Arkitekturë
Në Egjipt do të ndërtohet kompleksi futuristik me vlerë 4.9 miliard euro

Egjipti është objektivi më i fundit nga arkitektët për ndërtimin e një ndërtesë futuristike, e projektuar për të qenë e gjelbërt. Kompleksi 4.9 miliard euro, i quajtur Porta Residence, do të ndërtohet në Kajro dhe përveç karakteristikave ekologjike të tilla si panelet diellore, turbinat e erës dhe tubat për ngrohje, do të ketë edhe 1000 apartamente.
Kompleksi do të ketë të projektuara tre kate vetëm për zyra, një qëndër tregtare, katër kate nëntokë parkim, shërbime shëndetësore, cerdhe për fëmijët si dhe një farmaci 24-orëshe.
E quajtur Porta Residence, projekti është bërë nga arkitekti, Vincent Callebaut, i cili ka vendosur të aplikojë forma nga më të ndryshmet gjeotermale si panele diellore, tuba ngrohës dhe turbina me erë. Kompleksi do të ketë në total 1000 apartamente, zyra dhe një qendër tregtare, ndërsa catia do të transformohet në një kopsht për komunitetin, pishina dhe një zonë sportive.
Një seri me nëntë “megatrees” do të vendosen në hyrjen e ndërtesës, të cilat do të përmirësojë ftohjen gjatë stinëve të ngrohta dhe normat e ftohjes natën.
Në projektin Porta, arkitekti planifikon të ndërtojë në pjesën qëndrore boshte ajrore që të ftohë natyrshme çdo apartament. Pastaj, duke përdorur në terren pompat e ngrohjes gjeotermale do të sigurohet ngrohje në ndërtesë nga dyshemeja. Kjo është projektuar për të siguruar një mënyrë efikase dhe ekologjikisht miqësore për ngrohjen dhe ftohjen në apartamente dhe hapësira komerciale.
Qelizat diellore konvencionale përdorin dritën e dukshme dhe infra të kuqe për të gjeneruar energjinë elektrike, dhe qelizat fotovoltaike përdorin rrezatim ultravjollcë. Në këtë projekt, catitë do të mbulohen nga panele fotovoltaike për të gjeneruar energji elektrike. Nga ana tjetër qelizat diellore do të integrohen në një shtresë xhami të dyfishtë që do të jetë e lehtë për t’u pastruar.
Mundësia kryesore e ngrohjes në qytete është thithja e rrezatimit diellor nga rrugët dhe ndërtesat. Porta Resident do të ketë mure të gjelbëra për të reduktuar temperaturën e përgjithshme. Duke i mbuluar sipërfaqet me bimësi, krijohet një mënyrë e efikase për riciklimin e ujit. Në këtë projekt, nëntë megatrees do të mbulohen nga këto mure të “gjalla” dhe do të jenë përgjatë gjithë rrugës së brendshme që lidh ndërtesat me njëra-tjetrën në kompleks.
Brenda ndërtesës teknologjia inteligjente për automatizimin e shtëpisë do të jetë e vendosur në zyra dhe apartamente, ku pronarët e shtëpive dhe punëtorët do të jetë në gjendje të kontrollojnë temperaturën e ambientit në zona të ndryshme. Multisensorët do të përdoren për të zbuluar numrin e njerëzve në një dhomë në mënyrë që të rregullohet temperatura për një klimë sa më të përsosur, njëkohësisht duke kursyer edhe energji.
Në total, kompleksi do të ketë një sipërfaqe rreth 450.000 metra katrorë dhe do të kushtojë 4.9 miliardë euro. Ndërkohë që puna për fillimin e projektit mendohet të nisë në mars të 2015 dhe pritet të përfundojë në 2019- ën.
