Aktuale
Abazi: Marrëveshja për Termocentralin “Kosova e Re” krimi më i madh
Kundër marrëveshjes për ndërtimin e Termocentralit “Kosova e Re” e cila kontratë u publikua sot ka dalur sërish njohësi i çështjeve politike, Haki Abazi duke e quajtur marrëveshje mashtrimi.
Abazi ka theksuar se ky është krimi me i madh ekonomik që do të ketë pasoja 60 vjeçare.
Ai nëprmjet një shkrimi në profilin e tij në Facebook, ka drejtuar një sërë kritika ndaj Ministrit të Zhvillimit Ekonomik, Valdrin Lluka, përcjellë Ndërtimi.info
Abazi ka thënë se kjo marrëveshje është kundër zhvillimit ekonomik të vendit, e për të cilën vetë Lluka dhe Qeveria për këtë janë injorant e për të cilën nuk kanë njohuri.
Tutje ai është shprehur se ai Lluka është bërë peng dhe bashkëpuntor i Klanit Pronto duke i dhuruar Kosovës siç e quan ai fëmijës 10 vjeçar dhuratë për ditëlindje një torte të zezë prej qymyrit.
Ky është postimi i plotë pa ndërhyrje i Abazit në facebook:
Valdrin Llukaj, Qeveria dhe Termocentrali “KOSOVO e RE”- Krimi me i madh ekonomik me pasoja 60 vjecare.
Ajo qe keni publikuar sot eshte marreveshje mashtrimi, kunder zhvillimit ekonomik te vendit dhe keni treguar qe ju si Minsiter dhe Qeveri ne te cilin beni pjese jeni injorant, joprofesional dhe nuk keni aspak njohuri. Ju ne fakt jeni duke shkaterruar te ardhemen e nje vendi te vogel dhe ne asnje menyre nuk jeni te percaktuar per Integrime Rajonale dhe Evropiane ashtu siq flisni. Ju jeni bere peng dhe bashkepunetore te Klanit PRONTO.
Ne anen emocionale/ njerezore, ju sot keni konfirmuar qe ketij femiju 10 Vjecar, per ditelindje i keni dhuruar nje torte te zeze prej QYMYRI. Paramendojeni nese vajza jote ose femiju i kujtedo ne qeveri do te merrte nje torte, dhurate te zeze, plot helm, ne dhjetevejtorin e pare te jetes dhe qe do te duhet te jetoje me te plot 60 vite. Ju garantoj qe ardhmeria e atij femiju do te jete zeze, e mbuluar me pluhur, e shkretuar, me mushkeri te demtuara dhe trurin e pazhvilluar per shak te perberjes se grimcave helmuese dhe ndoteseve tjere.
Nga ana shendetit publik: Ne kemi nje trup/ organizem energjetik ne Kosove qe ka humbje te energjise nga te gjitha anet. Kjo humbje mund te krahasohet me nje trup qe ka rrjedhje gjaku dhe ju ne vend se te sheroni pjeset ku gjaku po humbet, ju po tentoni te vendosni edhe nje zemer tjeter per te pompuar gjak edhe me tutje. Ky intervenim eshte i pamenqur dhe e dergon trupin ne vdekje te pakthim.
Nga ana mejdisore: Ju ne konference per shtyp, hapur e keni thene qe duhet te siguroni ujin per ftohjen e turbinave; cilin uje, prej nga vjen ai uje, cka ju ben farmereve ai uje, a mund te merrni uje nga Ujmani qe me dialog ju keni dhene nen mbikqyrje qeverise se Serbise. Po ashtu ju jeni garantues te sigurimit te thengjillit, qe do te thote exproprimin te tokave te banoreve qe perveq qe duhet larguar banore, ju duhet te shkatrroni tokat pjellore, biodiversitetin e vendit dhe do hapni gropa te zeza per 60 vitet e ardheshme dhe jeni te obliguar te mengajoni materiet e rrezikshem te liruara. Duke qene se jeni Minisiter i Ekonomise do te duhej te kuptoni qe fjalia juaj se Qeveria E Kosoves nuk ka obligime financiare eshte absolutisht e pavertet. Uji, toka, zhvendosja, ndertimi i vendbanimeve, kompensimi, mengagjimi pluhurit dhe kemikaljeve te rrezikshme, dhe detyrimi per te blere te gjithe energjine edhe athere kur nuk ju duhet, perveq se eshte kosoto eshte projeksion qe deshton Kosoven B, perjashton investimet ne energji te ripertritshme dhe krijon situate ku eficienca eshte kunderproduktive ndaj marreveshjes per blerjen e obliguar te energjise se prodhuar nga ky Termocentral. Aq me teper ju jeni munduar qe me fjale te pergjithesuara dhe pa kuptim te mbani te mshehur faktin se i gjithe investimi ne fakt eshte barre ne konsumatorin dhe qytetarin e Kosoves. E para se qytetari i Kosoves nepermejt taksave do te paguaj gjitha kushtet qe duhet plotesuar qeveria e Kosoves, zhvendosjen, perpunimine thengjillit, sigurimin e ujit dhe gjitahshtu do te paguaj kostot e shendetit publik per 60 vitet e ardheshme qe jane me shume spitale dhe sherime jasht shtetit. Ne anen tjeter fatura e energjise do te kete rritje inkrementale qe do te arrije ne niveline 50% ne minimu. Ju duhet te tregoni qytetareve se per cfare kohe te kthimit te investimit behet fjale dhe se si ajo kosto do te perfshihet ne fature. Ju mendoni se ne jemi idiot dhe mendoni se nuk kuptojme qe askush nuk investion kapitalin privat pa llogarine plote te fitimit dhe nxjerrjes se investimit primar para doerezimit te asetit ne prone te dikuj tjeter. Dhe meqe askush nuk do ta blej ata do ta lene kete “kopil” tek dera e qeversie. Sigurisht ju nuk do te jeni aty ne ate kohe.
