Connect with us

Aktuale

Arkitekti Arbër Sadiki vlerësohet me çmimin Abdul Latif Al-Fawzan për Arkitekturën e Xhamive

Published

on

Arkitekti Arbër Sidiku vlerësohet me çmimin Abdul Latif Al-Fawzan për Arkitekturën e Xhamive.

Ky çmim adreson ide të reja për dizajnin e xhamive në mbarë botën dhe inkurajon risitë në planifikim, dizajn dhe teknologji që mund të formojnë identitetin e arkitekturës së xhamisë në shekullin e njëzet e një.

Drejtori aktual i Urbanizmit në Komunën e Prishtinës, Arbër Sadiki ka projektuar Xhaminë në Tupallë të Medvexhës.

Qëllimi kryesor i projektit “Xhamia në Tupallë” nga Arbër Sadiki ishte krijimi i një hapësire funksionale dhe shpirtërore të rehatshme për komunitetin e vogël islamik shqiptar, me një kosto financiare minimale. Kjo strategji na shtyu të jemi shumë modestë duke filluar nga dimensionimi i vëllimit të ndërtesës deri tek materialet e saj të ndërtimit. Në fakt modestia si parim është në përputhje me thelbin filozofik të Islamit si fe. Nocione si sinqeriteti, përzemërsia dhe pastërtia, si parimet thelbësore të modestisë, manifestohen në hapësirë me të njëjtën gjuhë arkitektonike duke përdorur forma të pastra gjeometrike në ngjyrë të bardhë nga jashtë dhe brenda ndërtesës.

Hapësira e brendshme e ndërtesës, përtej hapësirave thelbësore të nevojshme për ritualet islamike, është projektuar të krijojë një hapësirë universale për meditim. Muret gjatësore të sallës kryesore të lutjeve, të lakuar në majë, bëjnë të mundur depërtimin e dritës së diellit që vjen nga dritaret e fshehura zenitale të pozicionuara sipër korridoreve. Ky skenar krijon një situatë ku besimtarët ndodhen brenda ndërtesës pa ndonjë çarje të dukshme drejt natyrës, por të ndriçuar nga rrezet e diellit në të njëjtën kohë. Kjo qasje i jep sallës së lutjeve dimensionin e universalitetit dhe hyjnisë./Media Ndërtimi.

 

Aktuale

Prokuroria e Pejës sekuestron ekskavatorë e kamionë nga një eksploatues i zhavorrit

Published

on

Pesë bagerë, tre nga ta ekskavatorë dhe dy lugë ngarkuese si dhe katër kamionë janë sekuestruar gjatë një aksioni që është realizuar të mërkurën, më 12.06.2024, me urdhër të Prokurorisë së Pejës.

Makineritë e rënda për përpunimin e zhavorrit e gurit dyshohet se janë përdorur për të shkatërruar apo degraduar natyrën.

Kallxo.com ka kontaktuar me zëdhënësin e Prokurorisë së Pejës, Shkodran Nikçin, i cili konfirmoi aksionin e të mërkurës.

Sipas tij, një kompani po kryente vepër penale në seperacionin i cili gjendet në fshatin Ozdrim të Pejës.

Pronari i kompanisë dyshohet se ka kryer veprën penale të ndotjes, degradimit ose shkatërrimit të mjedisit.

Në fotografitë të cilat i ka siguruar Kallxo.com janë disa prej makinerive që janë sekuestruar nga njëri nga prokurorët e Pejës në një rast që ka trajtuar ditëve të fundit.

“Janë në kuadër të veprimeve të shumta hetimore që janë bërë në lidhje me këto çështje që prekin degradimin e natyrës. Mund të ju konfirmoj se janë sekuestruar makineri nga një kompani në lidhje me këtë rast” – tha Nikçi./Media Ndërtimi

 

Continue Reading

Aktuale

Pritet marrëveshja për ndërtimin e objektit për degën e Farmacisë në hapësirat e QKUK-së

Published

on

Ministria e Shëndetësisë dhe Universiteti i Prishtinës, Hasan Prishtina, do të nënshkruajnë marrëveshje për ndërtimin e objektit të degës së Farmacisë të Fakultetit të Mjekësisë, raporton Ekonomia Online. Kjo u bë e ditur pas një takimi që ka pasur ministri i Shëndetësisë, Arben Vitia, me takim Rektorin e Universitetit të Prishtinës, Prof. Dr. Qerim Qerimi dhe drejtues të QKUK-së e Fakultetit të Mjekësisë.

“Gjatë takimit, Rektori i Universitetit të Prishtinës, Dr. Qerimi dhe U.D. Dekani i Fakultetit të Mjekësisë, Dr. Fatos Sada, i dorëzuan Ministrit Vitia kërkesën për lejimin e shfrytëzimit të hapësirës brenda QKUK-së për ndërtimin e objektit për degën e Farmacisë të Fakultetit të Mjekësisë.

Gjithashtu, në këtë takim është diskutuar dhe dakorduar që të nënshkruhet një marrëveshje bashkëpunimi, e cila do të rregulloj punën e integruar të stafit akademik brenda dy institucioneve gjegjëse (FM-UPHP dhe SHSKUK-së)”, thuhet në njoftimin e Ministrisë së Shëndetësisë./Media Ndërtimi

Continue Reading

Aktuale

Kosovë – Shqipëri, nis zbatimi i regjimit të lirë të trafikut ndërkufitar

Published

on

Ministri i Brendshëm i Shqipërisë Taulant Balla njoftoi se sot (e mërkurë) ka hyrë në fuqi regjimi i lirë i trafikut në kufirin mes Shqipërisë dhe Kosovës, pjesë e marrëveshjeve të nënshkruara mes dy qeverive.

Balla, përmes një postimi në rrjetet sociale Facebook, se në pikat e kalimit kufitarë në Morinë dhe Vermicë do të ketë korsi të dedikuara për kalimin e lehtësuar të kufirit.

“Sot fillon zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit mes Shqipërisë dhe Kosovës, në pikat e veçanta të kalimit kufitar. Ndërsa në Pikat Kufitare të Morinës dhe Vermicës do të ketë korsi të dedikuara për kalimin e lehtësuar të kufirit”, shkruan Balla në Facebook.

Në bazë të kësaj marrëveshjeje të nënshkruar më 26 nëntor 2021, zona kufitare e lëvizjes së lirë të banorëve me leje të trafikut lokal kufitar është deri në 30 km brenda territorit të palëve nënshkruese.

Marrëveshja parashikon ekzistencën e një entiteti territorial-administrativ, 30 km në brendësi të Shqipërisë dhe 30 km në brendësi të Kosovës, ku shtetasit në të dyja anët do të përfitojnë shërbime të njëjta si në Kosovë, ashtu edhe në Shqipëri, sikur të jenë shtetas të të dyja vendeve.

Nga kjo marrëveshje përfitojnë rreth 300 mijë banorë, të cilët mund të ndjekin lirisht shkollën që nga fillorja e deri në të mesmen, në varësi të vendndodhjes së institucioneve arsimore në të dy anët e kufirit. Mund të shkojnë të punojnë në të dy anët e kufirit./Media Ndërtimi

Continue Reading

Trending