtëpisa e tij, të cilën unë e konsideroj një laborator.”

Rodrigo de la Peña nga RDLP Arquitectos

“Vepra ime e preferuar e tij është manastiri i Sisters Clarisas Capuchinas. Kjo është një nga veprat që ka ndikuar më së shumti tek unë si një arkitekt”

Derek Dellekamp i Dellekamp Arquitectos

“Puna e Barragá që ka ndikuar më shumë në mua është Capuchinas Chapel. Integrimi i dritës dhe hapësirës në harmoni të plotë e bën përvojën e të qenit brenda saj thellësisht shpirtërore. Hapësira humbet materialitetin e saj për t’u bërë metafizike”.

Javier Sordo Madaleno de Haro nga Sordo Madaleno Arquitectos

“Vepra ime e preferuar nga mjeshtri Luis Barragán është Torres de Satélite, kryesisht për shkak se ishte agjent i ndryshimit për zonën dhe shërbeu si një identitet për Ciudad Satélite. Për më tepër, unë e admiroj me të vërtetë bashkëpunimin e tij me Chucho Reyes, një mik i mirë i gjyshit tim, Juan Sordo Madaleno. ”

Carlos Rodríguez Bernal nga SPRB Architecture

“Vepra ime e preferuar është Cuadra San Cristóbal, shkalla dhe sekuenca e hapësirës janë me të vërtetë të përsosura. Është një vepër që tregon se peisazhi nuk e plotëson arkitekturën, por është arkitektura ajo që e plotëson peisazhin. Në rastin e Cuadra San Cristóbal, Barragán ishte minimalist në aspektin e burimeve dhe detajeve, dhe kjo e bëri atë gjithnjë e më të shkëlqyeshëm … një gjeni”.

Gilberto Rodríguez nga GLR Arquitectos

“Pa dyshim, vepra ime e preferuar është Casa Gilardi, së pari kam hasur nëpër fotot e shtëpisë në revistën Artes de Mexico, ku përmes derës së saj pashë korridorin mitik të verdhë të ndriçuar me shumë dritë,  ngjashëm dhe pishinën surrealiste me muret e kuqe që dilnin nga uji”.