Per kend punoni ju sespe ketu nuk ka logjike ekonomike e as mbrojtje te interesit te publikut ketu matematika eshte qe ju keni bere nje krim te rende ekonomik.I vetemi aresyetim per vendimin tuaj eshte qe vertet ju duhet pluhur per te ju hedhur qytetareve syve qe t emos hohin se cfare jeni duke bere. Ne cilindo vend te botes Kryeprokurori do te fillonte procesin gjyqesor sepse ju bashe me Besim Beqaj, Blrenad Stavilevcin keni shkelur te gjitha procedurat perfshire edhe ligjin per prokurim publik dhe ligjet per mjedisin por edhe keni demtuar shtetin ne nivelin qe konsiderohet shkelje kushtetuese.
Ajo qe keni thene dhe eshte ne marreveshje qe poashtu eshte shume e rrezikshme qe kontraktori i ka bere kontratat siq ka dashur vet dhe prej ju kerkon “qymyr te qualitetit te caktuar dhe uje te kualitetit te caktuar” qe do te thote se ju do te merreni me tharjen e qymyrit dhe me pastrimine ujit per te realizuar funksinimin e Termocentrailit ne koeficientin e eeficences se garantuar. Ky eshte shume problem i madh, jo vetem per nga ana financiare direkte por edhe per justifikimet nga gjuah juridike qe krijon hapesire per investitorin me kerku nga Qeveria dhe buxheti i shtetit fonde shtese gjate gjithe kohes per shkak se Qeveria do te deshtoje ne vazhdimesi ne plotesimin e kushteve te parapra me marreveshje.
Te gjitha keto edhe shume pyetje tjera do te duhej te pergjigjen praprkisht ne Vleresimin e Impaktit Mjedisor, Social qe Banka Boterore dhe Qeverite e Kosoves qe 15 vite kane shpezuar me dhjetra miliona Euro dhe nuk ekane kryer asnjehre. natyrosht qe moskryerja eshte akt poltik sepse ky process dhe dokumenti do te tregonte se sa i pakuptimit ekonomikisht, financiarisht, cfare demi do te shkaktonte ne shendetin publik dhe cfare kosto ne shkaterrimin dhe degradimin e mjedisit do te kete. Meqe jemi ketu. Pyetja eshte ku ishte Banka Boterore sot, pse nuk ishte prezent dhe a keni grancion te BB, a ka pasur vendim te bordit te Bankes Boterore per te perkrahur kete Termocentral ” KOSOVO e Re”.
Krejt ne fund: e di qe ne publik Besim Beqaj, Blerand Stavilevci, Ilir Deda dhe njerez te tjere kane propaganduar qe une jam kunder Termocentralit “Kosova e Re” per shkak se paskam investime ne teknologjine e enregjsie se ripertritshme. Deklarohem publikisht qe kurr nuk kam pasur dhe as sot nuk kam asnje interes personal e as interest te dikujt tjeter e as nje lidhje me asnje lloj ivestimi te cfaredoshem ne Kosove apo kudo tjeter.
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
Aktuale
Themelohet Oda e Minierave të Kosovës
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
Si Vladimir Putin krijoi një ‘flluskë’ të pasurive të paluajtshme
Kinezët dhe turqit “gëzojnë” koncesionin e bakrit në Shqipëri
Deodorantë, shishe uji plastike…: Çfarë nuk duhet të lini në vetura në ditët e nxehta?
Një autostradë dixhitale do të ndërtohet mes Tokës dhe Hënës
Develon prezanton ekskavatorin tunelues DX235RTF-7
Liebherr blen 119 hektarë në SHBA për të ndërtuar një qendër logjistike
Epiroc përballet me sfida në tregun e ndërtimit
India do të shpenzojë 132 miliardë dollarë në infrastrukturë
Bulevardi i palmave dhe agrumeve në Vlorë, 3.4 milion euro për projektin
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
