Ndërtim
Kritika për projektin e Sheshit Skënderbej
Në Shkup është inauguruar Sheshi Sëkndërbej, nga Komuna e Çairit e cila ka zhvilluar edhe ceremoninë e hapjes zyrtare për këtë shesh.
Inaugurimi i Sheshit u përcoll me koncert të orkestrës së Radio Televizionit Shqiptar, ndërsa organizatori Izet Mexhiti është shprehur se kjo është punë që do t’u vlejë brezave, njofton Agjencia e Lajmeve INA.
”Sheshi Skenderbej, është projekt me vlera të larta estetike e historike që Shkupit i dha vulën e identitetit kombëtar. Le ta gëzojnë brezat e rinj të kombit,” deklaroi Mexhiti
Përpos fjalëve miradije që u shprehën në këtë ceremoni, më pas vijuan edhe kritika të ashpra në drejtim të këtij projekti.
Analisti Ramadan Ramadani deklaroi se ky projekt nuk ka ndonjë vlerë arstistike.
“Aq mall Kine dhe maoiste duken ato muralet në fund të Çarshisë sa të shkon mendja se mos janë ndonjë provizion për atë autostradën që e bëjnë kinezët”, deklaroi Ramadani.
Edhe kritikuesi i madh i regjimit të kaluar Nikolla Pisarev drejtoi kritika të ashpra në adresë të ideatorëve të këtij projekti.
“Më së shumti më nervozon trumpetimi se bëhet fjalë për një mozaik. Në fakt nuk kemi të bëjmë fare me një mozaik, por një vepër që është bërë me pllaka të gatshme të keramikës. Punë e “shvercerëve”, thekson Pisarev.
Mirëpo arkitekti, Mirosllav Gërçev vlerëson se “Sheshi Skënderbe” që sipas tij, nuk është shesh, është bërë më shumë për qëllime politike sesa për qytetarët.
“Është bërë lëshim në ndonjë nga fazat: ose në dokumentin projektues ose në mbikqyrjen ose në ndërtim. Bëhet fjalë për një lloj të keqpërdorimit të panevojshëm dhe madje kriminal të parave shtetërore në objekte që kanë vetëm funksion të marketingut politik dhe nuk kanë për qëllim t’iu shërbejnë qytetarëve. Pse do të ngjitej njeriu në terasë në të cilën gjatë dimrit fryen dhe ka të rreshura, ndërsa në verë të djeg dielli?!”- tha arkitekti Mirosllav Gërçev.
Sheshi Skënderbeu është ndërtuar në tre faza, me një kosto të përgjithshme prej rreth 10 milionë eurove. (INA)
-
Infrastrukturë1 day ago
Komuna e Prishtinës përzgjedh fituesin e kontratës për zgjerimin e rrugës nga Ura e Veternikut deri në hyrje të Graçanicës
-
Infrastrukturë1 day ago
Komuna e Prishtinës shkel ligjin për ‘tunel transformues’ që pritet të kushtojë 6 milionë euro
-
Aktuale2 days ago
Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Infrastrukturë2 days ago
Hap dyert ‘Zenova Home’, partneri juaj për mobilimin e shtëpisë
-
Infrastrukturë2 days ago
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Aktuale1 day ago
Një kompani ndërtimi dëmton kabllot e rrjetit nëntokësor në lagjen “Pejton”, mbesin pa energji elektrike një numër i caktuar i konsumatorëve
-
Infrastrukturë1 day ago
Expo-Albania, xhevahir i koleksionit të arkitektëve bashkëkohorë!
-
Infrastrukturë2 days ago
Mospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?