Në shkallë të gjerë, infrastruktura efikase është ajo që duhet të ketë çdo ekonomi konkuruese. Dhe kjo infrastrukturë duhet të ruhet dhe madje edhe të rinovohet në qoftë se një vend dëshiron që ekonomia e saj të zhvillohet normalisht.

Sipas raportit të fundit nga Forumi Ekonomik Botëror, gjatë viteve të fundit që nga kriza financiare, cilësia në infrastruktuë është përkeqësuar në shumë vende të zhvilluara, duke përfshirë Shtetet e Bashkuara, Gjermaninë dhe Francën. Si rezultat i kësaj, këto shtete nuk janë duke pasur progres në drejtim të cilësisë së infrastrukturës. Forumi Ekonomik Botëror ka bërë klasifikimin e vendeve me infrastrukturën më të mirë në botë. Ja kush janë 11 shtetet më të zhvilluara në infrastrukturë.

11. Shtetet e Bashkuara të Amerikës

Shtetet e Bashkuara renditen në vendin e 1-ë, në përgjithësi në aspektin e vendeve në dispozicion të linjave ajrore, por përsa i përket cilësinë së strukturës së transportit ajror, rënditet në vendin e 5-të. Megjithatë, SHBA zë vendin e 99-të për abonimet e telefonisë mobile. Përveç kësaj, ajo në vendin e 15-të për infrastrukturën hekurudhore dhe në vendin e 14-të për cilësinë e rrugëve.

10. Spanja

Spanja zë vendin e 4 përsa i përket infrastrukturës hekurudhore dhe vendin e 9-të në përgjithësi për vendet ajrore në dispozicion. Megjithatë, të dyja infrastruktura e saj portuale dhe cilësia e infrastrukturës së transportit ajror janë renditur në vendin e 12-të, dhe cilësia e furnizimit me energji elektrike në vendin e 24-ër. Disa vjet më parë, Spanja ka kaluar nëpër “shpenzimeve të pamatura publike dhe projekte të keq-menduara duke zhytur vendin në borxhe” dhe me disa aeroporte “fantazmë”, të cilat janë plotësisht të papërdorura.

9. Mbretëria e Bashkuar

Mbretëria e Bashkuar renditet e 3-të për vendet e linjës ajrore në dispozicion, dhe e 9-ta për cilësinë e furnizimit me energji elektrike. Megjithatë, ajo përsa i përket cilësisë së rrugëve renditet e 29-ta, dhe në vendin e 19-të për infrastrukturën e transportit ajror. Infrastruktura në Mbretërinë e Bashkuar është një nga infrastrukturat më të zhvilluara në botë, madje edhe kur krahasohet me ekonomitë e tjera të zhvilluara. Megjithatë, rrjetet hekurudhore të Mbretërisë së Bashkuar janë më të shtrenjtat në Evropë dhe përballen me vonesa të vazhdueshme.

8. Franca

Cilësia e infrastrukturës hekurudhore të Francës zë vendin e 6-të, dhe cilësia e rrugëve të saj në vend të 7-të. Megjithatë, cilësia e infrastrukturës së saj portuale renditet në vendin e 26-të, dhe cilësia e furnizimit me energji elektrike në vendin e 14-të. Sipas raportit, edhe pse cilësia e infrastrukturës të Francës ka rënë gjatë viteve të fundit, avantazhi konkurrues ekonomik i vendit ende i atribuohet pjesërisht “infrastrukturës me cilësi të lartë”.

7. Gjermania

Gjermania vjen e 6-ta për vendet në dispozicion të linjave ajrore, dhe e 9-ta për infrastrukturën hekurudhore. Megjithatë, cilësia e infrastrukturës portuale renditet e 14-ta dhe cilësia e furnizimit me energji elektrike renditet në vendin e 20-të. Sipas raportit, cilësia e infrastrukturës në Gjermani, ashtu sikurse në SHBA, është përkeqësuar që nga kriza financiare. Kjo ka qenë mjaft e dukshme kur krahasojmë Gjermaninë në vendet e Evropës Jugore si Italia, e cila rënditet pa përmirësime në infrastrukturë në të njëjtën periudhë kohore.

6. Zvicra

Zvicra renditet e para përsa i përket cilësisë së furnizimit me energji elektrike, dhe e dyta për infrastrukturën hekurudhore. Megjithatë, cilësia e saj në infrastrukturën portuale është në vendin e 47-të, dhe për cilësinë e rrugëve në vendin e 9-të. Sipas raportit bëhet e ditur që edhe pse Zvicra ka ende infrastrukturë të “shkëlqyer” në lidhje me pjesën tjetër të botës, si Gjermania, Franca dhe SHBA, cilësia e saj ka rënë që nga kriza globale financiare.

5. Japonia

Infrastruktura hekurudhore e Japonisë renditet në vendin e parë në përgjithësi, dhe për vendet në dispozicion të linjave ajrore rënditet e 4-ta. Megjithatë, cilësia e infrastrukturës së saj portuale renditet në vendin e 22-të, dhe cilësia e infrastrukturës së saj të transportit ajror në vendin e 25-të. “Japonia ka përfituat nga infrastruktura e shkëlqyer si edhe nga një prej forcave më të shëndetshme të punës në botë, me një jetëgjatësi prej mbi 80 vjetësh,” shkruhet në raport.

4. Emiratet e Bashkuara Arabe

Emiratet e Bashkuara Arabe rënditen në vendin e parë përsa i përket cilësisë së rrugëve, dhe të 2-at për cilësinë einfrastrukturës së transportit ajror. Megjithatë, për cilësinë e energjisë elektrike renditen në vendin e 10-të. Emiratet e Bashkuara Arabe janë “ambient i shkëlqyer makroekonomik, me infrastrukturë shumë të zhvilluar dhe institucione të forta që sigurojë një bazë solide, dhe ekonomia e Emirateve është e dukshme më e larmishëm se vendet e tjera të GCC”.

3. Hollanda

Holanda vjen në vendin e 1-ë për cilësinë e infrastrukturës portuale, dhe e 2-ta për cilësinë e rrugëve. Megjithatë, ajo renditet në vendin e 23-të për vende e lira në dispozicion në linjat ajrore. Ekonomia e Hollandës ka përjetuar një përmirësim të vogël, por ajo konfirmoi performancën e saj të fortë në fusha të tilla si arsimi, infrastruktura dhe institucionet, gjatë vitit të kaluar.

2. Singapori

Singapor renditet në vendin e parë për cilësinë e infrastrukturës së transportit ajror dhe në vendin e 2-të për cilësinë e infrastrukturës portuale. Megjithatë, ky shtet renditet në vendin e 29 në aspektin e linjave fikse telefonike, dhe e 14-ta për abonimet në telefoninë mobile. Ekonomia e Singaporit mbështetet në infrastrukturën e nivelit të lartë, me një kuadër institucional transparent dhe efikas, dhe një mjedis makroekonomik të qëndrueshëm.

1. Hong Kongu

Hong Kong zë vendin e parë në botë për abonimet në telefoninë mobile dhe vendin e dytë për cilësinë e furnizimit me energji elektrike. Faktori i vetëm ku Hong Kongu nuk ka vend në top 10-she është disponueshmëria e vendeve të linjës ajrore, ku u rendit e 17-ta. Hong Kong vazhdon të kryesojë në infrastrukturë, përpara Singaporit, duke reflektuar cilësi në të gjitha mënyrat e transportit.