Trashëgimia
Dy inspektorë të trashëgimisë kulturore për 1618 monumente
I themeluar në shkurt të vitit 2018, Inspektorati i Trashëgimisë Kulturore për një vit ka ndërmarrë 27 veprime. Ka urdhëruar ndërprerje të punimeve nëpër monumente në Prizren, Prishtinë, Pejë, Deçan e Junik. Ka ngritur 7 kallëzime penale, pesë në Prizren, një për një rast në Pejë e një tjetër për një rast në Junik.
Por ky organ i trashëgimisë kulturore, që i përgjigjet direkt ministrit të Kulturës, Kujtim Gashi, ende nuk e di saktë se cili është mandati i tij. Për një vit nuk është hartuar e as aprovuar Rregullorja që do të përcaktonte në detaje përgjegjësitë e Inspektoratit. Por, për më tepër, organi funksionon vetëm me dy inspektorë. Ka nën mbikëqyrje hiç më pak se 1618 monumente. Prej tyre 1595 janë në Listën e trashëgimisë kulturore nën mbrojtje të përkohshme e 23 janë nën mbrojtje të përhershme.
Nëpërmjet një shkrese drejtori i Inspektoratit, Shkëmb Manaj, ka njoftuar ministrin e Kulturës, Kujtim Gashi, për punën e deritashme dhe njëkohësisht ka kërkuar që këtij organi t’i plotësohen disa kushte.
“Inspektorati i Trashëgimisë Kulturore gjatë ushtrimit të mandatit është ballafaquar me sfida, të cilat ndikojnë në ushtrimin e plotë të kompetencave, rrjedhimisht në ruajtjen dhe mbrojtjen e trashëgimisë kulturore…”, shkruhet në këtë shkresë të datës 28 shkurt të këtij viti.
Aty ceket se Inspektoratit i mungon korniza ligjore që do të qartësonte saktë kompetencat e këtij organi. Në shkresë shkruhet se Inspektorati ka një numër të vogël inspektorësh në raport me asetet e trashëgimisë kulturore që janë nën mbrojtje të shtetit. “Paqartësia e kompetencave ndërmjet institucioneve të trashëgimisë kulturore, Inspektoratit të Trashëgimisë Kulturore dhe drejtorive të Inspektoratit dhe Urbanizmit nëpër komuna, mungesa e koordinimit institucional dhe mungesa e infrastrukturës për kryerjen e inspektimeve në terren, siç janë veturat”, janë disa prej çështjeve që janë cekur në shkresë e për të cilat kërkohet zgjidhje. Kërkohet që të jetë të paktën një inspektor për 250 asete të trashëgimisë kulturore, që i bie të jenë 6 inspektorë.
Trashëgimia
Në Bostan të Novobërdës fillojnë gërmimet arkeologjike
Në lokalitetin arkeologjik të fshatit Bostan në Komunën e Novobërdës, kanë nisur hulumtimet dhe gërmimet arkeologjike.
“Përmes zbulimeve arkeologjike formësohet historia e lashtë e vendit tonë.”, deklaroi ministri i Kulturës, Hajrulla Çeku.
Ky lokalitet në mesin e banorëve njihet me emrin “Gumnishtë” dhe ndodhet në lartësi mbidetare 957m, ndërsa qëllim i këtij hulumtimi është konfirmimi i një qendre banimi që lidhet me periudhën e Mbretërisë Dardane.
Trashëgimia
Gjendet një vend me përplot bukuri natyrore në Kalanë e Vuçakut në Drenas
Gjendet në një vend me përplot bukuri natyrore dhe potenciali e rëndësia historike që ka e bën tejet të veçantë Kalanë e Vuçakut në Drenas.
Ndërhyrjet në këtë kala kanë nisur dhe në fokus kanë pastrimin, konservimin e strukturave dhe përgatitjet që ky monument të jetë në shërbim të turizmit kulturor.
“Ky do të jetë një vit intensiv me punë në arkeologji”, deklaroi ministri i Kulturës, Hajrulla Çeku./Media Ndërtimi
Trashëgimia
Restaurohet shtëpia e familjes Kryeziu nga Gjakova si aset i rëndësishëm i trashëgimisë kulturore
Shtëpia e familjes Kryeziu nga Gjakova, me arkitekturë tradicionale të fundit të shekullit VIII-të gjendet në pjesën e vjetër të qytetit dhe ka pamje mbresëlënëse.
Ndodhet mes Muzeut Historik dhe hapësirës ku është i vendosur busti i Sylejman Vokshit.
Gjakova njihet si qytet i kulturës, traditës dhe qytetërimit. Investimet në ruajtjen trashëgimisë kulturore nga MKRS nuk do të ndalen./Media Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Këto janë 5 kompanitë ndërtimore më të mëdha në Prishtinë, prinë Marigona Hill
Agroturizmi më i madh në Ballkan ndërtohet në Suharekë
Kush po i pengon hetimet në rastin “Brezovica” ku u sekuestruan 75 villa
Rruga A del këtë javë në tenderim, do të ketë gjashtë korsi
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Kompania kosovare “FORMON” krijon ventilatorë të frymëmarrjes
