Aktuale
Së shpejti restaurohet Xhamia e Plumbit
Ministria e Kulturës në Shqipëri, Mirela Kumbaro ka miratuar një projekt për të shpëtuar Xhaminë e Plumbit në Shkodër nga përmbytjet.
Ministrja Kumbaro me anë të një postimi në Facebook ka treguar se projekti do t’i japë zgjidhje plagës kryesore të xhamisë.
“Ministria e Kulturës dhe Instituti i Monumenteve të Kulturës i japin zgjidhje plagës kryesore të Xhaminë e Plumbit në Shkodër, pas miratimit të projektit për restaurimin e saj”, ka shkruar ajo.
Xhamia përmbytet rregullisht nga lumi si edhe nga reshjet e shiut.
Për këtë projekt Ministria e Kulturës ka nisur një bashkëpunim të hershëm me Ambasadën turke.
“Për këtë projekt Ministria e Kulturës ka nisur një bashkëpunim të hershëm me Ambasadën turke dhe Agjencinë turke Tika, duke njohur vështirësinë e ndërhyrjes për shkak se pëson rregullisht përmbytje nga lumi por edhe nga uji i reshjeve,”-shkruan Kumbaro.
Vendimi është marrë në mbledhjen e fundit nga Këshilli Kombëtar i Restaurimeve. Ministrja Kumbaro gjithashtu thekson se ndërhyrja e posaçme kërkon ndërtimin e një dige rreth xhamisë për të mbajtur larg ujrat nga muri strukturor i ndërtesës dhe për t’i dhënë zgjidhje një herë e mirë këtij fenomeni që jo vetëm e bën të papërdorshme Xhaminë e Plumbit por edhe ka dëmtuar vlera të saj, që tashmë do të jenë objekt restaurimi.
“Tashmë vjen faza e vështirë e zbatimit të këtij projekti kompleks, por që do të shtojë një destinacion të ri për t’u vizituar në Shkodrën e kulturës dhe të diversitetit fetar,“-përfundon Kumbaro në statusin e saj.
Xhamia e Plumbit është ndërtuar në vitit 1773-1774 nga Mehmet Pashë Bushatliu, ajo është shpallur Monument Kulture në vitin 1973 dhe është e vetmja xhami e ngelur në këtë zonë nga periudha osmane.
Aktuale
Rritja e qirave dhe kriza e strehimit kthehen në një fushë beteje kyçe të politikës evropiane
Aktuale
Rreth 300 biznese dhe dhjetëra agjentë doganor nënshkruajnë peticionin për vazhdim të licencës së Terminalit Doganor në Ferizaj
Aktuale
Eurostat: Shqiptarët më punëtorët në Evropë, por me paga me të ulëta
-
Infrastrukturë10 hours ago
Në Drenas vihet gurë themeli për energji të ripërtëritshme me vlerë mbi 43 milionë euro
-
Infrastrukturë10 hours ago
Trena elektrikë në Kosovë dhe Shqipëri? Vendet e Ballkanit tentojnë të modernizojnë linjat hekurudhore
-
Infrastrukturë6 hours ago
Të huajt blenë 26% të pasurive të paluajtshme në Shqipëri – Bie numri i pronave të pashitura. Shumica prej tyre të blera me kredi
-
Aktuale6 hours ago
Rreth 300 biznese dhe dhjetëra agjentë doganor nënshkruajnë peticionin për vazhdim të licencës së Terminalit Doganor në Ferizaj
-
Auto4 hours ago
Kërkesa për vetura elektrike kineze po rritet
-
Auto8 hours ago
Bizneset shprehin pakënaqësi me dinamikën e punimeve në zonën historike të Prizrenit
-
Infrastrukturë11 hours ago
Në myk e kushte jo të favorshme mësojnë nxënësit e Shkollës Dardania në Prishtinë
-
Infrastrukturë5 hours ago
Preferohen pronat në periferi të qyteteve