Çmimi i blerjes është vetëm një pjesë e zotërimit të një shtëpie, por ka edhe shumë aspekte të tjera që e bëjnë një prone ideale për ju, ose jo. Më poshtë po ju paraqesim disa gjera që duhet të dini për blerjen e një shtëpie.

Përdorni një agjent të besuar

Të gjithë e dimë se sekserët marrin një ulje të çmimit të shitjes së një shtëpie, gjë që i bën disa blerës të hezitojnë të përdorin një sekser: ata besojnë se kjo rrit koston e përgjithshme. Por në fakt duke marr ndihmën e një agjenti ju kurseni para. Një agjent i zgjuar që punon për ju mund të mbrojë interesat tuaja dhe t’ju udhëheqë gjatë proçesit të blerjes: nga prezantimi i shtëpisë , tek negocimi i saj e deri tek sqarimi i kontratës.

Shumë vëmendje te kontrata

Kur jeni duke blerë një shtëpi, ka një qerre me letra për të nënshkruar. Shumë nga ato letra të cilat në fakt janë kontrata duken si kontrata “standarde” të blerjes së shtëpive pa hapësirë ​​​​për negociata. Kjo nuk është e vërtetë. Kontratat janë të destinuara për t’u negociuar.

Keni parasysh të ardhmen

Para se të pranoni të blini atë që mendoni se mund të jetë shtëpia juaj e ëndrrave, merrni parasysh planet tuaja afatgjata. A po planifikoni të qëndroni në punën tuaj aktuale? Të martohesh? Të kesh fëmijë? Shtëpi që po blini duhet të jetë e përshtatshme edhe për përgjigjet e këtyre pyetjeve.

Mos harroni sa angazhim ka një shtëpi

Kur martoheni, ligjet e shtetit tuaj në përgjithësi përcaktojnë se si trajtohen pasuritë tuaja  dhe në fund si shpërndahen ato pas divorcit. Të njëjtat rregulla nuk zbatohen domosdoshmërisht kur nuk jeni i martuar. Kjo do të thotë që ju duhet të mendoni afatgjatë. Kur blini një shtëpi me të dashurin tuaj që nuk është bashkëshorti juaj, sigurohuni që të keni një plan të detajuar edhe nëse gjërat nuk shkojnë ashtu siç ju shpresoni.

Vendndodhja

Me siguri e keni dëgjuar më parë. Por gjërat më e rëndësishme që duhet mbajtur parasysh gjatë kohës që ju po shikoni për një shtëpi është vendndodhja e saj. Vendndodhja është e vetmja gjë për shtëpinë tuaj që nuk mund ta ndryshoni, dhe për këtë arsye duhet të jetë vendimi i vetëm më i rëndësishëm që duhet të keni parasysh para se të nënshkruani kontraten e blerjes./Media Ndërtimi

Administrata Tatimore e Kosovës, rikujton të gjithë personat të cilët merren me aktivitete afariste, se në bazë të legjislacionit tatimor janë të obliguar të: regjistrohen, mbajnë dokumentacion, deklarojnë dhe të paguajnë saktë detyrimet tatimore.

Bazuar në Planin Strategjik 2022-2026 dhe Planin e Trajtimit të Rreziqeve për vitin 2022, ATK ka hartuar Planin e  Veprimit për të përmirësuar përmbushjen tatimore “Mungesa në stoqe dhe malli pa origjinë”, ku përmes këtij plani do të kryejë aktivitete intensive te tatimpaguesit me qëllim të identifikimit të personave, të cilët nuk përmbushin detyrimet e tyre të përcaktuara me Ligj.

📢Administrata Tatimore e Kosovës, u bënë thirrje të gjithë personave që të përmbushin të gjitha detyrimet tatimore të parapara me legjislacionin tatimor, si:

🔹Deklaroni dhe paguani saktë tatimin;

🔹Mbani dokumentacionin sipas Ligjit;

🔹Dokumentoni mallrat në stoqe sipas kërkesave ligjore;

🔹Dokumentoni mallrat të cilat i mbani në konsignacion;

🔹Dokumentoni mallrat gjatë transportit;

🔹Dokumentoni mallrat gjatë shitjeve ambulante;

🔹Lëshoni faturë tatimore për transaksionet biznes për biznes;

🔹Lëshoni kuponë fiskal për transaksionet Biznes për konsumatorin final (person fizik jo afarist), etj.

🏢Administrata Tatimore e Kosovës, inkurajon të gjithë personat fizikë afarist dhe personat juridikë t’u përgjigjen detyrimeve tatimore, në të kundërtën, do të ndërmerren masat e përcaktuara me legjislacionin tatimor.

✅Me kryerjen e detyrimeve tuaja tatimore, ju kontribuoni direkt në ofrimin e shërbimeve publike, arsimim me standarde të larta, shërbime më të mira shëndetësore dhe sociale, mbrojtje ligjore dhe siguri, si dhe infrastrukturë të përgjithshme për një mirëqenie të qëndrueshme ekonomike dhe shoqërore. Dokumentimi i mallit është obligim ligjor!/Media Ndërtimi.

Ministria e Mjedisit, Planifikimit Hapësinor dhe Infrastrukturës, në bashkëpunim me projektin e Kosovës për Energji – KEP, GFA consulting, të mbështetur nga GIZ në Kosovë, ka filluar punëtorinë informative, në të cilën do të trajtohen tema në lidhje me “Zbatimin e Kornizës Ligjore dhe Rregullative për fushën e Efiçiencës së Energjisë si dhe Energjinë e Ripërtëritshme”.

Kjo punëtori është vetëm njëra prej pesë punëtorive të tjera që do të mbahen gjatë kësaj jave, qëllimi i të cilave është t’i mundësoj palëve të interesit të adaptojnë dhe të zbatojnë propozime të ndryshme ligjore dhe financiare të analizuara nga ky projekt.

Për më tepër, qëllimi i kësaj punëtorie është të informojë pjesëmarrësit për sfidat dhe pengesat legjislative dhe rregullativa për fushën e Energjisë Efiçiente dhe të Ripërtëritshme në ndërtesa si dhe për hapat e mëtutjeshëm që duhet të merren.

Punëtoria do t’i sigurojë pjesëmarrësve detaje për:

• Legjislacionin ekzistues të EE/ER për ndërtesat dhe sfidat që lidhen me zbatimin e tij;
• Veprimet e nevojshme për ta bërë kornizën më efektive dhe të zbatueshme në përputhje me praktikat e BE-së; si dhe
• Propozimet legjislative të nevojshme për të arritur këtë objektiv në fushën e Performancës Energjetike në Ndërtesa.